9. De sancto Ammone.

In 1. Vesperis.
Antiphonae.
1. Gaudeat ecclesia

Chorique Leucorum,
Dum resplendet gloria
Pastorum suorum.

2. Mansuetum nobilem,
Qui Leucam curavit,
Post decessum flebilem
Ammon tumulavit.

3. Hic. praefato praesuli
Quasi pro mercede

Ex consensu populi
Successit in sede.
4. Digne praeeligitur

Ammon in pastorem,
Qui moribus sequitur
Sanctum praecessorem.
5. Vitam eremiticam
In silvis agebat
Fidemque catholicam
Pie confovebat.
R. Felix haec ecclesia
Crevit in honore,
Dum Ammonis gratia

Virtutum dulcore
Refulsit cum gloria
Vitaeque decore,
V. Nova nobis gaudia
Reducit memoria
De tali pastore.

Ad Magnificat.

A, Ave, gemma sacerdotum

Tullensis ecelesiae,
Ammon gerens corde votum

Ex influxu gratiae,
Quidquid eras, Deo totum

Offerens quotidie,
Cibum coeli, vitae potum

Conferens familiae,
Per te coetum hunc promotum

Duc ad regna gloriae.

Ad Nunc dimittis.
A. Dum sanctus Ammon praefuit
Leucanis, luce claruit

Mirandae sanctitatis,
Cujus virtutum praemia
Mira probant subsidia
Diffusae pietatis.

Ad Matutinum.
Imitatorium.

Regi regum praeconia
Laudis digne reddantur,

Dum Ammonis solemnia
Devote celebrantur.

In 1. Nocturno.

Antiphonae.

1. Ammon legem Domini
Studuit attente
Sacro vacans ordini
Domino favente.

2. Super Sion verticem
Rector constitutus
Nullum legis apicem
Solvit vir beatus.

3. Invasum hostiliter
Dominus suscepit,
Cujus vocem dulciter
Audiens excepit.

Respcmsoria.

1. Laus, honor, virtus, gloria
Sit regi saeculorum,
Dum virtutum insignia

Pontificum suorum

Haec recolit ecclesia

Concentu gaudiorum ;

V. Ex his Ammon cum gloria

Transiit ad coelestia

Virtute meritorum.

2. Fidei sparso semine
Per verbum Mansueti
Leucani sacro flamine
Suscepto fiunt laeti
Novoque plaudunt carmine
Tali dono repleti.
V. Huie Ammon sine crimine
Successit in regimine
Certaminis expleti,

3. Postquam urbem Tullensium
Domino conquisivit
Atque turbam fidelium

Dulciter enutrivit,
Praesul ad coeli bravium
Mansuetus transivit.
V. Hunc pium patrem omnium
Ammon agens officium
Condigne sepelivit.

In 2. Nocturno.
Antiplionae.

1. Hunc sanctum mirifice
Dominus honorat,
Quem virtutis coelicae
Splendore decorat.

2. Clamor intelligitur
Hujus praesidentis,
Dum Deo porrigitur
Voto piae mentis.

3. Hic honoris gloria
Digne coronatur,
Per quem laudis hostia
Nova immolatur.

Responsoria.

1. Dum Ammon praeeligitur
Ad regimen pastoris,
Non in vanum erigitur

Blanditia favoris
Sed humilior redditur
Sacri dono timoris.
V. Ille felix adstruitur

Rector, qui non extollitur
Propter culmen honoris.

2. Ammonem Dei famulum,
Qui spreto mundi vitio
Ad eremum perrexit,
Dignum est Leucae populum
Laudare cum tripudio,
Quem Dominus dilexit.
V. Ad matris Dei titulum
In silvis grandi studio
Basilicam erexit.

3. Pastor labem haereticam

Cernens ortam in gregibus
Curae suae commissis,
Per fraudem diabolicam
Erroris novitatibus
Simplicibus immissis,
V. Per veritatem coelicam

Reduxit lumen mentibus
Erroribus dimissis.

In 3. Nocturno.
Aiitiphonae.

1. Justi ferens titulum
Ammon obdormivit,
Coeli tabernaculum
Mundus introivit.

2. Cordis desiderium
Obtinet beatus
Super regni solium
Praesul coronatus.

3. Nos ad montem gloriae
Ducat per Ammonem,
Qui dat justo gratiae
Benedictionem.

Responsoria.

1. Ammon Leucae pontifex in-
clitus,
Cujus fuit quam felix exitus,
In capella Petri repositus
Praecessoris est tumba con-
ditus ;
V. Per Hermannum hic translatus
Cathedrali fuit datus.

2. Post vitae sanctae terminum,
Quam potens apud Dominum

Sit, clare comprobatur
Per curam aegritudinum,
Leprae, febris et luminum,
Quae per eum donatur.
V. Hic a filiis hominum
Concordi sono carminum
Merito commendatur.

3. De facultate propria

Reges hunc cum principibus
Cum magna reverentia

Coluerunt muneribus.
Ut Christus ad coelestia

Nos ducat suis precibus,
V. Praeclari cum laetitia

Devotisque concentibus
Pontificis magnalia

Laudemus votis omnibus.

Ad Laudes.
Antiphonae.
1. Sanctas hic amabilis

Ammon mando splenduit
Decorem indutus,
Praesnl venerabilis
Regnum mundi respuit
Dominum secutus.
2. Orans cum laetitia
Pro salute populi
Deo jubilabat,
Manens in justitia
In saeculum saeculi
Dominum laudabat.
3. Corde Deum sitiens
Fontem vitae sapiens

Deo vigilavit,
Vir beatus Dominum
Timens labem criminum
Parendo vitavit.
4. Gratam simul omnia
Deo reddant entia

Benedictionem,
Qui jam a terrestribus
Sursum cum principibus
Extulit Ammonem.
5. Sacrae laudis hostiam

Reddant cum harmonia
Cuncta creatori,
Qui jam coeli gloriam
Induto justitia
Contulit pastori.

Ad Benedictus.
A. Felix Ammon, ave,

pastor bone, gemma Leucorum
Solve jugum grave

labemque munda vitiorum
Per iter suave
duc nos ad regna coelorum.

Ad Tertiam.

E. Leucae felix ecclesia
Honoris in fastigio
Excrevit et in bonis,
Dum mira fulsit gratia
Claroque vita radio
Pontificis Ammonis,
V. Nobis accrescunt gaudia
Pro suae nunc solemnio
Commemorationis.

In 2. Vesperis.
Ad Magnificat.

A. O pastor egregie
Leucorum civium,
Tullensis ecclesiae
Nobile depositum,

Ammon, vir praeclare,
Ora regem gloriae,

Matris almae filium,
Ut coelestis patriae
Regnum nobis inclitum
Dignetur praestare.