6. De sancto Aicliadro.

In 1. Vesperis,
Ad Magnificat.
A. Inclitus Aichadrus,

meritis et nomine clarus,
Dum viget in coelis,

precibus nos adjuvet almis.
Ut post hanc vitam

mereamur habere quietem.

Ad Matutinum.
Invitatorium

Surge, Sion, veneranda tuo

da cantica sponso,
Aichadrum placido

et resona jubilo.

In 1. Nocturno.
Antiphonae.
1. Exstitit Aichadrus,

magno de germine natus,
Cui pater Anscharius
fuitHermena dignaque mater.

2. Qui facit infantum

linguas sermone disertas,
Aichadrum studiis

doctrinae ditat honestis.

3. Transactis lustris

bis binis actibus aequis
Pervigil excubias

in templo semper amabat.

4. Hoc quadam complente die
vox intonat: ecce,
Virtutem virtute petent
sancti specialem.

5. Continuo nullum

cernens hanc perficit idem,
Cernetur Deus inque Sion
dominusque deorum.

6. Angelicis jungeus

dictis sua dicta, sodali
Alloquio Christi

Fidei devotior haesit.

Responsoria.

1. Gaudia praesentis

ducentes maxima festi,
Cunctorum dominum

veneremur, qui pie coelum
Ditavit hodie

Aichadri flamine patris.
V. Omnia, quae voluit,

Dominus virtute creavit.

2. Ut sacer Aichadrus

monachorum Gemeticorum
Suscepit regimen,

dum curat habere laborem
Pascendi, dat ei

Christus vexilla salutis.
V. Temptamenta tulit

zabuli, sed Jesus ab astris.
3. Florebat vigil in

precibus, jejunia sectans,
Tranquillus, patiens,

castus, bonitate modestus,
Lampade virtutum
fultus, pietate serenus.
V. Omnibus omnia factus erat
pes ut omnibus esset.

In 2. Nocturno.

Antiphonae.

1. Haeredi sacro

genitores dant Aichadro,
Quo locat ecclesiam

secum plebemque fidelem,
2. Pro sancti meritis

Aichadri fama beati
Expetit abbatis

placidas aures Philiberti.
3. Qui cito discipulos

mittens praecepit eundem
Jure salutari

plene sibi menteque jungi.
4. Praeveniens hos e coelis
sacer angelus altis
Infixum precibus

Aichadrum jure profatur:

Ave, praeceptis

domini parens Benedicti,
Pro quibus ecce manet

semper tibi laus super astra ;

5. Ut conforieris

melius Christo famulari,
In Christo fratres

duo cras tibi gaudia dantes
Partibus ex sancti

patris venient Philiberti.

Responsoria.

1. Aichadrus, Domini

confessor, talibus actis
Ad pretiosa trahens

cunctos convivia vitae
Effulsit signis

multis cum nomine Christi
V. In factis magnis,

fidei vestitus amictu.

2. Agmine fraterno

sudante labore beato
Ingemit hostis atrox

quaerensque nocere fideles
Arbore cum sterili

perit in crucis obice pulsus,
V. Abba nam fratres

firmat niger angelus atque.

3. Vir felix minui

dum se jubet iste capillis,
Post horam nonam

paschalia signa parantem,
Quod tulit incautus,

lacrimis reparavit obortis,
V. Vidit enim hostem

in hoc gaudere sed idem.

In 3. Nocturno.

Ad Cantica.

A. Hujus namque loci

legeris divinitus auctor
Ac ideo debes

istis fore laetus ut hospes.

Responsoria.
1. Hic miles fortis,

geminis cum fratribus optans
Exorare genu

flexo, dum cogitat, uni
Illorum tradit,

radio solis digitales
V. Intentis oculis

coelum tantumodo spectans.
2. Nec dictu facile est

nec luce capabile carnis,
Quod post hoc globus igneus

obtegit illius artus,
Et, ne discipuli

spargant haec, valde minatur.
V. Erectus terra,

soli quod credidit, aufert.

3. Cum foret excubiis

commissi pastor ovilis
Pervigil Aichadrus,

ipsi nitet angelus index,
Altera quod pars, quam regit,
illico flamma laxet ;
V. Ad tantam vocem

lacrimis perfunditur heros.

In Laudibus.
Antiphonae.
1. Cum dicti fratres

veniunt, sibi jussa revolvunt,
Corda ligant patrum
pariter sua sicque revisunt.

2. Coelitus adventum

praenoscens tuncpater horum
Huncque suis monstrans
recipit, hinc, quod cupit,
audit.
8. Angelico ductu

petit Ansoaldum Philibertus,
Pictavis qui clarus erat
hoc tempore praesul.
4. Visitat Aichadrum

tanto jam junctus amico,
Munitum verbis

superis et laudibus almis.
5. Collaudant Dominum

hi tres duo necne priores,
Gemeticae justum
turmae ducunt Aichadrum.

Ad Benedictus.
A. Dilectum Christi famulum
proceres Aichadrum
Praeficiunt plebi

sanctae, cujus prece caeli
Lumine ut ornemur,

humili cum corde precamur.

In 2. Vesperis.
Ad Magnificat.
A. O rex perpetuae

lucis pax atque perennis,
Obtineat nobis

Aichadrus dona salutis,
Quem hodie summae

transfers ad culmina vitae.