32. De sancto Castore.

In 1. Vesperis.
Ad Magnificat.
A. Laus tibi, rex aeterne,
Laus et decus perenne,
Cujus castus amor,
Quo exarsit Castor,
Tulit ipsum mundo
Et invexit coelo,
Ubi fulgens gloriosus
Adsit gregi pastor pius.

Ad Matutinum.
Imitatorium.
Auctori vitae

vigiles jubilare venite,
Cui vigilans pastor
vivit super aethera Castor.

In 1. Nocturno.
Antiplicmae.

1. Effloruit tamquam lignum,
Quod a Deo est plantatum,
Fructum Castor justitiae
Suo ferens in tempore.

2. Apprehendit disciplinam,
Ne perderet viam justam,
Qua tendebat in directum
Super Sion montem sanctum.

3. Dum tribulat se gravius
Suscepit eum Dominus,
Cui gloria est et salus
Et exaltans caput ejus.

Responsoria.
1. Sanctus Castor a puero
Jam praeventus Dei dono

Non in terra sed in coelo
Conversabatur animo,

V. Quia melior est dies una
In atriis Dei super milia.

2. Praeclarae puer indolis
Sacris traditus studiis
Mox tesauros plenissimae
Adeptus est scientiae;

V. Quem diligens rex in sua
Introduxit cellaria.

3. Christum nudus ardens sequi
Et abnegans semet sibi
Sanctum petit Maximinum,
Fama et vita maximum,

V. Ut cum sancto fiat. sanctus,
Cum electo sit electus.

In 2. Nocturno.
Antiphonae.
1. Hic vultus tui lumine
Insignitus, o Domine,
Ut in pace in idipsum
Requiescat, fugit mundum.

2. Ergo sperans in te, Deus,
Cujus scuto stat protectus,
Voto petit martyrium,
Ut exsultet in aeternum.

3. Arianos gentilesque
Revincis ejus dogmate,
Hinc gloria et honore
Coronas eum, Domine.

Responsorio.
1. Sub praesule Maximino
Gradu functus Levitico
Dignissime Castor sanctum
Exhibuit officium.

V. Audite et mundamini,
Qui vasa fertis Domini.

2. Dum pro summis virtutibus
Dignis effertur laudibus,
Laudes suas a seipso
Quodam repellit odio,

V. Quia nescit gloriari
Nisi in cruce Domini.

3. O caritas bumma viri,
Qua requirit vultum Dei,
Quam sacerdos consecratus
Ut contempletur dulcius,
Secessit petens eremum
Quasi quietis lectulum.

V. Ecce, inquit, tu pulcher es,
Dilecte mi, et decoras,
Lectulus noster floridus.

In 3. Nocturno.
Antiphonae.
1. Confisus est in Domino,

Quem diligens corde toto

Transmigravit a patria

Amoris ejus gratia.
2. En in monte Dei sancto

Requiescit ex merito

Operatus justitiam

Castor et innocentiam
3. O Domine, rex virtutum,

Qui confessorem tuum

Dignatus es praevenire

In tua dulcedine,

Cui vitam tribuisti

In saeculum saeculi.

Responsoria.

1. Vir insignis virtutibus
Vitae coelestis splendidus
Ad exemplum sanctitatis
Ut lampas fulsit subditis,

V. Quoniam illuminasti
Lucernam ejus, Domine.

2. Vere crucis Christi servum,
Qui per crucis signaculum,
Quos terruit naufragio,
Mox eruit periculo.

V. Dextera Domini fecit virtutem,
Dextera Domini exaltavit eum.

3. Pretiosus Dei Castor,
Mundi fortis triumphator,
Morte sacra per eremum
Ad supernam scandit Sion,
Qua coronam gestans vitae
Regi conregnat gloriae.

V. Qui tam sublimis

prece nos sustollat ab imis.

Ad Laudes.

Antiplionae.

1. Mens pia Castoris,

lumbos praecincta vigoris,
Morte triumphata

fruitur sibi sorte parata.

2. Christo, cui promptus
servivit cum pietate.
Conregnat junctus,
cui lactantes jubilate.

8. Te solum cernens,

pro te, Deus, omnia spernens,
Ad te transivit,

quem toto corde sitivit.

4. Flammis in Domino

superatis tot vitiorum
Gaudet cum Domino

cantans hymnum puerorum.

5. Sanctorum coetus

tam sancto compare laetus,
Quo miles gaudet,

regem pro milite laudet.

Ad Benedictus.
A. Benedictus rex coelestis
Et in coelis et in terris.
Qui Castoris sublimia,
Quae in coelis sunt merita,
Et in terris angelico
Declaravit oraculo.

In 2. Vesperis.
Ad Magnificat.

A. O pater beatissime,
Pastor vigilantissime,
Gregem tuum continuis
Serva, Castor, vigiliis,
Ut Dominum redeuntem
A nuptiis et pulsantem
Mox vigilans excipiat,
Cum quo vitam percipiat.

3b. De sancto Cedda.

In 1. Vesperis.
Antiplionae.

1. Germanorum quatuor
unus est beatus,
Cedda, quorum quilibet
erat consecratus.
2. Summo sacerdotio
duo consecrantur,
Praesulari simplici
duo venerantur.
3. His inerat numerus
evangelistarum,
Per quos inde fieret
horum opus clarum.

