59. De sancto Goare.

In 1. Vesperis.

Super Psalmos.

A. Sancte Goar, Domini

confessor et alme sacerdos,
Propitius nobis

tu peccatoribus adsis.

Super Magnificat.
A. Adsunt haec nobis

venerandi festa Goaris,
Qui spernens patriam

coelorum possidet aulam,
Ejus apud Dominum
precibus relevemur in aevum.

Ad Matutinum.
Invitatorium.

Eja, Christicolae,

Domino jubilando venite,
Qui confessorem

vexit super astra Goarem.

In 1. Nocturno.
Antiphonae.

1. Nobilis hic Domini,

confessor in ordine cleri,
Moribus egregiis

decus auxit nobilitatis.
2. Omnia devotus

Domini praecepta secutus
Presbyter efficitur,

quia cunctis dignus habetur.
3. Contemptor patriae

mercedis amore supernae
Iste Dei famulus

petit exsilium venerandus.

Responsoria.

1. Laude Deo digna

celebremus mente benigna
Haec confessoris

solemnia sacra Goaris,
Ut mereamur eum

semper habere patronum,
V. Hunc prece subnixa

deposcit concio nostra.
2. Hic Domini servus

generoso sanguine natus
Terrenas auras

et divitias perituras
Deserit, ut regnum

mereatur adire supernum,
V. Blanditias vitae

fugiens et noxia quaeque.
3. Vir Domini sanctus,

divino munere plenus,
Culturas veterum

coepit damnare deorum,
Hanc firmando fidem,

quod sit Deus unus et idem.

V. Omnia, quae docuit,

dictis factisque probavit.

In 2. Nocturno.
Antiplionae.

1. Vir Domini cellam

Rheni construxit ad undam,
In qua devotum

solvit Christo famulatum.

2. Pervigil orando,

jejunia castus amando
Creditur angelicam

vir sanctus ducere vitam.

3. Inter virtutes,

quas exercere solebat,
Laetus amore Dei
peregrinos suscipiebat.

Responsoria.

1. Veri Christicolae

virtutes non latuere,
Namque suo Dominus

est in sermone locutus,
Moenia praecelsi

montis non posse recondi,
V. Sic evangelica

protestantur documenta.

2. Christus de tenebris

lumen perduxit honoris,
Dum sancti meritum

signis fecit manifestum,
Claudos curando,

caecis visum reparando ;
V. Hic etenim cunctis

est clara lucerna decoris.

3. Serpens antiquus

tentator et hostis iniquus,
Invidia doctus,

fraudis zelo stimulatus,
Non patitur sanctum
Domini transire quietum,
V. Infestando pium

per inania verba malorum.

In 3. Nocturno.

Autiphonao.

1. Veram justitiam

sectando noluit illam
Laudibus Immanis
extolli, ne sit inanis.

2. Hic quia mundanas

laudes spernit quasi vanas,
Lumine coelesti

fruitur cum laude perenni.

3. Dignus laude fuit

tali, qui sponte reliquit
Nomine pro Domini
praesentis gaudia saecli.

Responsoria.

1. Sanctum perversus,

justum blasphemat iniquus,
Mansuetum tumidus,

odit mitem furibundus,
Nam fit pravorum

contritio vita bonorum,
V. Despiciunt humilem

versuti simplicitatem.

2. Vir Domini rite

dibpensans semina vitae
Dogmate de caelis,

prudens servusque fidelis
Verba malignantum

spernebat et insidiantum
V. Distribuendo Dei

verbum sermone fideli.

3. Simplicitatis opus

contestans coelica virtus
Falsiloquos testes

devicit et insidiantes;
Dum quasi provectus

infans loquitur triduanus,
V. Justus honoratur,

confunditur insidiator.

In Laudibus.
Autiphcmae.

1. Laudibus est digna

justorum lux hodierna,
Qua sanctum Domini
suscepit regia coeli,

2. Hic sibi commissum

studuit cumulare talentum
Hoc referens Domino
coeli cum foenore bino.

3. Rebus in exiguis

quoniam fuit iste fidelis,
Ingreditur Domini

praecepto gaudia caeli.

4. Omnis factura

Dominum per saecula cuncta
Laudet, glorificet,

benedicat, semper adoret.

5. Cum sanctis Domini

nos psallimus omnipotenti
Festa sacerdotis

sancti venerando Goaris.

Ad Benedictus.

A. Pastor summe, Deus,

nos respice propitiatus
Pro confessoris

sancti virtute Goaris
Et nos custodi,

nos pace tuere perenni.
In 2. Vesperis.

Ad Magnificat.

A. Exsultet omnis spiritus
In laude Christi coelitus,
Qui superbos dum prostravit
Et mansuetos exaltavit,
Recordatus est gratiae
Reformando nos gloriae.