49. De sancta Eusebia.

In 1. Vesperis.

Ad Magnificat.

A. Magnificantes Dominum
In saecula benedictum
Laetemur festo celebri
Eusebiae virginis,
Cujus obtentu petimus
Solvi peccatis omnibus.

Ad Matutinum.
Invitatorium.

Gaudens surge, Sion,
Sponso depronere melos

Eusebiae, regis

sponsae, sub honore perennis.

In 1. Nocturno.
Antiphonae.

1. Francorum regis incliti

Sub tempore Dagoberti

Orta est Eusebia

Ex illustri prosapia.
2. E coelo lapso spiritu

Adspirata interius

Doctrinali puellula

Imbuitur solertia.
3. Laudabilis juvencula

In primaeva aetatula

Divinitus enituit

Operibus clarissimis.

4. Juxta sui vocabula
Nominis Eusebia
Cultrix Dei erat bona
Et pietate strenua.

5. Christi succensa amoris

Alma virgo igniculis

Digna et honorabilis

Pollebat elemosynis.
6. Vivam seipsam candido

Hostiam obtulit agno,

Virginis matris filio,

Haec vigilans cum oleo.

Responsoria.
1. Ecce solaris orbita

Confert nobis solemnia

Eusebiae virginis,

Sponsae superni judicis;
V. Melodias decantemus

Tripudiis solemnibus.
2. Bonae puella indolis

Refulgens prosapiis

Commendata est a matre

Gertrudi proaviae.
V. Vocitato Hamatico

Edocenda loculo.
8. In legis Dei doctrinis

Educata duodennis

Post excessum proaviae

Succedit locum regere,
V. Caritatis ardens flamma,

Vigiliis assidua.
4. Ad matris habitacula

Virgo Eusebia

Regreditur per transmissum

A Nantilde mandatum
V. Sumptis secum plurimorum

Reliquiis sanctorum.

In 2. Nocturno.
Antiphonae.

1. In loculo regiminis
Duodennis Hamatici
Post excessum Geretrudis
Eligitur a caeteris.

2. Rictrudis sacris genitrix
Hortatur natam monitis,
Secum spiritualibus
Deservire militiis.

3. Geretrudis cum corpore
Prudens virgo proaviae
Ad matris habitaculum
Regreditur haud cupitum.

4. Obsequiis mancipando
Se genetricis Domino
Ministravit fideliter,
Quem dilexit feliciter.

5. Ense cujusdam militis
Latus tenellae virginis
Per verbera a capulo
Laeditur absque merito.

6. Virgo studet excolere
Persapiens assidue
Omnes in suo corpore
Virtutes et occulere.

Responsoria.

1. Officiis celebratis
Et horarum vigiliis
Se ipsam mactat superis
Eusebia cum lacrimis,

V. Dum quietem in corpore
Putaretur percipere.

2. Rictrudis, Christi famula,
Metuens pro filia,
Hortatur eam propriis
Interesse cellulis

V. Mulcendo sermone blando
Et terrendo aspero.

3. Accepto sic intentio
Cum nec cessaret modulo,
Beatae corpus virginis
Subditur fratris baculis,

V. Verberibus dirissimis

Dum se flectit in brachiis.

4. Operibus justitiae
Haec dedicata coelice
Ambulabat de virtute
In virtutem splendide,

V. Ut mereretur coeleste
Bravium accipere.

In 3. Nocturno.
Ad Cantica.
A. Super sponsam monilibus
Adornatam gaudet sponsus
Diademate decorus
Prae universis gentibus.

Responsoria.
1. Ex aromatibus myrrha
Et thuris pretiosissimi
Effloruit Eusebia
Genere nobilis

Quae nobilior ejus disciplinis.

Agnum sequitur

Cum laude virginitatis.
V. Praecincta virtutum decore

Accensa lampade

Et coronata fide.
2. Abi postgregum Christi vestigia,.

Eusebia, virgo clarissima,

Flos campi et lilium convallium,

Introduxittein secreta coetorum.
V. Veri solis filia formosa,

Illius columba,

Surge et pro nobis orans propera.

3. Veni de Libano,

Veni coronaberis,

Virgo Eusebia,

Ascensum habes purpureum,

Reclinatorium aureum,
V. Media caritate constrata

Inter filias Sion collocata.
i. Oleum gerens in vasis

Lampadibus acceptis

Ad nuptias sponsi sponsa

Intrat Eusebia,
V. Perenniter Deo nova

Condecantans cantica.

In Laudibus.
Antiphonae.

1. Benedictae ac decorae
Eusebiae odore
Perfunditur mire domus,
In qua decumbebat corpus.

2. Jnbilando introivit
In conspectu Domini,
Quem amavit corde claro
Eusebia virgo.

3. Sitivit virtute plena

In Deo ejus anima,

Et ideo laetitia

Perfruitur gloriosa.
4. Egregia virgo regis

Per opera superi

Benedicebat Domino

Per saecula benedicto.

5. In excelsis laudabilis,
Quem laudant cives coelici
Carminis Eusebia
Illic psallit prosa pia.

Ad Benedictus.

A. Castitatis

praefulgens speculum,
Lumbos cingens

nec solvens cingulum,

Sanctitatis induta titulum,
Juva tibi psallentem populum.

In 2. Vesperis.
Ad Magnificat.
A. Flos late fraglans, Eusebia,
O flos ferens pudoris lilia,
Summi patris flos, fructus, filia,
Nos tuere, nos prece praevia
Rege, fove, Christo concilia.