84. De sancto Pontentino.

In 1. Vesperis.
Antiplionae.

1. Laudes regi omnium
Nostra harmonia
Pro virorum fortium
Canat agonia.

2. Isti e vestigio

Christum consecuti,
Candidi martyrio

Christum sunt induti.

3. Suum tingi sanguine
Pedem gloriati,
Martyrum se nomine
Claros arbitrati.

4. Crucis ignominiam,
Crucem bajulare
Summam ducunt gloriam,
Summum triumphare.

5. Ad instar carbunculi
In rubentis populi

Medio resplendet
Potentinus, sociis
Junctis in deliciis,

Ad quos non ascendet,

Ipsum qui non sequitur ;
Qui pro Christo moritur,
Christo nos commendet.

Ad Magnificat,
A. O martyr amabilis,
Laudis ineffabilis,

Dulcis et jucunde,
Martyr venerabilis,
Decore spectabilis,

Candens, rubicunde;
Tuae, pater, claritati,
Congaudemus tui nati,

Tuus grex et populus.
Potentine, testis Christi
Fieri qui meruisti

Et Christi discipulus,
Nos post has miserias
Transfer ad delicias,

Quas non vidit oculus.

Ad Matutinum.
Invitatorium.
Ad laudes regis omnium
Laetis surgamus cordibus,
Qui coeli junxit civibus
Terreni regis filium.

In 1. Nocturno.

Antiphonae.

1. Iter fugit impiorum
Potentinus gnaviter
Et ad viam se justorum
Contulit alacriter.

2. Contra sanctum adstiterant
Reges, patres impii,
Innocentem ceciderunt
Tenebrarum filii.

3. Ad salvantem se clamavit,
Amator credentium
Quem clamantem liberavit,
Qui est salus omnium.

Responsoria.

1. Sanctus puer Potentinus,

Proles regis Franciae,
Summi regis se festinus

Adstrinxit militiae,
V. Vivens tamquam peregrinus

In valle miseriae.
2. Mox ut illi naturalis

Adfuit discretio,
A cunctis arcens se malis

Recessit a devio,
V. In quo mire spiritalis

Jam fraglavit unctio.

3. Jam tunc coepit confessores

Fidei diligere
Et ut dominis honores

Devotos impendere,
V. In sanctos cordis ardores

Ostendit in opere.

In 2. Nocturno.
Antiplionae.

1. Tribulatus, dilatatus

Sanctus tuus, Domine,
Baptizatus est, signatus
Vultus tui lumine.
2. Tunc magis abominatus
Puer viros sanguinum,
Ruri manens aula natus
Contemplatur Dominum.

3. Vere nomen tuum, Christe,
Multum admirabile,
Quod laudavit puer iste,
Vas ad psalmos habile.

Responsoria.

1. Parentes deorum vanis

Subjugati cultibus
Caedunt sanctum, Christianis

Subditum doctoribus ;
V. Caecus furor quam immanis

In humanis cordibus.

2. Baptizatus civitatem,

Quam non intrat Dominus,
Ne videret, vanitatem
Dereliquit eminus,
V. Universam pravitatem
Vani mundi protinus.

3. Lucerna tanti luminis
Praeclari facta nominis

Nequivit latere,
Qui latere voluit,
Quamvis nolens patuit

Plenae mundi spherae.
Ad tam mirae sanctitatis
Virum, verae probitatis,

Multi convenere,
V. Eminentem in doctrina
Et coelesti medicina

Cupidi videre.

In 3. Nocturno.
Antiphonae.

1. Arcu fracto peccatorum
Pharetraque vacua
Suum martyr intrat chorum
Fide non ambigua.
2. Montem sanctum habitabit
Sanctus sine macula
Et aeterna triumphabit
Intra tabernacula.
3. In virtute jam laetatur
Dei martyr inclitus,
Salvatorem contemplatur
Amatum medullitus.

Exsulat et exaltatur,
Fugit dolor, gemitus,

Ubi suos consolatur
Dei unigenitus.

Responsoria.

1. Tandem in diaconatus

Promotus officio
In pastorem est vocatus

Urbi monasterio,
V. Non elatus sed gravatus

Tanto ministerio.

2. Procedentem insectatur
Patruus cum sociis,
A quo sanctus trucidatur
Cum duobus nuntiis,

V. Telis, ense consummatur
Fortis in suppliciis.

3. O quam digne est colenda,
Quam devote reverenda

Martyrum memoria,
Qui crucis Christi praecones
Pertulere tot agones

Summa cum victoria:
Nunc complexa manu Dei
Diadema speciei

Deferunt in gloria,
Vivum, novum, clarum mustum,
Quod terrenum mutat gustum,

Bibunt cum laetitia,
V. De torrente qui biberunt,
Qui fel crucis gustaverunt,

Nunc in coeli regia.

In Laudibus.
Antiphonae.

1. Viri fortes et decori,
In tormentis stabiles,
Conregnant triumpbatori
Suo regi similes.

2. Domino, cui servierunt
Cordis in laetitia,
Ejus jam introierunt
Cum hymnis in atria.

3. Deum, in quem sitiverunt
Toto desiderio,
Deum, post quem adhaeserunt,
Vident nunc in gaudio.
4. Temptatoris et tortoris
Superatis ignibus
Benedicunt salvatoris
Bonitatem laudibus.
5. Laudant Dominum de calis
Suis in cubilibus
Liberati de querelis

Et mortis doloribus,
Cessit hostis jam crudelis,
Gaudent cum gaudentibus.

Ad Benedictus.
A. Deus noster benedictus,
Quia non est derelictus

Grex pusillus gratiae,
Dum nos pie visitavit,
Paterne haereditavit

In valle miseriae,
Dum hunc locum dicaverunt,
Dum hunc locum ditaverunt

Sanctorum reliquiac.
De quorum praesentia
In omni miseria

Semper consolamur,
Horum per suffragia
Ad aeterna gaudia

Laeti perducamur.

In 2. Vesperis.
Ad Magnificat.
A. Dominum magnificemus,
Jesu nostro exsultemus

Totis cordis viribus,
Qui nostram humilitatem
Respexit per pietatem

Suam de coelestibus,
Dum Salvator salvatores
Misit et propugnatores

Fortes et propitios,
Nostros adversarios

Qui devincunt et elidunt

Dividuntque et concidunt
Et reddunt inglorios.

Surge, martyr Potentine,
Et nos unitati trinac
Commenda cum sociis,
Ut vestris suffragiis
Sanctorum conciliis
Collaetemur sine fine.