4. Omnes evangelium

Christi praedicarunt
Et vepres a vineis
ejus exstirparunt.

5. Cedda tantum ceteris
erat praeferendus,
Dignitate meriti

major est censendus.

E. O pastor digne,

miseris concede benigne,
Quod poscunt a te,

confessor Cedda beate ;
V. Funde preces Christo

pro coetu jugiter isto.

Ad Magnificat.
A. Sis pro nobis intercessor,
rogamus, ad Dominum,
Ut nos regat et perducat

ad coeli palatium,
Ubi tecum et cum sanctis
simus in perpetuum.

Alia.
A. Pastor vigil

gregis in medio
Sacri verbi

munitur gladio
Plantans mores

expulso vitio,
Sed absente

caret solatio,
Cui favet

ut pater filio.

A d Matutinum.
Imitatorium.
In qua vigent

jugiter solemnia,
Mater virgo
jubilet ecclesia.

In 1. Nocturno.
Antiphonae.
1. Mundi calcans gloriam
Cedda declinavit
Corporis lasciviam,
Dum sese claustravit.
2. Jugo se supposuit

Christi, quem dilexit,
Qui tenendam docuit
Vitam, quam direxit.
3. Qui cum vitae sanctitatis
Ut lux se monstravit,
Eboraci civitatis
Arcbipraesulavit.

Responsoria.
1. Hunc quem magnum
reddit auctoritas,
Ceddam parvum
facit humilitas,

Cui nunquam

deest benignitas.
V. Non attollit

illum prosperitas
Neque frangit

quaevis adversitas.
2. Hic legati

verbo paruerat,
Cedens sedi,

cui praefuerat,
Claustrum petit

et non remurmurat.
V. Sed indignum

fore se dixerat
Tanta cura,

quam prae tenuerat.
3. De quo Deus

ita disposuit,
Merciorum

quod inde praefuit
Gregi, regens

hunc sicut decuit.
V. Orans nocte

de die docuit,
Per quem Christi

nomen innotuit.

In 2. Nocturno.
Antiphonae.

1. Postes agni sanguine
in die linivit,
Cnicis memor Domini
carnem dum punivit.
2. Pugnans contra vitia
palmam acquisivit,
Armis nudam ferreis
carnem dum vestivit.

3. Qui sic fontem frigidum
orans introivit
Et non corpus calido
balneo nutrivit.

Responsoria.

1. Legem Christi

qui sic tenuerat,

Ut tenendam

fore docuerat,
Ante finem

scire meruerat)
V. Hinc quietae

certus transierat,
Qui coelesti

regi servierat.

2. Postquam Ceddae

lux praesens clauditur,
Laus ipsius

a plebe canitur.
Hostes vincens

hic non devincitur.
V. Vis unguenti,

dum pyxis frangitur,
Cunctis patet

nec plus absconditur.

3. Occurrentes

ad eum languidi
Mox curantur

et epileptici,
Surdi, caeci

seu paralytici;
V. Claudi, curvi,

leprosi, marcidi
Valent hujus

virtute medici.

In 3. Nocturno.
Antiphonae.

1. Ab habenis mortui
mortis excitantur,
Furiosi vinculis

confractis sanantur.

2. Et curatis languidi
dum congratulantur.
Suis a languoribus
statim liberantur.

3. Aqua tumbae pulvere
mixta cum potantur.
Bibentes a variis
morbis expurgantur.

Respotisoria.

1. Hic in carne

vivens angelice,
Terram terit

conversans coelice,
Christi legem

servando practice
Plene quidem

et non ecliptice.
V. Unde Deus

eum mirifice
Collocavit

in orbis apice.

2. Ceddae sancti

contactu loculi
Fantur muti,

clarescunt oculi,
Quibus visis

exsultant populi.
Christi legis

tabescunt aemuli.
V. Fama transit

in fines saeculi,
Quod sic florent

divini servuli.

3. Pie pastor

et pater ovium,
Merciorum

gregis solatium,
Contra mundum,

carnem, daemonium.
Adsit nobis

per te remedium,
V. Ut finito

cursu praesentium
Capiamus

aeternum bravium.

In Laudibus.
Antiplionae.
1. Claustri clausus carcere
Cedda monachatur,
Ut divinis libere
Vacans his utatur.

2. Cujus fama claruit,
Quod pontificatur,
Lucerna, quac latuit.
Ne plus abscondatur.

3. Pastor pavit populum
Pabulo doctrinae
Reddens receptaculum
Regulae divinae.

4. Praesulis officium

Cedda sic implevit,
Quod cujusque vitium
Generis delevit.

5. Deviantes moribus
Oves informavit,
Persistentes actibus
Sacris excitavit.

Ad Benedictus.

A. Praesul pie, sancte Cedda,
ora Deum pro miseris,
Ne peccatis aggravati
tradamur suppliciis,

Sed in coelo perfruamur
perennibus gaudiis.

Alia.
A. Pastor pie,

pro tuis ovibus
Ora Christum

devotis precibus,
Ut solvantur

a lupi morsibus
Et sint tecum
in suis aedihus.

In 2. Vesperis.
Ad Magnificat.

A. Qui mores docuit

purgando vitia,
Talenta duplicans

cepit duplicia
De manu Domini

regnans in gloria,
Quo nos ascendere

det Christi gratia.