26. De sancta Bilhilde.

In 1. Vesperis.
Antiphonae.

1. Ave, gemma mulierum,
Radix sancta, semen veram,
Favus, uva, dulcor mellis,
Universas tu praecellis.

2. Bilhildis pia, nobilis
Et regalis sobolis,
Loci sancti monialis,
Cujus idem stat sub alis.

3. Francorum de genere
Talis re et nomine
Affectabat vivere
Felici sub omine.

4. Haec. in laudem salvatoris
Universis suis horis
Expandit vires animae,
Sursum sunt potentiae.

Ad Magnificat.
A. Te magnificantes

collaudemus Dominum,
qui respiciens humilitatem
Bilhildis, ancillae tuae,

Ei gratuito praestitisti munere
candidam baptismi stolam
ante tuum tribunal
immaculatam perferre,
Ut aeternam mereamur
in coelis vitam habere.

Ad Matutinum.

Invitatorium.

Templum sanctum hoc intrantes
Te in ipso venerantes,
Ilex pie, exaudi Domine.

In 1. Nocturno.

Antiphonae.

1. Beata in trivio

Jens, sedens stadio,
Juncta Dei filio
Proprio principio.

2. O quam pulchra, nobilis,
Casta, verecunda,
Ut in astris lucifer
Fulgens semper munda.

3. Ejus cordi viluit

Mundus hic immundus,
Christum mente induit,
Qui est pure mundus.

4. Quanto sese deprimebat
Humilis nobilitas,
Tanto magis elucebat
Nobilis humilitas.

5. Plura loca dotat sancta,
Inter quae praecipuum,
Cui donat se in tanta,
Vetus monasterium.

6. Baro magnus in hanc votum
Offert se et sua totum,
Nihil flectit hanc invitam,
Donec patris sors fert vitam.

Responsoria.

1. Bilhildis clara, nobilis,

Tota lux spectabilis,

Cujus caro, cor et vita

In excessu exquisita,
V. Pulchra nimis et decora,

Salva tuos sine mora.

2. Haec est illa, quam rigavit
Fons divinus, dum perflavit
Auster hortum pietatis,
Rosa, junge nos beatis;

V. Benedicta mulierum,

Contemplaris Deum verum.

3. Tu es illa Salomonis
Veri nata, quae in thronis
In vestitu deaurato
Jam conregnas Dei nato.

V. Audi, domina, et vide
Et inclina aurem tuam.

4. Mater larga loci

nostrae modulamina voci
Imprime devota,

clementer suscipe vota,
Pro meritis gaudes,

cantant coeli agmina laudes.
V. Coeli regina,

mentis dulcedo, rosina.

In 2. Nocturno.

Antiphonae.

1. Defuncto patre filia
Virginitatis lilia

Quoad se non mutat,
Sed mater meticulosa
Imperat, quod rubens rosa

Hoc votum commutat.

2. Cum esset jam tenera

Sub annis juvencula,

Detestatur munera

Maris ut sponsalia.
3. Status demum conjugalis

Adfuturus salutaris

Fructum fert eximium

Per hoc dotalitium.
4. Celebratis nuptiis

Fluit parum temporis,

Regionem deserit,

Casu conjux interit.
5. Quae fulgens castimonia,

Ob viri copulam ingemuerat,

A peste mox curatur,

Qua misere languerat ;

Paucis quippe hic diebus

Lapsis moritur,

Sed Dominus ignivit

Cor ejus incendio

Ardentissimae caritatis.

6. Sancta praeconia recolentes
Beatae Bilhildis
Nostrae prosequuntur voces
Cum jubilo laudis.
O alma Christi famula,
Choris coelestibus juncta,
Supernorum civium amica,
Sanctorumque omnium socia,
Intercede ad Dominum
Pro nobis,
Ut tecum mereamur
Adscribi in coelis.

Responsoria.

1. Flavit auster, dum Bilhildim
Castitatis vas elegit.

Et peregit militare
Caste sancto flamini,
Liquefecit et refecit
Resolutam funditus
Verbum missum coelitus.
V. ''Fluminis impetus civitatem
Dei laetificat.''

2. Aestimari quidem nequit,
Quae Bilhildis jugiter
Supra modum intus egit
Cuncta ferens suaviter.

V. Trinitati lux perennis,
Laus et jubilatio,
Ubi ejus habitatio.

3. Francorum fulget gloria
In coelesti curia
Bilhildis, dux eximia,
Nobili prosapia,
Et quanto natu altior
Tanto vita sanctior.
V. Nobilitas a Deo

rationis, exit
Causa haec fuit, quare

mare se reflexit.

4. O mater nostra

Bilhildis locum requiei,
Quem possedisti,

quod praestet gratia Christi,
Obtineas genti
te puro corde colenti,
V. ''Quod oculus non vidit nec
miris audivit nec in cor ho-
minis ascendit.''

In 3. Nocturno.
Responsoria.

1. Gaude, coelestis curia,
Bilhilde laeta socia,
Cum qua in throni socio
Laudas patrem cum filio.

V. ''Tres sunt, qui testimonium
dant in coelo, pater, vertunt
et spiritus sanctus.''

2. Recordare, mater et patrona,
Ut loquaris pro tuis bona,
Quae praesentata espraesentiae
Filii Mariae.

V. ''Eloquium tuum dulce commen-
det nos gratiae filii.''

3. Vide ad nostra piacula,
Bilhildis, nostra patrona,
Quibus mors est jam vicina,
Licet hora dubia.
Adfuturum redemptorem
Credimus in tempore,
Quem digneris mitigare,
Dum sumus in corpore.

V. Eja, mater gratiosa,

Tu quae mitis et formosa
Super omnes es puellas,
A te nunquam nos repellas.

4. O mater nostra,

ter sancta quaterque beata,
Cum prece devota
famulantum suscipe vota,

V. Jam Christo juncta

sponsoque tuo sociata.

In Laudibus.

Super Psalmos.

A. Laude Deo debita
Celebremus inclita
Bilhildis solemnia,
Quae nata ex Franconia
Jubilat in patria.

Ad Benedictus.
A. Dulcedo festi coelici

Nec linguis explicari
Nec ratione conjici

Nec potest aestimari ;
Visibilis hic deitas,

Plenitudo bonorum.
Hic ominum satietas

Abundat gaudiorum.
Istic Bilhildis prospere

Gaudet inthronizata
Sponsoque Jesu foedere

Perenni copulata.

Te deprecamur cernui,
Piissima patrona,

Impetra nobis perfrui
Tecum coeli corona.

Ad Horas.

Ad Primam.

A. Quasi stella matutina,
Quam illustrat lux divina,
In conventu cum concentu
Bilhildis coelestium
Gaudet luminarium.

Ad Tertiam.
A. Nobili de genere
Sancta Dei Bilhildis,

Nobilior fide Christi,
Contempsit mundi gloriam
Meruitque obtinere
Coelestis sponsi gratiam.

Ad Sextam.

A. Quae dum pia mente
Oleum sumpsisset,
Sponso cum prudentibus
Obviam exivit.

Ad Nonam.

A. Circa horam nonam
fidenter exspirat,
Margaritam bonam
sursum secum gyrat.