73. De sancto Ludovico.

In 1. Vesperis.

Antiphonae.

1. Francorum rex magnificus,
Ludovicus, vir coelicus,
Sumopere studuit.

Soli Deo placere,
A quo tantam meruit

Gratiam obtinere.

2. Crucis Ghristi signaculum
Contra gentilem populum
Suscepit primum junior
Et postmodum provectior
Ad meritorum cumulum.

3. Hic regnum, matrem, liberos,
Infantes adhuc teneros

Reliquit ac sororem,
Sed post assumptis filiis
Ilaerens Christi consiliis

Dimisit et uxorem.

4. Sanctus hic sprevit omnia,
Quaecunque transitoria,

Propter regnum coetorum,
Tam carnales delicias,
Quam fallaces divitias

Cum fastu superborum.

5. Hic miraculis rutilat,
Qui in coelis jam jubilat

Exsultans cum beatis ;
O Ludovice, rex pie,
Memento nostri hodie,

Qui sumus in peccatis.

Ad Magnificat.

A. Magnificat Dominum

Et exsultat spiritus
Pauperum et divitum

In Deo salutari,
Qui generi hominum

Hunc regem divinitus,
Ludovicum inclitum,

Dedit pro exemplari.

Ad Matutinum.
Invitatorium.

Laudamus Christum Dominum,
Qui regem Ludovicum

Praestat saluti hominum
Solamen salvificum.

In 1. Nocturno.
Antiphonae.

1. Puer hic defuncto patre
Nutritus est decenter
A religiosa matre,
Cui paruit libenter.

2. Languoris vehementia
A Deo visitatus
Est in convalescentia
Cruce Christi signatus.

3. Tres fratres suos comites
Secum cruce signavit
Et regni sui divites
Ad idem animavit.

Responsoria.

1. Francorum jam exercitu
Sub rege Ludovico
Praeparato pro transitu
In conductu nautico,
Legato ab ecclesia
Dato cum indulgentia,
V. In passagio signato
Deo primum invocato
Transivit princeps maria.

2. In Dei fervens opere,
Statim ut transfretavit,
Infideles lacessere

Gravi bello temptavit
Et Damiatam propere
Vi captam occupavit ;
V. Quam deserente turpiter
Populo degenere

Ipse potenter intravit.

3. Dum pater clementissimus
Suum verberat populum,
Vir iste devotissimos

Ad Deum levat oculum,
Ut erat ferventissimus
Obsequium dans sedulum ;
V. Hic Tobias notissimus,
Qui mortuos humillimus
Portavit ad tumulum.

In 2. Nocturno.
Antiplionae.

1. Lassato jam exercitu
Diuturno languore
Infideles cum fremitu
Accurrunt et furore.

2. Populi princeps furiae
Non cedit effrenati
Monstrans, se voluntarie
Pro Christo poenas pati,
3. Ductus ad locum carceris
Mire fert ad tentorium
Sollicito pro vesperis
Paganus breviarium.

Responsorium.

1. Laus tibi per saecula
Patri, nato, paraclito,
Quod rex sine macula
Per te liberatur,
Dum in Soldani subito

Illa gens incredula
Tuo beneplacito

Morte effrenatur.
V. En Dei virtus sedula,

Pro suis quac tam cito
Pellendo pericula
Mira operatur.
2. Bissenis cum baronibus
Firmus rex in fide vera
De pactis juraturus
Saracenis furentibus
Respondet voce libera:
Nunquam sum id facturus.

V. Si non stas his sermonibus,
Ait illi gens effera,
Christum es negaturus.
3. Regressus rex ad propria
Non destitit insistere
Operi virtuoso,
Se mactat pro hostia,
Egenos levat manere,
Ministrat leproso,
V. Visitat monasteria,

Domos Dei ex opere
Construxit sumptuoso.

In 3. Nocturno.
Antiphonae.

1. Cor verbis sacrae scripturae
Sollicitus apponit
Omnique regali jure
Verbum Dei proponit.
2. Bonis semper operibus
Sanctus rex intendebat,
Simile facientibus
Devotus adhaerebat.

3. Ut regis sancti merita
Remunerantur natis,
His pia tradit monita,
Semitas aequitatis.

Responsoria.

1. Toto corde cum rege Josia
Quaesivit Deum ab infantia,
David alter misericordia
Et Salomon est sapientia,

V. Joseph est providentia
Et Gedeon constantia.

2. De largitatis horreo
Rex misericors tribuit
Plena manu pauperibus,
Quos visitando circuit,
Cibos ori intromittit
Et pedes supplex abluit.

V. O quantus et qualis fuit,
Qui tam pium cor habuit,
Quod egenis compatiens
Servitium hoc praebuit.

Ad Laudes.

Antiphonae.

1, Magnus rex gentis Francorum,
Divinae legis zelator

Et promotor bonorum,
Religionis amator,

Persecutor vitiorum
Fuit et exstirpator,

2. Justus in judiciis,
Prudens in consiliis

Bonis semper favit,
Stetit pro ecclesia,
Cui ne injuria

Inferretur, cavit.

3. In vestitu humillimo
Atque victu parcissimo

Fit cunctis in stuporem,
Virtutes factis praedicat
Et operibus indicat

Se perfectum doctorem.

4. Patris natum unicum
Benedicant Dominum

Omnes creaturae,
Qui tot per Ludovicum
Signis auget hominum
Vitae spem futurae.

5. Laudet jam felix Francia,
Tota laudet ecclesia

Opera salvatoris,
Et pro tot beneficiis,
Quot potest, surgat gratiis

Ad laudem largitoris.

Ad Benedictus.
A. Jam sanctus post laborem
Recepturus praemium
Regnaturum majorem
Exhortatur filium
Ad matris honorem,
De fide et moribus

Testamentum condidit
Et bonis operibus

Complementum addidit
Divinum amorem.

In 2. Vesperis.
Ad Magnificat.
A. O martyr desiderio,
Quam piae mentis studio
Crucifixo compateris,
Cujus crucem in humeris
Tuis bis affixisti,
Passio tibi deficit,
Sed martyrem te efficit

Fervor et zelus Christi.