45. De sancto Eleutherio.

In 1. Vesperis.
Antiphonae.
1. Laetetur chorus Domini
Sancto congaudens homini

Praecipuae virtutis,
Cujus debetur nomini,
Quod Tornacenses termini
Sunt in via salutis.
2. Hic est Sereni filius,
Beatus Eleutherius,

Verus Christi confessor,
Corruptionis nescius,
Praedicator eximius
Et Piati successor.

3. Hunc Medardus elegerat
Amicum, cum jam suberat

In aetate minori,
Et prophetice reserat,
Quod hunc Deus praeviderat

Praesulatus honori.

4. Adeptus nomen praesulis
Sed ferens sortem exsulis

Pressuris conquadratur,
Hinc corruscat miraculis,
Per quem a mortis vinculis

Blanda resuscitatur.

5. Affectus multo verbere,
Taetro reclusus carcere,

Visitatur de caelis,
Angelus adest propere,
Reducit eum libere,

Plebs stupet infidelis.

B. Pontifex virgineo

Venustatus flore
Sub ornatu roseo

Sanguinis decore
Bino privilegio
Pollet, Christum bivio
Secutus, nunc bravio

Fruitur promisso.

V. Bona conjugatio,
Rosa nubit lilio,
Castitas martyrio
Purpuraque bysso.

Ad Magnificat.
A. Exsultavit spiritus
Mundo morientis,
Confortatur coelitus
In agone mentis,
Deo laudes replicat
Manibus exstentis,
Sic pastor magnificat
Christum in tormentis.

Ad Matutinum.

Invitatorium.

Regem auctorem omnium

Laudet choros fidelis,

Qui sanctum Eleutherium

Coronavit in caelis.

In 1. Nocturno.

Antiphonae.

1. Declinans consortia
Puer impiorum,
Ut arbor egregia
Fructum fecit morum.

2. Postulavit Dominum,
Dedit ei gentes
Tornacenses, criminum
Maculis squalentes.

3. Non timebat populum
Circumdantem eum,
Spei suae baculum
Semper habens Deum..

Responsoria.
1. Post aliquantum spatium
Ab agone Piati,
Cum ebulisset nimium

Turpitudo peccati,
Quidam sunt Tornacensium
In Christo congregati ;
V . De consensu fidelium
Praeponunt Eleutherium
Praesulem civitati.

2. Plus horrentes debito
Christianos mores
Infideles inito

Consensu majores
Pellunt urbe subito
Fidei cultores ;
V. Sine culpae merito
Sancti censu perdito
Linquunt urbis fores.

3. Aquae multae non poterant

Fervorem impedire,

Virtutes, quae latuerant,

Inceperunt prodire,
Fideles nulla superant
Non tormenta non irae;
V. Blandinium accelerant,
De fabrica deliberant
Prompti Deo servire.

In 2. Nocturno.

Antiphonae.

1. Aucta tribulatio
Justum dilatavit
Et in sacrificio
Christo se litavit.

2. Introivit Domini

Templum in timore,

Quem vacantes sanguine

Caedunt cum furore.

3. Laus perfecta profluit
Per os confessoris,
Indignatum destruit
Animum ultoris.

Responsoria.

1. Sanctus enervat vitia,
Dum carnis contumacia

Subditur servituti,
Distillant ejus labia
Praecepta necessaria
Fidelium saluti,
V. Cujus victi solertia
Pelluntur urbe regia
Haeretici versuti.

2. Dam sanctus in ecclesia
Protelabat suspiria

Christum orans attente,
Intrat tribuni filia,
Carnis petit commercia
Furens vesana mente:
V. Fugit hic, linquit spolia,
Moritur temeraria.
Suscitatur repente.

3. Fontis renata flumine,
Sancto calescens flamine,
Postmodum baptizatur,
Blanda vocatur nomine,
Multo patris conamine
Puella provocatur.
V. Quae vivens sine crimine,
Tandem victo certamine
Cum sanctis coronatur.

In 3. Nocturno.

Antiphonae.

1. Christi tabernacula

Pastor est ingressus,
Cujus siue macula
Fuere progressus.

2. Quae petivit avide,
Jam accepit bona,
Pretioso lapide
Rutilat corona.

3. Innocentem opere

Sed et corde mundum
Fecit Deus scandere
Montem hunc fecundum.

Responsoria.

1. Multitudo gentilis populi,
Laesa peste, vim infert praesuli,
Caesum claudunt hora crepus-
culi,
Reseratur locus vestibuli.

V. Miro modo sunt conversi
Per hunc cives universi.

2. Post longum postliminium,
Quo rexerat Blandinium,

Sanctus hortatu civium
Redit ad locum patrium ;
Fit in Tornaco gaudium,
Pastorem habet propriam.
V. Illuminat Mantilium,
Lepra curat Periclum,
Beatum pandit regium
Et obtentum remedium.

3. Attendentes haeretici,
Nomen eorum dejici,

Satis indigne ferant,
In septa templi publici
Latent, ut possit effici
Flagitium, quod quaerunt.
V. Freti fraude multiplici
Plagas sancto pontifici
Letales inflixerunt.

Ad Laudes.

Antiphonae.

1. Nimis sunt credibilia
Praeclara testimonia

Paternae sanctitatis,
Monetur Thecla tertio,
Quod reveletur visio

Praesuli civitatis.

2. Depulso mentis nubilo
Vaearunt omnes jubilo,
Cum puer resurrexit,
Sic Helisaeus visitat
Sunamitem, dum suscitat
Filium, quem dilexit.

3. Sub alarum velamine
Sancti plenus dulcedine

Feriolus exsultat,
Solvitur a discrimine,
Catena suo fragmine

Tribunum morte multat.

4. Benedicamus Dominum,
Post tempus non diutinum

Suscitatur tribunus,
Liber a lapsu criminum
Contritus vixit, geminum
Consecutus est munus.

5. Laudat fidelis condo,
Cum sanctus ab suburbio

Collocatur in urbe,
Fit coelesti prodigio
Sagittarum reflexio,
Forenses gemunt turbae.
Ad Benedictus.
A. Dum floreret in hac areola,
Mundum, carnem vicit et idola,
Quare trina fulget aureola
Coeli factus civis et incola.

In 2. Vesperis.
Ad Magnificat.

A. Eleutheri

Confessor inclite,
Decus cleri,

Miles emerite,
Ad te rite

Suspirant miseri,
Nos in vitae

Libro fac inseri.