51. De sancto Finiano.

In 1. Vesperis.
Super Psalmos.
A. Salve, lux Midiae,

pater et speculum monachorum,

Cultor justitiae,

jubar et flos philosophorum,
Tu defende pie

nos a fornace dolorum.

Ad Magnificat.
A. O pater alme, tuum,

nomen sit sanctificatum,
Vincens daemonium

nostrum tu vince reatum
Ac duc hunc populum
super aethera magnificatum.

Ad Matutinum.
Invitatorium.
Exsultemus Finniano
Jubilemus diluculo,
Cujus dogma fuit favus
Praedulcis in populo.

In 1. Nocturno.
Antiphonae.
1. Verbum, mortis pharmacum,
servit Deo gratus,
Dum doctoris cathedram
ascendit beatus.
2. Prece sancti Saxones
montes obtexerunt,
Ea re in Britones
quare fremuerunt?
3. Qui de tuo nomine
me vellunt ingrati,
Ut quid, inquit, Domine
sunt multiplicati?

Responsoria.
1. Dum fervet ad aetherea
Loca petens siderea

Summi regis honore,
In agonis hac area
Carnem terit terrea
Castitatis amore.
V. Sic se cinxit interea
Zona praedira ferrea
Scaturiens foetore.
2. Trino fulsit miraculo
Sanctorum tabernaculo

Hospitio susceptus,
Vivum funus oraculo,
Vinum lympbam in vasculo
De coelo est adeptus.

V. Vacca gaudet de vitulo
Redivivo diluculo,
Quo vir fuit refectus.

3. Regressus in Clonardiam
Ad cathedram lecturae
Appronit diligentiam

Ad studium scripturae,
Adquirit sapientiam
Non tamen vi naturae;
V. Deus in dando gratiam
Fudit intelligentiam
Et visionis purae.

In 2. Nocturno.

Antiphonae.

1. In doctrinae poculis
Vix inveni parem,
Omnium in oculis
Te cum invocarem.

2. Ut brutis nasturtia

Placent vel haec herba,
Cunctis erant dulcia
Finniani verba.

3. Qui dedisti in honore
Te pro homine,
Providisti de doctore
Nobis, Domine.

Responsoria.

1. De Roma dum regreditur,

In terra Britorali

Inter senes lis oritur

De cura pastorali,

Sanctus judex eligitur

Consensu ex aequali;

V. Linguam ignotam loquitur,

David praesul efficitur

Concordia vocali.

2. Dum pater hunc persequitur
Comes Lageniensis,

Haeres saeviens sequitur
Militibus appensis,

Collisus natus moritur
Jam sociis eversis;

V. Vati comes obsequitur,
Parenti proles redditur
Militibus conversis.
3. Infelix turba Saxonum
Furibunda insania
In Britones surrexit
Desolans pacem pectorum,
Sancti velut inania
Eloquia despexit.
V. Orante victore daemonum,
Quos horruit Britannia,
Sub montibus contexit.

In 3. Nocturno.

Antipbonae.

1. Omne rerum labile
quisquis superabit,
Iste tabernaculum
pure habitabit.

2. Exile per pabulum
Vincens se virtute
Mundum vicit ac zabulum
Domini virtute.
3. A pestis letiferae
Liberemur guerra,
Nobis super sidera,
Domine, sit terra.

Responsoria,

1. Ex ubertatis hortulo

Gnarus antistes satiat
Christi plebem catholicam,

Ut spiritu proficiat
Scalam pandit ad gloriam

Ut suos salvos faciat.
V. Cunctis datus in speculum

Multis poenis se cruciat
Sed adspexit in populo

Ut ad se nos alliciat.

2. Degens in monasterio
Vir prioris imperio

Irrisus subjugavit
Boves furentes devio,
Completo ministerio

Deo dante donavit,

V. Prior cum improperio
Sublato monasterio
De terris evolavit.

3. Hiob ut alter patitur,
Abel ut fidus graditur,
Ut Henoch exorabat,
Ut arca Noe regitur,
Ut Salomon sic loquitur,
Ut Paulus praedicabat
V. Ut Tobias compatitur,
Ut Helias sic rapitur,
Ut Moyses minabat.

In Laudibus.

Antiplionae.

1. Finianus haereticos
Per sermones propheticos

Constanter informavit,
Hic simul sacrificio
Coelorum et hospitio

Quod Dominus regnavit.
2. Senes cum junioribus,
Sacris ditati moribus,

Deum Abrahae laudate,
Oris apertis faucibus
In Finiani laudibus

Excelso jubilate.
3. Opes sparsit pauperibus
Jesum sequens pro viribus

Ut alter Zebedaeus,
Sic ex gratis operibus
Erexit in sideribus

Ejus cornu Deus.
4. In hac vita carceris
Dans exemplum posteris

Antistes, dum vixit,
Lingua mane, vesperis,
In adversis, prosperis

Deum benedixit.
5. Doctus indoctos docuit
Fidem, mores, ut potuit,

Constanter praedicare,
Jesum, quem corde coluit,
Voce ferventi monuit

Per orhem collaudare.

Ad Benedictus.
A. O doctor Hiberniae.
Victor infidelium,
Thesauros Clonardiae
Nec non privilegium
Cathedrae Midensis
Dono tuae gratiae

Fer nobis auxilium
Ut de donis gloriae

Ditemur immensis.

In 2. Vesperis.
Ad Magnificat.

A. Ave lux Clonardiae,

Pater Piniane,
Viator Turoniae,

Ferens iter grave,
Lima nos vecordiae

Vi virtutis a vae
Cor daque concordiae

Gaudium suave.