19. De sancto Baldo.

In 1. Vesperis.

Antiphonae.

1. In sanctorum splendoribus
Natus ante luciferum
Signis micantem pluribus
Sol nobis misit Hesperum.

2. Ut Hesperus enituit

Baldus morum fulgoribus,
Se Deo, sua tribuit

Et dispersit pauperibus.

3. Ut eum cum principibus
Sui collocet populi,
Christus hunc a tumultibus
Hujus exserit saeculi.

4. Cordis optans ex intimo
Passionis instantiam
Sese laudis altissimo
Sacrificavit hostiam.

5. Ut sancti sic effloreat
Baldi fructificatio,
Coelestis hunc lux trabeat,
Virtutum plena radio.

Ad Magnificat.

A. Ave, praesul eximie,

Virtutum florens floribus,
Qui carnis liber nexibus
Coelum conscendis hodie,
Tuis nos, Balde, precibus
De maris hujus fluctibus
Transfer ad portum patriae.

Ad Matutinum.
Imitatorium.

Adsunt Baldi pontificis
Veneranda solemnia,

Laudis sono multiplici
Plaudat mater ecclesia.

In 1. Nocturno.
Antiphonae.

1. Quasi natus aut plantatus
Rivi secus alveum

Fractum temporaneum

Protulit Baldus beatus.

2. Praedicavit et servavit

Dominicum praeceptum

Et coelitus acceptum

Talentum multiplicavit.

3. Dum obivit, obdormivit
Soporatus requie
Et a carnis carie
Liber coelum introivit.

Responsoria.

1. Ad honorem opificis
Summi Baldi pontificis
Laudibus insistamus,
Ut ad coeleste bravium
Per ejus patrocinium
Post cursum attingamus,
V. Votis hymnis et canticis
Viri sancti praeconium
Laetantes attollamus.

2. Clara stirpe progenitus
Baldus, antistes inclitus,

In lege meditari
Solerter studuit,
Unde promeruit
Coronam sibi dari.
V. Letaeis cnlpae penitus
Expers in istis renuit
Caducis prosperari.

3. Aevum adolescentiae
Donis praeventus gratiae

Modeste pertransivit,
Locum parans virtutibus
Christi mandatis. omnibus
Devotus obedivit,
V. Praecurrens castimoniae
Vias pudicis gressibus
Carnis motus attrivit.

In 2. Nocturno.
Antiphonae.

1. Illustratus et signatus
Dei vultus lumine
Fruitur interminae
Somno pacis vir beatus.

2. Liber satis a peccatis

Factus praesul inclitus,
Coronatus coelitus
Scuto bonae voluntatis.

3. Minoratus vir beatus

Paulo plus quam supera,
Dei rexit opera
Letalis expers reatus.

Responsoria.

1. Cruce carnem attenuat,
Multa ne lapsa minuat

Stipendia laborum ;
Hanc caro nutrit fomite,
Ne fortassis a tramite
Declinet praeceptorum.
V. Hic libido non aestuat,

Quae nullo constat comite
Stipata vitiorum.

2. Attritus parsimonia
Non injeetu sed gratia

Coelesti provocatus

Metropolis Turonicae

Conscendit honorifice

Sedem pontificatus,

V. Sanctum fore praeludia

Signo monstrant multiplici
Finis et incolatus.

3. Dum maris in periculo
Sanctum rogatu sedulo
Martinum invocaret,
Illi Martinus adfuit,
Moxque sanctus obtinuit,
Tempestas ut cessaret;
V. Vociferante zabulo

Turbari nunquam potuit,
Ut a prece vacaret.

In 3. Nocturno.
Antiphonae.

1. Supergressus vitae gressus
Hujus sine macula
Tua tabernacula,
Deus, tandem est ingressus.

2. Gloriatur et laetatur
In virtute Domini
Honorisque gemini
Serto quoque coronatur.

3. Mundo corde sine sorde
Deum generatio
Haec quaesivit studio
Manuque misericorde.

Responsoria.

1. Divino mundum semine
Replens, ardore geminae

Succensus caritatis.
Aegris affert remedia,
Mendicis et obsequia
Praestat humanitatis;
V. Praeclarus sanctitudine
Coeli tandem in gloria
Laetatur cum beatis.

2. Quae sit beati sanctitas,
Viri signorum claritas

Per orbem divulgavit,
Ad ejus nempe tumulum
Defunctum mater parvulum
Vivum recuperavit ;
V. Quem tangebat infirmitas,
Sanum bovellus oculum
Exsultans reportavit.
3. O virtutum vas odorum,
Balde, felix Christicola,
Coetu gaudens in doctorum

Praemiatus aureola,
Pro salute servulorum
Precum libamen immola.
V. Gemma nitens, flos in florum
Pulchre vernans areola,
Recta via, norma morum,
Balde, coelestis incola.

Prosnla.

1. Solaris consors luminis,
Coeli sidus, irradia
Interioris hominis

Nostri visens praecordia.

2. Exilis modulaminis

Accepta tu praeconia,
Quae tui pangit nominis
Haec in laude familia.

3. Nostri culpam peccaminis,
Balde confessor, expia
Precumque proli virginis
Pro nobis sacrificia
Immola.

In Laudibus.

Antiphcraae.

1. Praecinctum fortitudine
Cum decore virtutum,
Coeli Baldum in agmine
Colamus constitutum.

2. Jam in conspectu jubilat

Beatae trinitatis,

Ubi splendore rutilat

Divinae claritatis.

3. Suscepit Dei dextera
Sibi compatientem
Et evexit ad sidera
Post se sic adhaerentem.

4. Cuncta nunc benedicite
Creata creatori
Melosque Baldo pangite,
Beato confessori.

5. Exutus carnis sarcina
Deum laudat in caelis,
Cui laudum modulamina
Plebs impendat fidelis.

Ad Benedictus.

A. Precis opem suffragio

Nobis, o Balde, porrige,
Rege stantes in stadio,

Culpa prostratos erige,
Tui, sacer opilio,

Mores ovilis corrige
Nosque te duce praevio

Pacis in viam dirige.

In 2. Vesperis.
Ad Magnificat.

A. O praesul eximie,

Vas virtutum omnium,
Lochensis ecclesiae
Nobile depositum,
Balde, praeco Christi,
Adstanti memoriae

Tuae plebi gaudium
Da coelestis patriae,
Quod tibi per meritum
Ingens acquisisti.