48. De ss. Epiphanio et Isidoro.

In 1. Vesperis.
Super Psalmos.

A. Gaudent sancti de tegmine
Candidato in sanguine
Agni, pro cujus nomine
Passi fruuntur numine.

E. Nemo posset retexere
Praeparata martyribus,
Juvamen horum petere
Sufficiat mortalibus,

V. Epipbani, Isidore
Beati,
Nos solvite a corpore
Peccati.

Ad Magnificat.
A. Fulget alma confessio
Felicis Epiphanii
Isidorique passio,
Ac pro palma martyrii
Regnant in solio
Perennis gaudii.

Ad Nunc dimittis.
A. Ditati laureis

Profuso sanguine,
Subvenite reis
Vestro precamine.

Ad Matutinum.
Invitatorium.

Begentem exercitum

Coeli adoremus
Et pro palma militum

Ejus jubilemus.

In 1. Nocturno.

Autiphonae.

1. Beatus Epiphanius

Digne contempsit saeculum
Agmen multo nobilius

Lucrans per mortis titulum

2. Isidorus stabilis
Fuit in agone,
Ut fieret habilis
Coelestis coronae.

3. Spiritalis victimae
Odor gratissimus
Certantes legitime
Probat altissimus.

Responsoria.
1. Absterget Deus lacrimas
Ab oculis sanctorum,
Dulcor aeternus animas
Adimplebit eorum,
V. Non esurient neque sitient,
Immo sentient, quo se satient.

2. Pro fide Christi
sanguinem isti

suum fuderunt,
Tramite Christi
in pace sisti
promeruerunt,
V. Felici sorte
certamen forte
morte vicerunt.

3. Isti sua tradiderunt
Corpora cruciatibus,
Nam firmiter crediderunt
Christi promissionibus,
V. Firma spe sunt usi
Et non sunt confusi.

In 2. Nocturno.

Antiphonae.

1. Christus fidelibus

Fert, ut sustineant,
Suis militibus

Dat, quo praevaleant,

2. Profuerunt aspera
Christi martyribus
Plus quam mundi prospera
Horam torribus.

3, O mira certamina
Lotorum sanguine,
Intrant coeli limina
Mortis discrimine.

Responsoria.

1. Dum pro Christo sustinuit
Epiphanius gravia,
Haereditatem meruit,
In qua nulla penuria.
V. Felix haereditas,
In qua fertilitas,
Pax et aeternitas.

2. Radix passa pro stipite
Quia morti praevaluit,
Mortem vicit in milite,
Quem pro se mori voluit;
V. Isidoro Christus, radix Jesse.
In perenni vita dedit esse.

3. O manna delectabile,

A quo lac sugitur,

Quo pulvis corruptibilis

Morte non vincitur

Sed libens moritur;

V. Christi sunt haee ubera,

Ejus sunt haec munera.

In 3. Nocturno.
Antiphonae.
1. Auri probatio
Illud gratificat,
Martyrum passio
Eos glorificat.

2. Surgit Christi vinea
Decursu fluminis
Et martyrum laurea
Cursu certaminis.
3. Virtutum studio

Coeli sunt incolae,
Horum martyrio
Dantur aureolae.

Responsoria.
1. Thronos lucis in gyro luminis

Dedit aeternae quietudinis

Martyribus suis

Filius hominis

Pretio sanguinis ;
V. Cessat ludibrium,

Manet fastigium.
2. Mors optanda, statim praeteris,

Tu martyres tollens ab inferis

Glorificas eos in superis.
V. Transit labor in otium,

Luctus et mors in gaudium.
3. Epiphanii precibus,
Isidori suffragiis

Liberatos ab hostibus,
Expurgatos a vitiis

Nos Christus in coelestibus
Collocet domiciliis ;
V. Prava gravat nos actio,

Horum juvet oratio.

In Laudibus.
Antiphonae.
1. Epiphani, Isidore,
Obsecramus erui

A tenebroso tempore
Ac aetemo perfrui.

2. Jubilate Domino,

Pro quo sunt martyria,
Qui dat sine termino
Martyribus gaudia.

3. Christo cor nostrum vigilet,
In prosperis ne tumeat,
Martyribus se similet,
In adversis ne timeat.

4. Christi magnificentiam
Benedicant omnia,
Qui convertit in gloriam
Isidori supplicia.

5. Laudate Deum de caelis
Propter Epiphanium,
Qui retributor fidelis

Luctum vertit in gaudium.

Ad Benedictus.

A. Felicia martyrum corpora
Isidori et Epiphanii,
A quibus transierunt tempora

Cruciatus et exterminii,
Recipient a Christo foenera
Vitae, quae perennis est gau-
dii.

In 2. Vesperis.
Ad Magnificat.

A. O martyrum quanta felicitas,
A quorum corporibus claritas
Aufert tenebras, subtilitas
Fomitem, obicem agilitas,
Omnem poenam impassibilitas;
Hanc nobis donet Christi caritas.