29. De sancta Brigida.

In 1. Vesperis.
Super Psalmos.
A. Virgo sancta Brigida.
Pro nobis exora.

Corda rigans arida

Desuper irrora,
Sit mens Christo placida,

Vox laudis sonora.

Ad Magnificat.

A. Deo carnis edidit

Brigida candorem,
Relativum reddidit

Benignus honorem,
Siccum lignum niveum

Designans pudorem
Ad tactum virgineum

Resumpsit virorem.

Ad Matutinum.
Invitatorium.

Totus orbis Brigidae
Plaudat in amorem,

Puritatis floridae
Currat in odorem.

In 1. Nocturno.

Antiphonae.

1. Rex coelestis humilem
Ancillam respexit,
De qua prolem nobilem
Brigidam provexit .

2. Prolis exordium
Multa prodigia
Praecurrunt gaudium
Praefigurantia.

3. Nocte matris lectulum
Lux irradiabat,
Nasciturae meritum
Prolis designabat.

Responsorin.

1. Felix Hibernam

Beat Lagenia,
Declarat Brigidam

Gignens prosapia.
De qua laetitiam

Sumat ecclesia.
V. Praesiguant Brigidam

Multa miracula
Futuram placidam

CoelesU gratia.

2. Hanc de Britannia

Praesules praedicant,
Ejus natalia

Magi magnificant,
Hanc luminaria
Coeli prognosticant.
V. Nam globus igneus,
Splendor aethereus
Sanctam notificant,

3. In albis clerici
Testibus coelici

Natam sanctificant,
Aquis baptismatis,
Liquore chrismatis
Hanc Deo dedicant,
V. Post vestem candidam
Collatam Brigidam
Sanctam specificant.

In 2. Nocturno.
Antiphouae.

1. Fusa super parvulam
Gratia coelestis
Monstrat Christi famulam
Signis manifestis.
2. Ardens velum niveum
Multis apparebat,
Quod caput virgineum
In cunis tegebat.

3. Candor veli niveam
Carnis castitatem.
Praesignavit igneam
Ardor caritatem.

Responsoriis

1. Lacte, quod premitur

De vacca candida.
Per sanctam feminam

Cibatur Brigida,
Rejicit omnia
Magi cibaria.
V. Lucis ad tenebras,

Cum sint contraria,
Non erat aliqua

convenientia.

2. Proficit in moribus
Infra patris septa,
In cunctis operibus
Gratiam adepta,
Crescit ejus manibus
Res quaevis recepta.
V. Sicut leeytus liquoribus,
Hydria farinae panibus
Abundat in Sarepta.

3. Virgo decoratur,

honor amplus ei cumulatur,
Synodus instabat,

nova Brigida stella micabat,
Sacra cohors plaudit,

quia signum coelitus audit.
V. Presbyter hanc aliam

denuntiat esse Mariam.

In 3. Nocturno.

Aiitiphonae.

1. Vertens in cervisiam
Fontanum liquorem
Nutricis inopiam
Pellit et languorem.

2. Quidquid vidit oculo
Vel manu tangebat,
Coelesti miraculo
Crementum sumebat.

3. Chiisto, bis sex apostolis
Vaccas devota dedicat,
Impletis cunctis vasculis
Butyrum se multiplicat.

liesponsoria.

1. Larga manus Brigidae
Cani carnis avidae

Frusta quinque jecit,
Grande per miraculum
Nullum sibi ferculum
In coena defecit.
V. Horum gestat omnium
Hospes testimonium,
Quem virgo refecit.

2. Felix virgo viscera

Gerens pietatis
Ensem patris dextera

Domat caritatis,
Rex stupet ad opera

Tantae largitatis.
V. Illa voce libera

Dixit: Rex, credatis,
Hinc vos, vestra cetera

Date Christo gratis.

3. Regnum mundi respuit

Virgo Deo grata,
Mira res, quam voluit,

Et est impetrata,
Oculus nam crepuit,

Ne sit maritata.
V. Hunc Deus restituit,

Postquam est velata,
Facies plus placuit

Christo reformata.

Ad Laudes.
Antiphoriae.

1. Thalamum sponsi Brigida
Gaudens introivit,
Quem caritate fervida
Semper concupivit.

2. Nata lacte calido
Signanter est lota,
Ut pudore candido
Vivat nitens tota.

3. Cella pudicitiae,
Brigida, fuisti,
Speculum munditiae,
Virgo, sponsa Christi.

4. Dum devote sequitur
Opus pietatis.
Odor late spargitur
Tantae sanctitatis.

5. Leprosus subsidium
Petens caritatis
Sentit beneficium
Plenae sanitatis.

Ad Benedictus.

A. Vera pollens

Virgo munditia,
Pietatis

ferens insignia,
Sanitatum

dotata gratia,
Post mortem carnis

vivit in gloria.

In 2. Vesperis.
Ad Magnificat.
A. Lux Brigida Lageniae,
Character castitatis,
Cella patens clementiae,

Resina pietatis,
Posce tuae familiae

Levamen a peccatis,
Post transitum miseriae
Quietem claritatis.