55. De sancto Folpino.

In 1. Vesperis.
Ad Magnificat.
A. Exsultemus Deo omnes

Hunc in sanctis collaudantes ;
O Folquine sacer, ave,
Preces audi, culpas dele,
Nos his festis fac adesse
Et aeternis non deesse.

Ad Matutinum.
Invitatorium.

Deum magnum Dominum
Adoremus humiliter,

Qui Folquinum sanctum suum
Coronavit perenniter.

In 1. Nocturno.
Antiphonae.

1. In Folquini mente sacra
Semper fuit lex divina,
Unde fructum sanctitatis
In tempore suo dedit.

2. Hic studebat in timore
Regi Christo deservire,
Disciplinam apprehendens,
Viam justam non relinquens.

3. Invocantem exaudivit

Sanctum suum, quem dilexit,
Hinc jam nobis, rex, placare
Eo tibi supplicante.

4. Verba sua ac clamorem
Dei flectens ad amorem
Domum ejus introivit,
Adstans ibi regem cernit.

5. Nomen tuum, o Domine,
Quam est cunctis mirabile,
Qui, quem vita decorasti,
Coelo dignum sublimasti.

6. Aequitatem vultus Dei
Quia novit contemplari,
Hunc in monte sancto palma
Laetum ditat sempiterna.

Responsoria.
1. Ortus clara puer sanctus
Folquinus prosapia
Imbuendus liberalis
doctrinae scientia
Datur scholis, post nonnullis
profuturus populis,
V. Derelictis a superna

Jesu Christi gratia.
2. Indolis eximiae

sacra dogmata philosophiae
Ut primum cepit,
nil mundi gaudia duxit,
V. Tota virtute satagens

tibi, Christe, placere.
3. Ad regimen sancto

pietatis amore vocato
Cunctorum votis

datur infula pontificalis.

V. Virtutum clarus

titulis athleta beatas
Ordine Melchisedech

rite locatur ad haec.
4. Constitutus in sublimi

speculator Domini
Clamat verbis et exemplis

et salvantur plurimi,
V. Ecclesiaeque decus

simul omnibus omnia factus.

In 2. Nocturno.
Antiphonae.
1. Ad hunc montem suspirare

Fac nos, praesul sanctissime,

Ut exutos carne gravi

Excipiat aula coeli.
2. Vitam ei dulcedinis

Tribuisti in supernis,

Longitudinem dierum

Donans omne per saeculum.
3. Hic animam adhuc vivens

Non in vano accipiens

Nunc a Deo salutari

Suo gaudet coronari.

4. Omnis terra Deo cantet
Et cum sanctis annunciet
In populis ejus mira,
Inter gentes magnalia.

5. Regnat Deus in aeternum,
Cujus est cum sanctis regnum,
Unde tibi, o Folquine,
Lux orta est laetitiae.

6. In conspectu summi regis
Jubilando sanctus plaudit,
Hinc cantate exsultantes,
In cithara psalmum dantes.

Responsoria.

1. Vir beatus sancti glebam

Audomari inclitam
Dolet captam sequens eam,

sed superna pietas
Corpus sistens hostes fugit,

hinc praesul tripudiat.

V. Amborum meritis

operatur vis deitatis,
Dam sacer ille suae
redditus est patriae.

2. Dum vult sanctum supplantare
praesumptor adveniens,
Ob reatum hunc percussit
ira Dei saeviens,

V. Cum sibi conjunctis

poenam luit improbitatis.

3. In Sithiu tumulari
Voto fuit sacerdoti,
Moxque Deus cunctae plebi
Sacrum corpus comitanti
Per aquarum vastum amnem
Viam parat glacialem.
V. Cujus in obsequium

ruit obviam concio fratrum
Bertinique latus

est ad dextrum tumulatus.

4. Ad sepulchrum viri Dei
Quidam pedum sospitati
Monachorum est donatus,
Unde illi plus devotus
Haec in laude scribit ejus.
V. Folquini veneranda patris
hic membra locantur,
Qui praesul Morinis
exstiterat celebris.

In 3. Nocturno.
Ad Cantica.

Vir beate, te poscentem
Offer vota regi regum,
Qui cibaris pane vitae,
Christo tibi cohaerede.

Responsoria.

1. In occursum sui regis
Dei servus vigilavit,
Ut, dum veniens pulsaret,
Ei statim aperiret.

V. Ad nutum Domini

servivit mente fideli.

2. Diem festum solvit sancti
Insistens quidam operi,
Quo percusso vi divina
Contrahuntur ejus crura
V. Ac repens manibns

longos traxit cruciatus,
Cui, Folquine, suum
reparas sanctissime gressum.

3. Praesul Christi gloriose,
Servis tuis condescende,
Tui pignus sit amoris
Praesentia corporalis,

V. Post vitae cursum

trahe nos ad gaudia sursum.

4. Rex coelorum, pie Deus,
Ad te spectat laus illius,
Tu per eum nobis parce
Ac redemptis miserere.

V. Plasma, Christe, tuum

defende benignus ab hoste.

I n Laudibus.

Antiphonae.

1. In decore tuo, Deus,
Tecum regnat vir beatus,
Sanctitudo domus tuae
Decet eum sine fine.

2. Cuncti Deo jubilate,
Nomen ejus est suave,
Cujus portas, o Folquine,
Meruisti introire.

3. Ad te, Deus, vigilantem,
In te semper sitientem,
Suscepisti exsultantem
Tuum sanctum sacerdotem.

4. Sancti Dei et humiles
Ac Domini sacerdotes
Cum Folquino regem Christum
Benedicant in saeculum.

5. Laudet coelum, laudet terra
Creatoris magnalia,
Nosque dignos tua laude
Fac cum sanctis, rex gloriae.

Ad Benedictus.

A. O Folquine, tuis

pius pastor coelitus adsis,
Te memorem nostri

faciat clementia Christi,
Ac per eum, Christe,

nobis petimus miserere.

In 2. Vesperis.
Antiplionae.

1. Gloria sanctorum,

Deus, accipe vota tuorum
Nosque tuas laudes

in Folquino venerantes
Respice placatus

nostros solvendo reatus.

2. Hic athleta tuus,

celebris pietate patronus,
Post invictorum

certamina plena laborum
Migrat ad aethcreas
hodie gaudendo choreas.
3. Quam laetis donas,

quem sic, Deus alme, coronas,
Coelica largiris

aeternaque pro perituris.

Ad Magnificat.

A. Rex immense, sanctis palmam
Praestans nobis da veniam
Et clementi bonitate
Cum Folquino nos respice,
Ut, qui praesens est corpore,
Nunquam desit pietate.