1. De sancto Achatio.

In 1. Vesperis.
Antiphonae.

1. Nomen Domini invictum
Sit in aevum benedictum,
Quia florent ut lilia
Martyrum dena milia.

2. Laudate Christum gentes,
Quia martyrum mentes
Ipse corroboravit
Et cruci sociavit.

3. Lauda, anima, Dominum,
Spreverunt mentes hominum,
Ei, qui erant compediti,
Sunt soluti, redimiti.

4. Laudate Deum, quia bonus,
Namque dedit istis onus,
Ut portarent post se crucem
Consequentes ipsum ducem.

5. Lauda tuum, Sion, Deum,
Istis dedit qui trophaeura
Ponens pacem fines tuos,
Sibi sociando suos.

R. O crucis Christi gestatores,
Mundanae vitae victores,
Solutos ab aeterna morte
Nos conjungatis coeli portae,

V. Ut Dominum caeli

cernamus mente fideli.

Ad Magnificat.
A. O magnificati

Laude, fraude circumdati,
Flagellati, cruciati,
Agni sanguine ornati,
Signis dignis decorati,
Litis sitis advocati,
Ne damnati ac privati
Simus Christi gloria.

Ad Matutinum.

Invitatorium.

Ecclesiae plena

sit laus cum voce serena,
Vexit ad amoena

coeli quia milia dena.

In 1. Nocturno.

Antiphonae.

1. Ecclesia mater filia

Laetetar, quae dena milia

Luce hodierni diei

Per crucem dedit requiei.

2. Adriani gemitum
Gentiumque fremitum
Superabant et sex reges
Observando Christi leges,

3. Sanctos suos mirificavit,
Dum illa signa iteravit,
Quae sua fecit in passione
Hos confortando in agone.

Responsoria.

1. Adest dies veneranda,
Digna laude celebranda,
Qua mundana exsilia
Transcendunt dena milia.

V. Ista dies laeta

conservetur sine meta.

2. Ad examen fit juvamen
Caesari a sex regibus,
Ut prostrati, subjugati
Sint deorum legibus ;

V. Sunt Christo grati,

3, Caesar vanus Adrianus
Cogit servos Christi nervos

Diis flectere gentilium,
Sed trucidati, flagellati,
Cruciati, lanceati

Fatentur Dei filium,
V. Daemoniis plena

sunt idola, voce serena;
Mariae flori,

Cum pneumate laus genitori

In 2. Nocturno.
Antiphooae.

1. Scuto voluntatis bonae
Dux fuisti in agone,
In aeternum exsultabunt,
Quia tecum habitabunt.

2. Nomen tuum mirabile
Confessi sunt Arabiae,
In crucem eos assumpsisti,
Nam cuncta eis subjecisti.

3. Ingressi sine macula
Sunt tua tabernacula,
Adrianum nam malignum
Vicerunt per crucis signum.

Responsoria.

1. Currunt in arundineto
Ut scintillae voce laeto
Sustinendo passiones,
Judicabunt nationes.

V. In cruce laetantur

et sic populis dominantur.

2. Plantarum rami acuuntur,
In quos sancti dum figuntur,
Feris terrae deputantur,
Morticina donantur
Carnes de tot milibus
Coeli volatilibus.

V. Christus adoratur

de sanctisque esca paratur.

3. Vere martyres beati,
Qui, dum caesi, flagellati,
Memorantur peccatorum
Pro salute horum ;

Nos solutos a pestibus
Locetis in coelestibus.
V. Victores vitae,

Mundi, regnare venite ;
Patri cum nato,

Laus spiritui quoque grato.

In 3. Nocturno.
Antiphonae.

1. In terris sanctis vis tonantis
Dedit clare superare,
Dux Albinus, Elyethes
Implent ejus voluntates.

2. Haec Christi generatio,
Hermolaus cum Achatio
Inquirunt ejus faciem
Portando crucis aciem.

3. Beati, quorum oratio
Est cunctorum expiatio,
Quia pro nobis corde uno
Orastis die oportuno.

Respoiisoria.
1. Fructus palmae crucis almae
Rubicundos et jucundos
Eos fecit et refecit,
Dum certarent, superarent
Austri flantis gratia.
V. Hi facti digni

sunt fructus carpere ligni.
2. Hi, de Edom qui venerunt,
Rubri cuncti cur fuerunt
Sicut multifaria
Calcantes torcularia?
V. Isti sunt toti

patiendo sanguine loti.
3. O Achati, Hermolae,
Elyethes, Menolae
Et Albine, duces fortes,
Impetrate nos consortes
Esse sempiternae lucis
Per virtutem vestrae crucis.
V. Ut Dominus caeli

tutor sit cuique fideli,
Regi Domino
sit laus uni quoque trino.

In Laudibus.

Antiphonae.

1. Dei digna nece ligna
De hac multitudine
Innovavit, qui regnavit
Praecinctus fortitudine.

2. In conspectum praeelectum
Hae Domini militia
Introivit, quia vivit

Cum Christo post supplicia.

3. Te de luce, se in cruce

Laetantes quaerunt, Domine.
Flagris caesi, ense laesi
Pro tuo sancto nomine.

4. In fornace ut in pace

Tres collaudabant Dominum,
Sic in cruce Christo duce
Vicerunt minas hominum.

5. Deum caeli in fideli
Lauda, Sion filia,
Qui per mortem vexit fortem
Coelo dena milia.

Ad Benedictus.

A. Benedictus sis invictus,

Deus Israelis,
Visitasti, confortasti

Martyres Rachelis,
Quorum prece victa nece

Nobis dare velis
Ubertatem, sanitatem,

Gaudia in caelis;
Da virtutem, da salutem

Praemii veracis,
Nos compunctos tibi junctos

Duc in viam pacis.

Ad Horas.
Ad Primam.

A. Beati immaculati

Sequuntur te, Domine,
Crucifixi, ramis fixi
Crucifixi nomine.

Ad Tertiam.
A. Legem vani Adriani
Cum deorum numine
Hi spreverunt, qui fuerunt
Crucis in cacumine.

Ad Sextam.
A. Nam defecit, quidquid fecit
Adriani minatio,
Nam in mortis stetit portis
Albinus cum Achatio.

Ad Nonam.
A. Mira digne, rex benigne,
Fecisti testimonia,
Nam in cruce victa truce
Vincitur lex erronica.

In 2. Vesperis.
Antiphonae.
1. Virgam palmae crucis almae
Ex Sion cum victoribus
Exaltavit, reges stravit
Sanctorum in splendoribus.
2. Benedictum sit invictum
Regnum Uranicorum,
In quo clare habitare
Dat matrem filiorum.

3. In amara crucis ara

Seminant cum tristitia,
Christum ducem, coeli lucem,
Colligunt cum laetitia.
4. Justi torti, dati morti

Hi sunt pro tuo nomine,
Habitabunt, exsultabunt
Cum vultu tuo, Domine.

5. In pressura mortis dura
Benedixisti filiis,
Nunc ad pacem nos veracem
Horum duc auxiliis.

Ad Magnificat.
A. Magna laude gaude, plaude,
Ecclesia, totis viribus,
Fecundata, decorata

Millenis denis martyribus,
Qui in cruce Deo duce
Vicerunt minas gentilium,

Flagellati, morti dati
Sequuntur Dei filium,

Quique vera salus mera,
Spes et rector humilium ;

Quem orate, impetrate,
Ut post carnis exsilium

Nobis pacem det veracem
Aeternum et auxilium.