41. De sancto Donato.

In 1. Vesperis.
Ad Magnificat.
A. Jucundare, felix Sistaricum,
Confessoris tanti solemnio,
Bene cane, frequenta canticum,
Dilatetur tua devotio,
Caput habes pignus mirificum,
Juste gaudes hoc privilegio,
Cum sis caput in episcopio.

Ad Matutinum.
Imitatorium.

Christi mirificam
Laudemus gratiam,

Qui dedit coelicam
Donato gloriam.

In 1. Nocturno.
Antiphonae.
1. Annos pueritiae

Transcendens Donatus
Dulcedine patriae
Non est immutatus.
2. Christum sequi nititur
Mundae puer mentis,
Mundus vilipenditur
Cum oblectamentis.
3. Qui vagus et varias
Circuiens provincias
Tandem venit per salebras
Ad montis Lurae latebras.

Responsoria.
1. Servum Dei serpens intuitus
Sibilans dat horrendos strepitus,
Non est mirum, si parum territus
Fuit vir inclitus.
V. Sancti perniciem
propinans capitis
Elevat aciem

quindecim cubitis.

2. Angulari confisus lapide
Roboratur fidei casside,
Opem sperans a summo praeside
Perstat intrepide,

V. Manus levans ad coelumpoplite
Flexo gressum figit in cespite.

3. Draco statim toto conamine
Durentiae labitur flumine
Repentino praecipitamine
Sancti precamine,

V. Multitudo sequens reptilium
In eundem defluit fluvium.

In 2. Nocturno.
Antiphonae.
1. Sanctus admirans properat
Et, ubi draco steterat,
Aedificat tugurium,
Paupertatis indicium.
2. Basilicam montis in culmine
Sancti fecit Martini nomine
Mediante Christi iuvamine.

3. Hic tempore diutino
Manente Dei famulo
Tandem placuit Domino
Notum facere populo.

Responsoria.
1. Ruricolae terrae fortuito
Casu cellam viderunt eminus,
Sed timore serpentum solito
Non sunt ausi venire cominus.

V. Sanctus ad se verbo mellifluo
Vocat eos loquentes mutuo.

2. Praedicat evangelium
Jesu Christi ruricolis,
Aeternae vitae praemium
Spondet relictis idolis,

V. Verbis ejus omnes obediunt,
Orthodoxam fidem recipiunt.

3. Egressi votum faciunt
In illa sanctum finibus,
Quotquot ad eum veniunt
Fatigati languoribus,
Sanitatem recipiunt
Ejus orationibus,

V. Aromatum cella detegitur,
Sanctitatis odor diffunditur.

In 3. Nocturno.

Airtiphcmae.

1. Taliter Noe

plantat vineolam,
Quae non fraudat
suum vinicolam.

2. Infra parvum spatium
Vinum profert, unde
Sanctus sacrificium
Faciat abunde.

3. Rusticus confunditur
Uvam portans ore,
Sed liber efficitur
Licet cum rubore..

Responsoria.

1. Ebreduni decus, flos, speculum,
Florentinus contemnens sae-
culum

Sancti pergit ad habitaculum,
Offert se servulum;

V. Donati magisterio
Brevi profecit spatio.

2. Fur olerum facto fasciculo
Tota nocte gyrat per ambitum
Nec in toto reperit hortulo
Praedo infer liberum exitum,

V. Sanctus suo coram discipulo
Repertum liberat summo dilu-
culo.

3. Strictum parat iter et horridum
Ad Donati daemon imperium,
Restant adhuc acervi lapidum
Veri facti dantes indicium,

V. Montem replet quaerelis miseris
Ob injuncti laborem operis.

In Laudibus.
Antiphonae.
1. Celsus, plenus nequitia,
Donati jubet latera
Tundi virgis, praestigia
Reputans ejus opera.

2. Sexaginta pedibus
Rupis rima patet,
Ubi cum discipulo
Metu Celsi latet.

3. Boves quaerit rusticus,
quem videns vir Dei:
Cras, inquit, invenies,
sic accidit ei.

4. Celsus celsitudini
timore sublato
Pro sananda filia
supplicat Donato.

5. Venit ad infantulum
Cerva certis horis
Lactis praebens poculum
Prece confessoris.

Ad Benedictus.

A. Sanctus iste plenam victoriam
Consecutus ad coeli patriam
Post praesentem transit mise-
riam,
Pro labore reportans gloriam.

In 2. Vesperis.

Ad Magnificat.

A. Florentinus cum sancto Mario
Sancti corpus tumulant hominis.
Quorum trium sacro consortio
Nos societ filius hominis.