66. De sancto Ivone.

In 1. Vesperis.
Antiphonae.
1. Virga virens virtutibus,

Almus ramus Britanniae,
In sanctorum splendoribus
Ivo locatur hodie.
2. Plebis plaudat devotio
Sublimato Ivone
In sanctorum concilio
Et congregatione.
3. Exortum est in tenebris
Ivo, lumen praefulgidum,
Qui fugatis illecebris

Splendorem dedit humidum.

4. Humilis pauperibus
Ivo sociatus
Gaudet cum principibus
Coeli coronatus.

5. Omnes Christi populi,
Deum honorate
Et Ivonis, servuli,
Merita laudate.

Ad Magnificat.

A. Gaude, mater ecclesia,
Plaude, tota Britannia,
Et Trecorensis civitas
Ivone decorata,

Per quem tot mirabilia,
Miracula eximia
Creatoris activitas
Est in te operata.

Ad Matutinum.
Initatorium.
Exsultemus pariter
Christo jubilantes
Ivonis alacriter
Laudes resonantes.

In 1. Nocturno.
Antiphonae.
1. In via non abiit
Lata peccatorum
Vir Ivo, sed tenuit
Viam perfectorum.

2. Mundi hic inania
Non est meditatus
Ivo ad coelestia
Totus inflammatus.

3. Susceptor est Dominus
Incliti Ivonis,
Caput ejus terminus
Exaltans coronis.

Responsoria.
1. Sacrae scripturae foedere
Coepit Ivo contemnere

Mundanum florem marcidum
Et sursum corde cernere
Non segniter sed propere
Ad fructum coeli sapidum:
V. Cor ejus valde fervide
In cursu nescit sistere
Sed semper vult proficere.
2. Prae arduo jejunio
Pro castitatis lilio

Ivo corpus arctavit
Circumtectum cilicio
Et sic in carnis proelio
Perfecte triumphavit,
V. Nam fames et rebellio
Devincitur et ratio
In eo superavit.

3. Septem diebus rapitur
Divino juramento
Et tunc nullo reficitur
Humano nutrimento,
Nam intus plene pascitur
Coelesti alimento.
V. Ivo tunc alme alitur
Et ad corpus deflectitur
Virtus ex ligamento

In 2. Nocturno.

Antiphonae.

1. Cum invocaret Dominum

Ivo, vir devotus,

In divinum silentium

Reconditur totus.

2. Verba Dei auribus
Populi pandebat.
Ivo, quem operibus
Ad Deum trahebat.

3. Ex ore infantium
Ivo collaudatur
De morte surgentium,
Quo id impetratur.

Responsoria.

1. Moysi assimilatur,
Eliae et Elisaeo
Ivo, per quem separatur

Aqua magna dante Deo
Signo crucis, quo miratur
Famulus vadens cum eo.
V. Via pontis reseratur,
Hinc et inde desiccatur
Expresso Christi trophaeo.

2. Igne fervens spiritali,
Vera Dei caritate,
Signo crucis triumphali
Ignem fugat pietate
Ivo, non vi corporali
Sed divina potestate ;
V. Dono supernaturali
Egit in materiali
Ignis dura qualitate.

3. Viri clausi exitum
Ivo reseravit,
Futuri absconditum
Clare prophetavit
Et ejus demeritum
Aute propalavit;
V. Lumen est insolitum,
Quo fufurum volitum
Hominis monstravit.

In 3. Nocturno.
Antiphonae.

1. In coeli tabernaculo
Ivo habitavit,
Cum de carnis vinculo
Spiritus volavit.

2. In virtute tua, Christe,
Aeterne lactatur
Magnus Ivo, sanctus iste,
Et congloriatur.

3. Innocens Ivo manibus,
Mundissimus mente,
Gaudet cum sanctis omnibus
In gloriae monte.

Responsoria.

1. Hic pietatis opera

Ivo cuncta implevit,
Cum egenorum viscera
Cibo, potu replevit
Et nuda horum corpora
Indumentis complevit,
V. Sepulchris tradens funera
Et vivis domus foedera
Cetera adimplevit.

2. Dum suis Ivo manibus
Panem praebet pauperibus,

Panis multiplicatur,
Et arca plena frugibus
Collatis indigentibus
Iterum cumulatur,
V. Dispergens dans egentibus
De suis cunctis opibus
In coelo lucrabatur.

3. Ligna curia protenduntur
Et praecisa renascuntur

Supra vim naturae,
Subito dum promittuntur,
Cum Ivoni conferuntur
Ad opus structurae,
V. Florent, sursum eriguntur
Et ad statum reducuntur
Primaevae naturae.

Ad Laudes.

Antiphonae.

1. Indutus est sanctus Ivo
Divinum decorem
Et gustat de coeli rivo
Aeternum dulcorem.

2. Ivonem presbyterum
Cuncti exaltate
Et pro dono operam
Deo jubilate.

3. Ad tuam, Ivo, gloriam
Sitivit Deus meus
Sicut ad victoriam
Fortis Maccabaeus.

4. Ivo laude carminum
In vita beata
Benedicit Dominum
Per cuncta creata.

5. In sanctorum ecclesia
Laus sonet Ivonis,
Qui sedet in gloria
In sanctorum thronis.

Ad Benedictus.

A. Coeli gaudet rosarium
Adventu novae rosae,

Ivonis, cujus folium

Senarium
Vitae laboriosae

Transit ad septenarium

Stipendium

Coronae gloriosae

In 2. Vesperis.

Ad Magnificat.

A. Ivo praebens sacramenta

Et salutis documenta

Sibi dato populo

Corde valde sedulo

Populum purificat
Et conducens per crementa
Et virtutum ornamenta

Dominum magnificat.