16. De sancto Autore.

In 1. Vesperis.
Antiphonae.

1. Ave, jubar matutinum,

Flos et decor patronorum,
Autor, redolens oliva,
Te per tempus vespertinum
Ut tutorem populorum
Jam laudamus voce viva.
2. Vere felix pater iste,
Plenus moram fructu,
Fit praesul per te, rex Christe,
Treviromm ductu.

3. Treviris episcopatu
Miris signis claruit
Ibique Dei precatu
Sedulus apparuit.

4. Ornata haec gemma cleri

Hinc discessit ab hoc mundo,
Juncta coelis Dei veri,
Nam recessit ab immundo.

5. Rursus suis reliquiis
Autor nobis addicitur
Factis ejus exsequiis
Et patronus efficitur.

E. Surge, pater, dignus laude
Pro tuis adoptivis filiis
Munda laesos hostis fraude
Tua prece, tuis auxiliis;

V. Pro nobis Christo applaude
Ut salvet stantes in exsiliis.

Ad Magnificat.

A. O fons mundans veniae,
Qui omni in progenie
Das bonum indeficiens,
Dites, purges esurie,
Bonis coelestis curiae

Mendicantes reficiens)
Hanc catervam tibi servam
Coeli junge tricliniis,
Autoris patrociniis

Ipsam salvam efficiens.

Ad Matutinum.
Invitatorium.

Concrepet oda chori,
regi jubilando venite,

Qui dedit Autori

coelestis gaudia vitae.

In 1. Nocturno.
Antiphonae.

1. Jubilemus Deo in gloria,
Nam beata adest memoria
Sancti Autoris pontificis,
Praeornati signis mirificis.

2. Cui nomen datur

Autor, quo certificatur,
Quod sit prae mille
sanctis autenticus ille.

3. Hic sanctus quinque talenta
Traditis superlucratur
Per virtutum incrementa,
Dum in terris vegetatur.

Responsoria.

1. Dum in terrenis luctibus
Autor per te, Domine,
Fuerat vivificus,

In gratiarum fructibus
Vita, re et nomine
Vixerat autenticus.
V. ''Vitam petiit a te et tribu-
isti ei.
''2. Qui virtutum praxibus
Devotus mirificus
A mundo diligitur,
Quod Trevirorum taxibus
Ut pater deificus

In praesulem eligitur.
V. ''Constituit eum Dominus super
excelsam terram, ut commen-
daret fructus ejus.
''3. Trevirensi praesulatu
Pio, justo, sancto statu
Plebi suae praeerat
Et sic fidem Christi rectam
Plebemque suam perfectam
Deo impliaverat.
V. ''Qui non egit dolum in lingua
sua nec fecit proximo suo
malum.''

In 2. Nocturno.

Antiphonae.

1. O pietas nati,

patris sapientia veri,
Autoris grati

meritis dignare tueri.

2. In pauca fuit fidelis,

Supra multa constituitur,
Ergo Autor est in caelis,
Ut per nomen innuitur.
3. Abba, tu laudis

orantes qui pius audis,
Nostratum fautor

et tutor sis, sacer Autor.

Responsoria.
1. O Autor, flos pontificum
Auctoris aetemitatis,
Nomen habens autenticum,

Tuae vi auctoritatis
Vultum placa deificum,
Ut vivamus cum beatis.

V. Multum'' enim valet in con-
spectu Domini deprecatio justi
assidua.''

2. Hic verus Israelita
Miris signis stante vita
Coram plebe claruit,
Regem Attilam delusit,
Hostes baculo exclusit,
Dum plebs guerris aruit.
V. ''Iste pauper clamavit, et Do-
minus exaudivit eum.''

3. Hodie patronorum,
Flos et decus auctorum,
Autor in terris moritur,
In coelis tamen oritur,
Christo junctus in gloria
Pro saeculi victoria.

V. ''Quoniam ingreditur sine ma-
cula et operatur justitiam.''

In 3. Nocturno.
Aatiphonae.

1. Autor fautor sis illorum,
Qui te rite florem florum
Colunt horis matutinis
Digne cantibus divinis.

2. Hic pius antistes

nos laetificat bene tristes,
Nam prece dum plaudit
gens, orantes pius audit.

3. Pastoris forma

legis iste, Dei quoque norma
Treviros rexit,

post haec mundum pius exit.

Responsoria.

1. Laetetur coeli regio,
Sanctorum plaudat legio
De Autore egregio,
Quem auctor in coelestibus
Assumpsit de terrestribus
Exutum mundi vestibus.

V. ''Placita enim erat Deo anima
illius.''

2. Gaude et laetare,

Praesens sacra civitas,
Nam refulget clare

Praesulis festivitas,
Qui te cunctis praeelegit,
Quod Deus in ipso egit,

V. ''Memor congregationis suae,
quam possedit ab initio.''

3. O auctor summe coetorum.
Qui Autorem Trevirorum
Pro salute das tuorum,
In suis nos miraculis
A cunctis munda maculis
Et hostis pravi jaculis.

'' V. Egressus est enim in salutem
populi tui eum Christo tuo.''

In Laudibus.
Aatiphonae.

1. Autor ut palma florebit
Cum Domino glorioso,
Coronam enim habebit
De lapide pretioso.
2. In gratiae pabulo

se pontificem quia gessit,
Devicto zabulo

de mundi carne recessit.
3. Deus, Deus meus, tui

Ad te de luce vigilant,
Ut beato queant frui,
Laudibus cui iubilant.
4. Benedicant omnia
Deo Dei opera,
Qui Gertrudi somnia
Mira dedit opera,
Ut esset datura
Nobis sancti crura.
5. Laudate Dominum de caelis
Devotionibus celsis,
Qui Autorem coeli velis
Circumcinxit in excelsis.

Ad Benedictus.

A. Benedicto dono Dei

Hic exsultent greges regi,

Nam nobis sidus oritur,
Quod in Treveri moritur,
Autor, praesul beatus,
Deo auctorisatus.
Pie pater et patrone,
Te devote rogitamus,
Apud Christum sic dispone,
Ut coelum introeamus.

In 2. Vesperis.
Super Psalmos.
A. Surgat in nobis caritas,
Nova refulget claiitas,
Nam auctor hierarchiae
Coelesti galaxiae
Autorem praesentavit,
In terris quem beavit.
O auctor summi generis,
Autoris juva meritis.

Ad Magnificat.

O mirae spei

Pontifex, Autor.
Magnae fidei,

Nostratum fautor,
Qui Trevirorum

Praesul fuisti,
Et nostrum forum

Visitavisti,
Ut nostrae laudis

Participares
Ab hoste fraudis

Et defensares.
Ergo pater

noster vocaberis,
Veni, veni,

veni, praesul
Alme, pastor

bone laudaberis.