13. De sancto Ansuero.

In 1. Vesperis.

Antipnonae.

1. Adesto, pater gloriae,
Nobis, ut victoriae
Laudes tuorum martyrum
Digne possimus promere
Ansueri et ejus sociorum.

2. Cordis ex secretario
Gens omnis sympbonizat,
Nam in tormento vario
Ansuerus stephanizat.

3. Coeleste viridarium
Jucunde tunc stipatur,
Cum felix per martyrium
Hic mundus irrigatur.

4. Avete, sancti martyres,
Ansueri comitiva,
Orate ne nos febriles
Mors tangat recidiva.

5. Sancte Ansuere,
Martyr Dei inclite,
Cum tuis consortibus
Ora pro nobis omnibus.
R. Pange terra Holsatiae
Nobilis et generosa,
Nam de tua progenie
Prodiit rubens rosa,

Ansuerus, qui nobiliter

Ex te generatur,
Per quem ineffabiliter
Multa mirabilia

Deus operatur.
V. Ex cujus odoris fraglantia
Tota redundat Slavia.

Ad Magnificat.

A. ''Sanctus Ansuerus,
innocens ab infantia,
mansuetus in pueritia,
sobrius in adolescentia,
secutus parentum vestigia
tantis virtutum moribus
est adamatus, ut usque ad''

'' aetatem
virilem, qua perfecte vixerat,
propter suaeperfectionis culmen
possit beato Job comparari.''

Ad Matutinum.
Invitatorium.

Regi regum Domino

venite jubilantes,
Qui sanctos in martyrio

confortat agonizantes.

In 1. Nocturno.

Antiplionae.

1. Ansuerus in consilio
Non abiit pravorum,
Quapropter nunc collegio
Sortitur beatorum.

2. Cur in sanctos. Domini
Gentes fremuerunt,
Quos nece valde flebili
Flebiliter straverunt?

3. Invocantes, Domine,
Sanctos exaudisti,
Quos in tuo nomine
Pati voluisti.

Responsoria.

1. Ansuerus sprevit scoriam
Terrenae dignitatis,
Ut usurparet gloriam
Coel estis civitatis,
Dereliquit patriam
Juventutis flore.
V. ''Elegit abjectus esse in domo
Dei sui magis, quam habitare
in tabernaculis peccatorum.''

2. Ut rosa vel lilium
Constipat viridarium,
Sic aequali forma
Per Oswaldi filium
Fulcitur monasterium
Sub Benedicti norma.
V. ''Sicut novellae plantationes a
juventute sua.''

3. Eja, Rachel, sponsa Christi,

Militans ecclesia,
Quae tot proles edidisti,

Quot ad coeli gaudia
Animas tu transtulisti

Per tormentorum genera,
Quorum neces tu flevisti

Per sancta desideria,
V. ''Filii tui sicut novellae oli-
varum in circuitu mensae tuae.''

In 2. Nocturno.
Antiplionae.

1. Bonae voluntatis scuto
Coronasti, Domine,
Quos ex hujus mundi luto
Extraxisti hodie.
2. Ex ore patientium

Vis, Christe, collaudati,
Ut virtus innocentium
Possit comprobari.

3. In Dei tabernaculo
Habitat Ansuerus,
Qui in Slavoruni populo
Fuit doctor verus.

Responsoria.

1. In patrem dum elegitur

Ansuerus, vir discretus,
Ex hoc non erigitur

In corde sed mansuetus
In pietatis opere

Permansit indefessus,
Quod docuit summopere

Aliis, est aggressus.
V. ''Hic accipiet benedictionem a
Domino et misericordiam a
Deo salutari suo.''

2. O sacratissimi amatores
Trinitatis deificae,
Abraham in montis radice
Tres viros vidit et unum

adoravit,
Sic Ansuerus ex uno ore
Tres simul et semel
Emisit melodias.
V. Abraham vidit tres viros et

'' unum adoravit.
''3. Sicut non potest civitas
In montibus celari,
Sic et nequit sanctitas
In sanctis occultari.
Hoc in Ansuero panditur

Sancto sufficienter,

Cui de coelo mittitur

Virga non latenter

In cercumque vertitur
Valde competenter.
V. ''A Domino factum est istud
et est mirabile in oculis nostris.''

In 3. Nocturno.
Antiphonae.

1. In te sperantes

hos et pro te morientes,
Coelorum Domine
conservatus benedicte.
2. In mundo corde

permanserunt sine sorde,
In terra Domini
consistunt ergo locandi.
3. Pro plebis facinore

Te Christe deprecantur,
Qui in suo sanguine
Pro te rubricantur.

Responsoria.

2. Ex terrenis inquilinis

Fiunt cives coelici,
Dum necantur a lupinis

Viris viri angelici,
Per quos Slavi sunt doctrinis

Docti roris mellici
Et erepti a latrinis

Carceris Eumenici.
V, ''Vindica, Domine, sanguinem
sanctorum tuorum, qui effusus
est.
''3. Eja vos triumphatores

Pro nobis intercedite
Et perversitatis mores

In nobis corrigite,
Ut adjutos vestra prece

Deus, creator omnium,
Et ablutos ab hac faece

Perducat in empyreum.
V. Apud Christum vota nostra

'' promovete precibus.
''1. O militantis ecclesiae
Capitanei fortissimi,
O triumphantis militiae,
Phaleratores doctissimi,

Sancte Ansuere eum tuis sociis,
Hos precibus vestris defendite,
Quos in vestro servitio
Humiliter

Cognoscitis permanere.
V. ''Apud Christum patrociniis
vestris adjuvemur semper.''

Ad Laudes.
Antiphonae.

1. Praecinctus fortitudine
Dominus regnavit,
Qui suos pulchritudine
Sanctos decoravit.
2. Serviet in jubilo
Deo plebs fidelis,
Qui sanctos a periculo
Liberat et a poenis.
3. Adhaeserunt Domino
Martyrium sitientes,
Cujus in servitio
Steterunt vigilantes.

4. Sancti et humiles corde

Hymnum dicite Deo.
5. In collegio sanctorum

Laudetur rex eorum.

Ad Benedictus.
A. Gaude, Ratzeburgensis ecclesia,
Divinitus inspecta,
A deitatis clementia
Medullitus electa,
Quae sanctorum sanguine
Pulchre rubricaris,
Quorum nunc jnvamine
Mire gubernans.

In 2. Vesperis.
Ad Magnificat.

A. Mirantur cives coelici
Et spiritus tartarei
Stupent, quod haec fragilis
Natura sit tam agilis,
Quod cum tanta gloria
In passionis victoria
Ad coeli transit gaudia.

O Ansuere, vir nobilis,
Cum quater septem sociis
Pro nobis preces fundere

Velis et intendere,
Quod annuis devotionibus
Tua festa recolimus.