65. De sancto Honorato.

In 1. Vesperis.
Ad Magnificat.

A. Lux celebris micat in tenebris

radiusque serenus,
Est hodie datus ecclesiae

vir pneumate plenus,
Quid meruit, quid deseruit,

si respiciatur,
Fiere pium, gaudere pium

satis esse probatur.

Ad Matutinum.
Invitatorium.

Patris Honorati

gaudentes de patre nati
Festa colant hodie

summae jubilando sophiae.

In 1. Nocturno.

Antiphonae.

1. Praesul Honoratus

hodie super astra levatus
Gaudia post luctum

metit et post semina fructum

2. Moribus et gestis

puer informatur honestis.
Cui comes et testis

cibus est levis, aspera vestis.

3. Transgrediens metas,

fragilis quas vendicat aetas,
In puero factus

jam vir senis explicat actus.

Responsoria.

1. Ecce dies celebris

celebri dignissima laude,
Qua micat in tenebris

tua lux, Sonmohria, gaude.
V. Nescia finiri

tibi fax nova coepit oriri.

2. Hic vir magnificus,

humilis, pius atque pudicus,
Quo duce Martha Liae,

Rachel est sociata Mariae,
Martha laborando

fuit atque Maria vacando.
V. Ne premat ecclesiam

regnum, ne Martha Mariam.

3. Jam superis junctus,

jam prae consortibus unctus
Transit Honoratus

de culmine pontificatus
Ad superos cives

factus de paupere dives,
V. De gremio matris

translatus ad atria patris.

In 2. Nocturno.

Antiphonae.

1. Quod caro, quod mundus,

quod et hostis vult furibun-
dus,
Dum fugit et subdit

sibi se, tria proelia vicit.

2. Mole licet pressus

carnis super ardua gressus
Rexit et erexit,

nec eum via prona reflexit.

3. Exemplum veri

pastoris in ordine cleri
Se fieri potius

statuit quam velle videri.

Responsoria.

1. Aetheris ardorem

nimium solisque calorem
Temperat et rorem

dat civibus uberiorem,
V. Mundus ei cedit,

mare, sidera, ventus obedit.

2. Subveniens multis

pater in moerore sepultis
Compedibus fractis

et carceribus patefactis
Civibus ingratis

dissolvit vincla ligatis,
V. Ut pateat, quanti

sit ubique potentia sancti.

3. Mellifluo flori,

qui balsama vincit odore,
Alternando chori

succensi cordis amore

Concentum mcmori

digno modulentur honore,
V. Gratia dat rorem

flori, Somonobria florem.

In 3. Nocturno.
Antiphonae.

1. Ambianense solum,

dum coelum sidere ditat,
Ornans terra polum
tenebras splendore maritat.
2. Subvenit aegrotis

majoraque numera votis
Dat sibi devotis

positis prope sive remotis.
3. Mente vigens munda,

moriens a morte secunda
Fugit et ad vitam

venit fugiendo sopitam.

Responsoria.

1. Luciferi splendens

radius super aetbera tendens,
Quem colit iste chorus,

voto, prece, laude sonorus,
Spes et amor cleri,
tu nos dignare tueri,
V. Gloria pontificum,

pastor bone, sidus amicum.

2. Splendida stella poli,

pater inclite, spernere noli
Nos tibi devotos,

sed ab omni crimine lotos
Tecum sorte pari

fac nos super astra locari,
V. Maxime pastorum,

spes, portus et aura tuorum.
3. O decus ecclesiae,

matri, pater, auxiliare,
Quo gaudent hodie

sidera, terra, mare;
Nata patrem, natum

mater, sua sponsa maritum
Gaudet Honoratum

jam super astra situm.

V. Quo sibi flore dato

rediviva virens prius arens
Prece viro, nato,
filia, sponsa, parens.

In Laudibus.
Antiphonae.

1. Laudibus immensis

resonans, plebs Ambianensis,
Patris in hoc festo
solito festivior esto.
2. Hic caecis, surdis, mutis
omnique solutis
Morborum genere

tribuit velut ante vigere.
3. Corpora sanctorum,

quae clausa diu latuerunt
In latebris nemorum,
sancti meritis patueiunt.
4. Exusti pueri

per aquam cutis arida facta
Sana per hunc fieri
meruit post vota peracta.
5. Femina, quae voluit

contendere votaque fregit,
Optatis caruit,

donec prius acta peregit.

Ad Benedictus.

A. O navitatis opus,

defuncti corpus honorans
Crux caput inclinat,

sanctum reverenter adorans ;
Res manifesta patet

nec sancti fama laborat,
Non opus est verbis,

ubi res sine voce perorat.

In 2. Vesperis.

Ad Magnificat.

A. Glorietur in hac die
Mater Somonobria,
Sonent vocum melodiae
Cordis ex laetitia;

Alleluja
Consonet ecclesia.
Ambianis jucundetur,
Psallat chorus, plebs laetetur ;
Alleluja
Consonet ecclesia.
Pater pie, peccatorum
Miserere et tuorum
Esto memor memorum;

Alleluja
Consonet ecclesia.