8. De sancto Altone.

In 1. Vesperis.

Super Psalmos.

A. Dux Deus ex alto,

te dilexit sacer Alto,

In toto corde,

quem salvasti sine sorde ;

Sordibus infectos
fac nos hujus prece rectos

Ad Matutinum.
Invitatorum.

Alto salutari

jubilo facias meditari,
Nos Christo dare,

studiosius evigilare.

In 1. Nocturno.
Antiphonae.
1. Lege Dei gratus

fuit Alto mente probatus,
Fructiferum lignum

Deus ornavit sibi dignum.
2. Jam tibi, rex Christe,

servivit in omnibus iste,

Noxia solvisti,

quem coelo constituisti.
3. Voce Dei tractus

perfectos induit actus,
Nunc exaudivit,

in monte Dei modo vivit.
4. Lumen signatum

super hunc est multiplicatum,
Noluit irasci

sed justitiae dape pasci,
5. Jam benedixisti,

cujus mentem tetigisti,
Estque coronatus

coelesti lumine gratus.
6. Gloria cum flore

fuit alto jam sub honore,
Constat fundatus

in coelo magnificatus.

Responsoria.

1. Virtutum clarus ab alto
Regis natus fuit Alto,
Ut fertur a patriotis,
Est certum Scoticis totis.

V. Jam puer transcendens viles
Sibi metas pueriles.

2, Hic facta puerilia
Mutans per bona milia
Sic factus decus aetatis
Est cum flore pietatis.

V. Ecclesiam frequentabat,
Deum precibus placabat,

8. Prudens erat in patria
Egenis dans cibaria,
Arcebat a se sordida,
Quae captant corda arida.

V. Magnificos et praeclarus
Et nunquam fuit amarus.

4. Primordiis vitae clarus
Fuit iste Deo carus,
Dulcis erat lux patriae
Nunc fulgens donis sophiae.

V. Precibus nobis det vitam
Semper omnibus cupitam.

In 2. Nocturno.

Antiphonae.

1. Glorificat mentem

sancte Dominum sitientem,
Corde suo vera

loquitur damnando severa.

2. Iste coronari

cupit, in virtute beari,
Quem Deus ardenter
vocat, exsultat vehementer.

3. Arte Dei tractus

fit in omnibus omnia factus,
Corde suo mundo

Dominum placat sitibundo.

4. Laude bona fultus

prece summa gaudet adultus,
Lenis, mansuetus,

est pauper ad omnia laetus.
5. Electus, gratus,

assumptus ad aethra beatus,
In virtute bona

captat coelestia dona.

6. Cedrus plantata

sed in altum multiplicata,
Nunc det florere

prece nos Christoque placere.

Responsoria.

1. Sanctus Alto, Scotus genere,
Promeruit Christo placere,
Nos ejus fulti precibus
Fugiamus a sordibus;

V. Boni sexus et aetates

Concurrunt, dant modo grates,

2. Pater iste Christo carus,
Dilectus et hominibus,
Dulcem reliquit patriam
Apprehendens theoriam,

V. Adiit per visionem
Germaniae regionem.

3. Quandam silvam est ingressus,
A rege datur accessus,
Utiliter exstirpavit
Et Christo sic militavit.

V. Manuum pastus labore
In Dei vixit amore.

4. Habita ut hic somnia
Pro Christo sprevit omnia
Et statuit sequi ipsum,
Istum fugiebat mundum ;

V. Ergo multis adunatis
Domino servivit gratis.

In 3. Nocturno.

Ad Cantica.

A. Sapientia potatus,
Justitia est cibatus
Et post aurum non abiit,
Coelestia dona quaesivit.

Responsoria.

1. Post ecclesiam construxit
Et sanctos viros adduxit,
Cum quibus servivit Christo,
Dum mundo vixit in isto,

V. Sanctum celebrantes cursum,
Ut possent vivere sursum.

2. Praesul magnus Maguntinus,
Inclitus Bonifatius,
Per visionem fuit admonitus,
Ecclesiam consecravit laetus.

V. Multitudo plausum fecit,
Cum sanctus cuncta peregit.

3. Post bace mirificus Alto
Devotus fulsit ab alto,
Sic omnibus manens gratus
Per Christum magnificatus.

V. Claruit [insignibus]
Signis et virtutibus.

4. Plasmator Deus cunctorum
Donavit Altoni sensum
Veritatis, quo armatus
Viceret hostem severum;
Pro nobis
Oret per longa dierum.

V. Suavis est Dominus,

Beatus vir, qui sperat in eo

Ad Laudes.
Antiphonae.

1. Magnus Dominus in alto,
Cui servivit hic Alto
Compescens marinos fluctus,
Tenendo animae fructus.

2. Serviens in laetitia,
Cui aderat munditia,
Ardens et lucens lucerna
Gaudet gloria superna.

3. Matutinis meditatus
In Christo fuit sacratus,
Jam laetatur in anima
Per saeculorum saecula.

4. Benedicatur Dominus
In tribus pueris trinus,

Qui hunc secum collocavit
Atque justis sociavit.
5. Gaudet Israel in Sion
Super aurum et topazion,
Hymnizant coeli coelorum
Et Alto civis eorum.

Ad Benedictus.

A. Salute visitari nos ab alto,
Suis precibus juvet pius Alto,
Quia pressi variis criminibus,
Absolvi mereamur ab omnibus
Et perfrui coelestibus.

Ad Primam.
A. Alto, Dei sancte,

nostri dilecte patrone,
Respice devotos

nos tibimet famulos,
Utque magis prompti

tibi possimus famulari,
Ora pro nobis,

confer opem miseris.

In 2. Vesperis.

Ad Magnificat.

A. Athleta Dei inclitus, Alto,
Virtutibus comatus ab alto,
Unus erat ex Israel fortibus,
Lectum Salomonis ambientibus,
Ense fortiter accinctus Dei

verbi,
Faciat nos calcare actus superbi.