30. De sancta Brigida.

In 1. Vesperis.

a
Super Psalmos.

A. Festa piae Brigidae

devote praevenientes

Christum laudemus

solemni voce canentes.

R. Fulget dies hodierna,

Quam venustat lux Hiberna

Cujus lampas et lucerna

Sede micat in superna.

V. In Brigidae festo,

pia concio, pervigil esto.

Ad Magnificat.
A. Jucundetur prole laeta
Virgo Sion filia,
Quam cum rosis rubicundis

Mire vernant lilia,
Quibus juncta jam centenos

Fructus metit Brigida,
Quae fallaces mundi nexus
Mente sprevit rigida.

Ad Matutinum.
Invitatorium.
Votum, multimodas

et pari pectoris odas
Auctori vitae,

fratres, jubilare venite.

In 1. Nocturno.
Antiphonae.

1. Coeli jure modulantur

Brigidae magnalia,
Cujus artus puerili

dum reguntur fascia,
Quod sit princeps regionis,

diva prodit gratia.

2. Vir a sponso commonetur,
Ut ancilla venumdetur,
Ejus prole nam veretur,
Haeres suus ut gravetur.
3. Dum vomit ista cibos

magici, signatur ei bos,
Qua sustentatur,

vomica nec abinde gravatur.

Responsoria.
1. Celebremus concinentes
Brigidae magnalia,
Quae illustri Hibernoruin

exorta prosapia
Christo suae juventutis
dicavit primordia.
V. Prudentum metas

puerilis transvolat aetas.
2. Hanc ut regi pater vendat,
curru vehit proprio,

Quae miserta paupertatis

patrem privat gladio,
Quem offensum rex admirans

ense pacat alio.
V. Sic ne mercetur,

manus ejus larga meretur.
3. Fracto scypho septiformi

vir necandus rapitur,
Pro quo regem praesul orat

et repulsam patitur,
Sed collectis hinc fragmentis

Brigida consulitur,
Qua signante reformatur

vas et miser solvitur.
V. Sic dum compescit

regem, famosa nitescit.

In 2. Nocturno.
Antiphonae.

1. Pia virgo Brith recepta

Brigida hospitio
Ejus pedes aqua lavit

pietatis studio,
Quo aegrotans virgo sana

redditur obsequio.
2. Dum cibatur haec, spectatur

super mensam Satanas,
Contestatur hic et fatur

virginis insidias,
Quae sanatur et sacratur

Deo reddens gratias.
3. Dumque fovet haec misellas

balnei obsequio,
Aegrotantes hoc bis bini

sanantur officio,
Caeca videt, lepra cedit,

obsessa daemonio
Liberatur, haec curatur

morbo paralytico.

Responsoria.

1. Consecrata virgo parit,
et Bron pater dicitur,
Negat insons, mater instat,
Brigida consulitur,

Consignatur ore rea

tumens nec convincitur,
Sed parentem puer jussus
pandit et cognoscitur,
V. Praesul lactentis

datur insons ore loquentis.

2. Haec impensas, quas pararat

Christi natalitio,
Has egenis erogavit

ex affectu solito,
Sed plebeus reparavit

quaeque sumptu regio,
Quod rex stupens haec dicavit

virginis obsequio.
V. Liber signatur,

plebeus dum famulatur.
3. Hujus equis captis fures

plena petunt horrea,
Quos laborant onustaae

multa frugum copia
Et, dum sperant repedare

Brigidae tuguria
Intrant [atque] subscruetantur

et fatentur singula.
V. Hi dum solvuntur,

fruges Brigidae tribuuntur.

In 3. Nocturno.
Antiphonae.

1. Dumque turbae verbum vitae

sereret Patritius,
Taetro die nubes clara

lapsa patet coelitus,
Cujus causam jussa pandit

Brigida quantocius,
Dicens, bustum hoc signari

praesulis divinitas.
2. Aqua plenum vas signatum

lapsum non conteritur,
Res stupenda, sed nec aquae

stillula dilabitur,
Ast servata sacramentis

divinis infunditur,
Et perfusus quisque aeger

hac saluti redditur.

3. Vir insanus dum devotae

occursaret virgini,
Jussis parens mox prorumpit

in haec verba Domini:
Ama Deum, et amabunt

te reges et populi,
Et te Christum venerantem

contremiscent singuli.

Rcsponsoria.
1. Haec vix virgo vigilando
moram noctis impetrat,
Quem deluso sub lictore
pernox prece liberat,
Nam dum lictor ferit, vinctus

Brigidam vociferat,
Et mox liber et illaesus
eam versus properat.
V. Solvitur ecce reus,

compungitur et basileus.
2. Rex hanc multis ditans donis
benedici meruit,
Quem conligens hostis ense

fugam clam arripuit,
Flent ministri, quos confortans

rex sanus apparuit,
Sicque dextra consignantis
rege salvo claruit.
V. Haec velut hortatur,

rex hosti pacificatur.
3. Praesul Hercus et haec virgo
Hercae montem adeunt,
Atque lassati ministri

arent et esuriunt,
Quos, ut virgo docet, quidam

cibi mox reficiunt
Et effossa terra fontis
aquas jussi hauriunt,
V. Ut jubet haec, undas

dat tellus jussa profundas.

Ad Laudes.
Antiphonae.
1. Laudum vota, plebs devota,
Brigidae conjuhila,
Et sonoris odis oris
Vox transcendat nubila.

2. Haec leprosis ulcerosis,

Ut se lavent, imperat,
Et haec unda carne munda

Obsequentes liberat
Et sanatum haec elatum

Lepra recte ulcerat.
3. Hospites deliciari

coquam virgo praecipit,
Quae nihil, quo obsonentur,

in coquina reperit,
Sed hanc jussa scopis mundat

et orare incipit,
In qua cibos hora sexta

Dei dono suscipit.
4. Ad se turbae properanti
Nocte silvis et erranti
Hujus prece lampas luxit
Et ad aedes hanc perduxit
Et, ut ipsa prophetavit,
Horum pedes aqua lavit.
5. Haec affectu pietatis

patrem suum visitat,
Hujus aedes comburendas

prima nocte praedicat,
Et vix suis hinc eductis

furens hostis advolat,
Tecta cremat, ast sic virgo

se suosque liberat.

Ad Benedictus.

A. Redemptori Israelis
Benedicat plebs fidelis,
Cui soli virgo nupsit,
Cujus nobis dies luxit,
Quae soluta carnis mole
Jam virtutum in decore
Sponsum suum contemplatur
Et contemplans jucundatur.

In 2. Vesperis.

Ad Magnificat.

A. Plebs in festo Brigidae
Dominum magnificet
Et exsultans spiritu
modulos amplificet,

Qui effectos humiles
nos sibi gratificet

Ac istius precibus
in coelis glorificet.