57. De sancto Georgio.

In 1. Vesperis.
Ad Magnificat.

A. Gaude, Capadocum,

nobilis regio,
Sacro Georgii

vernans martyrio,
Cujus ecclesia

firmata transitu
Deum magnificat

exsultans spiritu.

Ad Matutinum.

Invitatorium.

Summo regi summa laude
Jubilando, vir, applaude,
Cui servivit spe coronae
Christi miles in agone.

Ad Nocturnum.

Antiphonae.

1. Clara Georgius

ortus prosapia,
Fide conspicuus

et Christi gratia,
Nil mundum reputans

vel mundi meritum,
Miles efficitur,

tribunus militum.

2. Dum regum feritas

sanctos persequitur,
Et danda gladiis

gens sancta quaeritm,
Mortis Christicolae

metu perterriti
Passim per latebras

latent absconditi.

3. In tormentis

sanctus robustior,
In responsis

apparet acrior
Et jam tortus

ipsum carnificem
Per sermonem

torquet multiplicem.

Rpspcmsoria.
1. Christianae testis legis
Et athleta summi regis
Nil formidans caedem mortis
In conflictu stabat fortis,
V. Pro nihilo blanditias

Ducit vel minas regias.
2. Caesar face
furoris impii
Concitatus

verbis Georgii
Christi testem

dat carnificibus
Cruciandam

duris verberibus ;
V. Caesar preces

et vota porrigit,
Deos laudans,
qui suos diligit.

3. Praesentatur

vir sanctus Caesari,
Quem contemplans

vultu non hilari
Minis monet

atque blanditiis,
Ut ab ejus

cesset injuriis ;
V. Jam securus

martyr de bravio
Spreto gaudet

regis imperio.

In Laudibus.
Antiphonae.
1. Regnatoris,

qui juste judicat,
Miles fortis

virtutem praedicat,

Qua praecinctus
dignas ex intimo

Laudes ore
solvit et animo.

2. Plebs assistens

huic spectaculo
Jaculatur

viso miraculo
Et contempto

solis simulacro
Sacro [fontis]

se mergit lavacro.

3. Quos suscepit

divina dextera
Confitentes

culpas et scelera,
Jam corpore

sopito criminum
Puras levant

manus ad Dominum.
4. Sanctus martyr

conversos instruit
Et instructos

baptizans abluit
Baptizatos

commendant numini
Benedicens

opera Domini.
5. Princeps terrae

motus invidia
Promulgata

mortis sententia
Virum Dei

necari praecipit,
Spiculator

necandum suscipit.

Ad Benedictus.

A. Deputatum

sanctum martyrio
Comitatur

fidelis concio,
Sed securus

sanctus de praemio
Vitae cursum

finivit gladio.

In 2. Vesperis.

Ad Magnificat.

A. O Georgi, pater et domine,
Gemma fulgens in coeli culmine,
Exorando Dei clementiam
Servis tuis implora veniam.