83. De sancta Pharahilde.

In 1. Vesperis.
Antiphonae.

1. Virgo clemens et benigna,
Pharahildis, laude digna,
Vitam duxit angelicam.
2. Ordine miro subdita viro,
Famula Christi, promeruisti
Coelica regna.
3. Tam in mensa quam in lecto
Sub eodem eras tecto
Cum marito servans florem
Castitatis praeter morem.
i. Ingens est miraculum,
Quod in praesens saeculum
Inter tot delicias
Ad coelestes nuptias
Adspiras tam avide.
5. Post cursum hujus stadii
Donum perennis bravii
Inter choros virginum
Tibi pater luminum
Virgini constituit.
R. Igne rubus inflammatur
Nec flammis inuritur,
Pharahildis sponso datur
Nec sigillum frangitur
Ejus pudicitiae;
Per ter denos annos nupta
Virgo mansit incorrupta
Vacans Dei laudibus.

Ad Magnificat.

A. Alma virgo, laude digna,
Virgo prudens et benigna,
Pharabildis, nos exaudi
Famulantes tuae laudi.

Ad Matutinum.

Invitatorum.

Adoremus Christum regem,
Cujus virgo tenens legem
Pharahildis coronatur
In coelesti curia.

In 1. Nocturno.
Antiphonae.

1. Virgo de genere
Regali genita
Divino munere
Libens est subdita
Christo Pharahildis.

2. Rex Lotharingiac
[Inclitus] floruit
Magnae potentiae,
Quamdiu viguit,
Theodoricus.

3. Conjugem habuit
De stirpe nobili,
Vixerant pariter
Vita laudabili
Deo servientes.

Responsoria.

1. Immortali sponso juncta
Pharahildis sprevit cuncta,
Quae marcescunt tamquam
foenum,
Ut flos agri transeunt.
V. Affluentes divitias
Et regales delicias

Sponsa Christi respuebat.

2. In aetate puerili

Scholis datur, sed senili
Mente Deum retractando
Suspirans proferebat:
V. ''Concupivit anima mea desi-
derare justificationes tuas in
omni tempore.''

3. Deo, cui se subegit,
Votum vovit nec infregit,
Virginalem ei florem
Praesentare studuit.
V. ''Adjuvabit eam Deus vultu
suo, Deus in medio ejus, non
commovebitur.''

In 2. Nocturno.
Antiphonae.
1. Juventutis suae florem
Atterebat ob amorem

Jesu Christi, quem tenere
Videbatur diligere.
2. Asper erat ei lectus,

Sacrum crebro tundens pectus
Patrem superni luminis
Mens exorabat virginis.
3. Cum annorum ter denorum
Esset mater egenorum,
Nolens a patre cogitur
Sponsoque duci jungitur.

Responsum.
1. Pharahildis fit ducissa
Dei ductu non remissa,
Sed affluens deliciis
Domabat se jejuniis.
V. Annulo Christi subarrhata non

terrenis opibus ''inhiabat.
''2. Mentem ejus

cantus neque lyrae
Nullo modo

valent delenire,
Mente secum

tractat solicita,
Ut, quae novit,
persolvat debita.
V. ''Timete Dominum omnes sancti
ejus, quoniam non est inopia
Umentibus eum.
''3. Clam introrsus est inclusa,
Flectit genu prece fusa,
Rogat Deum devoto gemitu,
Ne virili turbetur coitu.
V. ''Exaudivit deprecationem ejus
Dominus, Dominus orationem
ejus suscepit.''

In 3. Nocturno.
Antiphonae.
1. In aetate jam nubili
Duci juncta est nobili,
Sed castitatis Ulium
Non perdit hoc conjugium.

2. Gratias in termino
Virgo refert Domino,
Dum intacta permanet.

3. Virgo facta liberior
Vota persolvit libera
Egenisque propensior
Larga profudit munera.

Responsoria.

1. Sponsa duci foederata,

Propter Christum poenis data,
Quae vel quanta
ferat, conqueritur,
V. Quocirca dux

languore premitur.

2. In labentis vitae pirgo
Suscitasti ganzam, virgo,
Caeco visum, gressum claudis
Dans in signum tuae laudis.
V. ''In multitudine electorum ha-
bebis laudem, quae per Chri-
stum talia operaris.
''3. Pharahildis duci nupta
Virgo mansit incorrupta
Sex lustrorum spatio,
Hinc ad Christum, quem amavit,
Vitae suae transmigravit
Anno nonagenario,
V. ''Ad sponsum suum Chrishtm,
in quem credidit, qiiem dilexit,
quem semper optavit.''

In Laudibus.
Antiphonae.

1. Pharahildis frequens orat,
Templa visat, dux explorat,
Quo se vertat, quid agatur,
Redit virgo, verberatur.
2. Flagellat ducem Dominus
Propter commissum facinus,
Nec ipse corrigitur.
3. Silvam causa spatiandi
Dux perlustrat et venandi,
Lora laxat, equus cadit,
Fractis membris vix evadit.

4. Sanat eum parcens reo,
Sed ignorat reus Deo

Gratias impendere.
5. Pharhildem

sex lustris tenuit,
Sed cum ea

nunquam rem habuit,
Ter denos ter

annos compleverat,
Virgo mansit

solvens, quod voverat.

Ad Benedictus.
A. Christi sequens vestigia,

Sanctis exsculpta moribus,

Stirpe praecellis regia
Velut luna sideribus.

In 2. Vesperis.
Ad Magnificat.

A. Virgo pia Pharahildis,

Quae cum coeli civibus
Haeres facta paradisi

Gaudes in coelestibus,
Nostri pie memor esto

Et pro nobis supplicans
Impetrato veniam

Et vitam perpetuam.