11. De sancto Annone.

In 1. Vesperis.

Super Psalmos.

A. Sursum corda suscitentur
In laudum praeeonia,
Ut condigne celebrentur
Annonis solemnia.

Ad Magnificat.

A. Ave, sanctae fidei

Fide praedicator,
Ave, domus Domini

Magne propugnator,
Famulorum te colentnm

Attende precamina,
Ut per te peccaminum

Sublevemur sarcina.

Ad Matutinum.

Invitatorium.
In Annonis annua

Veneratione
Adoremus Dominum

Cum devotione.

In 1. Nocturno.
Antiphonae.

1. Ortus ex Alemannia
Praelustri de prosapia,
Virtutum Anno schemate
Fulsit, non minus stemmate.

2. Praeditus ingenio
Profecit in studio,
Praelatus in regio
Ceteris palatio.

3. Pius, prudens, humilis
Et provisor utilis
Est Agrippinensium
Nactus pontificium.

Responsoria.

1. Gratuletur laetabunde,
Laetetur gratulabunde,
Pangat melos sine fine
Clerus urbis Agrippinae,
V. Cujus erat talis

pater Anno pontificalis.
2. Tantae fretus dignitatis
Sacro ministerio
Et divinae pietatis

Suffultus praesidio
In ecclesiasticis
Viguit et publicis,
V. Omni corde Deum

laudans, qui condidit illum.
3. Homo quidam caecitatis
Defessus angustia
Viri mirae sanctitatis
Apprehensa fimbria
Loca fricans oculorum
Lumen recepit eorum.
V. Justus in operibus
Honoravit Deum
Et in mirabilibus
Excrevit per eum.

In 2. Nocturno.
Antiphonae.

1. Sanctus Anno pernoctabat
In orationibus,
Loca sancta frequentabat
Caris comitantibus.
2. Nudi pedes, uber fletus
Et latens cilicium,
Mentis actus, Dei metus
Praebebant indicium.

3. Munificus clero,

monachis, civi, peregrino,
Felici, misero,

complacuit Domino.

Responsoria.
1. Dum sanctis operibus
Sanctus insistebat,
Caritas sincerius
In eo fervebat,
Erexit monasteria
In Dei ministeria
V. Quintum consummans numerum
Memor tot Christi vulnerum.

2. Alter item oculorum
Usu destitutus,
Coram sancto ad sanctorum

Sancta constitutus,
Quem petebat, est dolorum
Finem consecutus.
V. Irrigatus, quo beatus
Manus lavat, latice
Oraturus et sumpturus
Libamen ex calice.
3. Qui nocturna visione
Non fraudatus in Annone

Praedicat mirabilem
Deum, cui tres personae,
In stellata regione
Nunquam terminabilem
V. Cujus et nos per Annonem
Mereamur visionem.

In 3. Nocturno.

Antiphonae.

1. Mulier in egestate
Laborans et caecitate
Vixit in miseria
Tot flagris obnoxia.

2. Haec ad Dei famulum
Deducta per bajulum
Sublevari petiit,
Quam clemens exaudivit.

3. Primum pedes ejus lavit,
Post famelicam cibavit,
Genis manum superduxit,
Quibus ex hoc lux illuxit.

Responsoria.
1. O virtutum speculum,
Anno, gemma praesulum,

Tuo nos precamine
Purgatos a crimine
Ad intransitorias
Transmitte laetitias.
V. In cujus potentias
Jam introivisti,
Deo nos concilia,
Quem emeruisti.
2. Adolescens deformatus
Morbo tympanicio,
Viri famam perscrutatus
Rumore jam publico,
Scandit montis cumulum
Tractus per vehiculum.
V. Abscondi non potuit,
Qui ut lampas splenduit
Et ut thus redoluit.

3. Pontifex immanitatem
Languoris exhorruit,
O miram benignitatem,

Dolenti condoluit,
Adoptavit sanitatem,
Quam Deus adhibuit.
V. Aquae benedictio
Et ejus adspersio
Curat atque potio.

Ad Laudes.
Aatiplionae.

1. Vir beatus Deo gratus,
Postquam rite cursum vitae
Consummavit, frequentavit
Praeelectum, praedilectum
Montem magis solito.
2. Illic sese victimam
In oratione
Deo mactans sedula
Fletus fusione

Preces pro ecclesia
Fudit cum instantia.
3. Regressus Coloniam
In pestem podagricam
Dextro pede incidit
Et ibi occubuit.
4. Sic purgatum transiit

Vas electionis
Ad coeleste solium

Summis plenum bonis,
Commutans terrestria

Pro aeternis donis.
5. Venerandus merito

Saeculis futuris,
Qui suis temporibus

Nec a verbis duris
Principum pertimuit
Nec eis succubuit.

Ad Benedictus.
A. Collectis ecclesiae

Cunctis magistratibus
Et uni sententiae

Praebitis assensibus
Fotura Colonia

Patrem in visceribus
Pandit sinum filia
Dignis sepulcbralibus.

In 2. Vesperis.
Ad Magnificat.

A. Mutatur propositum

Deo sic volente,
Recipit depositum

Navis et repente
Contra nisum gurgitis

Cursum explet serio
Nec veli nec remigis

Acta, ministerio.