25. De sancto Bertulpho.

In 1. Vesperis.
Ad Magnificat.

A O Bertulphe,

Confessor Domini venerande,
Cui pro vitae merito
Illuxit columna ignis
Incensa de coelo,
Exora pro tuis
Christum famulis,
Ut nos suis
Condonet amicis.

Ad Matutinum.
Invitatorium.

Voce pari regem

laudemus cuncta regentem,
Qui superis castris

Bertulphum junxit in astris.

In 1. Nocturno.
Antiphonae.

1. Prodiit ex Hunnis

Bertulphus uti rosa dumis,
Nam patre gentili

genitus nec matre fideli,
Ad fidei portum

genuinum transtulit ortum.

2. Amplectens Abvahae

sacri exemplum patriarchae
Ad loca Francorum

transiit de sede suorum,
Fonte salutari

quo possit eo renovari.
3. Fluminis in lavacro

purgatus pneumate sacro
Detonsisque comis

pro causa religionis

Regis amat veri

cultor studiosus haberi.

4. Egerat Archatum

dux Wambertus Morinorum
Bertulphumque sibi

sociavit amore fideli
Oeconomum clanxin

rerum statuendo suarum.

5. Daemonis accensi

quidam livore maligni
Principis in facie

jaciunt mendacia mille
Ejus et expensum

male fingunt a patre censum.
6. Actio nota patris

ne forte pateret iniquis,
Panis adest lignum,

pallescit ut unda Falemum
Glorificante suum

coelesti numine sanctum.

Responsovia.

Ergo stupenda viri

nimium miracula sancti
Aemula turba sacros

cujus dum prodidit actus,
Vina imitantur aquam

panis liguique figuram
Ordine naturae

coelestia jura stupente.
V. Quid ferat in gremio,

monstrare jubetur ab hero,
Ecce per altithronum

species patet altera rerum.

In 2. Nocturno.

Antiplicmae.

1. Hic bonus athleta

stabilitus mente quieta

Servat equos pratis,

dum nocte et imbribus atris
A pluviae guttis

aquilae defenditur alis.

2. Egregium dictu,

nimii splendoris in ictu
Ante patrem clarus

radiavit ab aethere pharus,
Per cujus radium

fertur legisse libellum.

3. Comperiens sanctum

Wambertus glorificatum

Lucis ad adspectum,

quia desuper alite tectum,

Pergit adire virum,

quem suscepit peregrinum.

4. Promeruit vere

vir clarus et ipse videre,
Luce pater quali

steterit sub turbine tali,
Corpore curvato

prosternitur ecce beato.

5. Sanctus Wamberto

replicat sermone diserto,
Quod Christi causa

migrarit sede paterna
Atque fide sana

contempserit idola vana.

6. Bertulphum donans

princeps et rebus honorans
Haeredem carum

firmaverat ecclesiarum,
Cultu praestanti

quas constituit dominanti.

Responsoria.

Lumine dum phari

meruit pater irradiari,
Et codicem solvit,

vitae quo verba revolvit,
Stat pernix aquila

crispanti desuper ala
Imbres arcendo

sanctum caput atque tegendo.

V. Horrida tempestas

hiemes dedit undique mae-
stas,
Illi sub forma,
Johannes qua petit astra.

In 3. Nocturno.
Ad Cantica.

A. Talibus ex factis,

Christi virtute peractis,
Gloria Bertulphi

crevit per compita regni
Oblectans cunctos

fidei signamine functos,
Omnia servanti

quare sit doxa tonanti.

Responsoria.

O pater insignis,

virtutibus auete benignis,
Te pie poscentes

audi, Bertulphe, clientes,
Cum Christo civis

quia summus in aethere vivis,
Qui secum clare

statuit te glorificare,
Quapropter cantum

pius accipe te modulantum.
V. Te patriarchatus,

te colligit ille senatus,
Qui Sanctus Domino

semper canit ordine miro.

Ad Laudes.
Antiphonae.

1. Omni Bertulphus

virtutum laude probatus
Suscipit ecclesias

prece Wamberti moderandas,
Firmo jure quidem

sibi dux quas contulit idem.

2. Praelatus vero

tanto reverenter ab hero

Non formidari

sed plus quaesivit amari
Et cura vigili

deico praesedit ovili.

3. Fortis agonista,

dum carne manebat in ista,
Pulcher erat vultu

virtutis et undique cultu
Actibus atque bonis

trivit caput ipse draconis.

4. Is ubi jam sciret,

quia tinem carnis obiret,
Divinis epulis

obdulcans intima cordis,
Corpore transivit,

Christum gaudenter adivit.

5. En pater elatus

coeli super alta beatus
Gaudet cum Domino

sine termino temporis ullo,
Audit et ex astris,

qui se venerantur in arvis.

Ad Benedictus.
A. Coelicolas hodie

meruit Bertulphus adire,
In Christi dextra

ceu stella nitens matutina.
Coelestis valvae

nunc praecluis incola, salve,
Mente simul tota

quae fundimus, accipe vota,
Ut sanctae triadi

nos conciliesque monadi.