74. De sancto Ludovico.

In 1. Vesperis.
Super Psalmos.
A. Nunc laudare Dominum
Debet plebs fidelis,
Exstirpator criminum
Regnat rex in caelis.

Ad Magnificat.

A. Rex, per quam ecclesia
Fuit sublimata,
Per quem tota Francia
Nunc est honorata,

Cui semper justitia

Fuit comitata,
Nobis Christi gratia

Da regna beata.

Ad Matutinum.
Invitatorum.

Ludovici nova solemnia
Laeta colat mater ecclesia.

In 1. Nocturno.
Antiphonae.

1. Sanctus voluntatem
In lege Dei fixit,
Qui cordis puritatem
Servavit, cum vixit.

2. A Deo constitutus

Rex custos innocentiae
Cum eo consecutus
Est solium gloriae.

3. Tu sanctum, Domine,
Regem suscepisti,
Qui sine crimine
Cultor fuit Christi.

Responsoria.

1. Rex regum regis filio
Regales parans nuptias
Post certamen in stadio
Coeli praebet delicias
Glorioso commercio;
V. Pro regno temporalium
Habet regnum coelestium
Ludovicus in praemium.

2. Gloriosus apparuit

In cultu praesidentis,
Sed cum in Christo praefuit

More David ludentis,
Nec ex hoc sibi defuit
Auctoritas regentis.
V. Virgam virtutis habuit,
In qua malos compescuit
Sed sub norma clementis.

3. Felixregnum,cujusrexprovidus,
Pacificus, pius et pudicus,
In adversis semper intrepidus,
Talis fuit sanctus Ludovicus.

V. Rex erexit terram et patriam,
Qui diligit sequi justitiam.

In 2. Nocturno.
Antiphouae.

1. Mirificavit Dominus

Sanctum regem Francorum,
Cujus nunc est terminus
In regno beatorum.
2. In misericordiae
Multitudine

Deum adorabat,
Quia conscientiae
Rectitudine

Coelis inhiabat.

3. Gloria et honore

Regnat rex coronatus,
Qui semper in amore
Dei fuit firmatus.

Responsoria.

1. Paupertatis larga subsidia,
Veritatis aequa judicia,
Honestatis certa indicia,
Sanctitatis sunt testimonia
Pii regis.
V. O quieta gregis protectio,
O discreta recogitatio
Summae legis.

2. Fulget signis rex insignis,
Nam aegrotis ejus votis
Praestantur remedia,
V. Dati neci liberantur,
Claudi, caeci reparantur,
Fugantur daemonia.

3. Regnum mundi supergressus

Et ejus ornatum,
Regnum coeli jam ingressus

Sibi praeparatum,
Nostros regat ad se gressus

Post hunc incolatum.

V. Peregre Jacob egressus
Patris ad mandatum,
Deum vidit sic professus
Vitae coelibatum.

In 3. Nocturno.
Antiphonae.

1. Habitabit in tabernaculo
Domini gloriose,
Quia vixit in isto saeculo
Rex noster virtuose.
2. In virtute Domini

Rex sanctus laetatur,
Nunc sanctorum agmini
Junctus gloriatur.

3. Rex innocens manibus
Atque corde mundo
Regnat cum coelestibus
In regno jucundo.

Responsoria.
1. Cum esset in accubitu

Rex internae dulcedinis,
Arcens potenti spiritu

Pestes carnis et sanguinis,
Bonorum septus ambitu
Sceptro fulsit regiminis.
V. David regis sedit in solio,

Salomonis utens judicio.
2. Pro se suisque subjectis
Orans Deum et cum rectis

Rectum iter faciens,
Domum Dei rex intravit
Et ad templum adoravit,
Ut praedixit moriens.
V. Felix cursus sic viventis,
Felix finis sic currentis
Deo semper uniens.
3. O sparsor divitiarum
Erogando pauperibus,
O spretor deliciarum

Insistendo laboribus,
Defensor ecclesiarum

Tuis tuendo viribus,
Duc nos ad regnum praeclarum
Piis fovendo precibus.

V. Qui tot aegris praestitisti
Curationum gratiam,
Nobis confer dono Christi
Transgressionum veniam.

In Laudibus.
Antiphonae.

1. Ludovicus hodie
Decorem indutus
Est coelestis patriae
Regnum consecutus.
2. Omnis terra jubilet
Deo laeta serviens
Laudibusque vigilet
Novum festum faciens.

3. Ad te, Deus meus,
Semper vigilavit
Sicque nunquam reus
Coelos penetravit.
4. Benedixit creatorem
In suis operibus
Ludovicus gerens morem
Datum coeli civibus.
5. Ludovicus Dominum
De coelis laudavit,
Quando vitae terminum
Coelo dedicavit.

Ad Benedictus.

A.Ludovicus, decus regnantium,
Transit felix ad coeli solium,
Cujus prece coetus fidelium
Summi regis intret in gaudium.

In 2. Vesperis.
Super Psalmos.

A. O decus ecclesiae,

Pie rex Francorum,
Exemplar justitiae,

Lex et norma moram,
Ludovice requie

Fruens beatorum
Tuae dono gratiae

Da regna eoelorum.

Ad Magnificat.

A. Ludovice, rex Francorum,
In felici beatorum

Regno gaudens gloria,
De hac valle miserorum
Recto calle nos justorum

Duc ad coeli gaudia.