5. De sancto Agricio.

In 1. Vesperis.

Aiitiphonae.

1. Hic patriarcha prius
exsistens Antiochenus,
In Treviri praesul

successit post duodenus.

2. Jussu Silvestri

gentes adiens Treverorum
Illis fit pastor,

primas quoque Teutonicorum.

3. Hic moderatricis

Helenae carus et aptus,
Ejus legatus

exstat per munera factus.

4. Et merito carus

Agricius esse feratur,
Qui pius et prudens,
humilis castusque probatur.

5. Est Treveris clavus

Domini sanctusque Matthias,
Lata per Agricium
munera tanta scias.

E. Age festum, Teutonia,
De hospite suscepto,
Quem mittit Antiochia

Fructu per hunc adepto ;
Tuos colit Agricius
Agros fertilitatis,
Remunerandus largius
Anno benignitatis ;
V. Fructibus emeritae

coeli replet horrea vitae.

Ad Magnificat.

A. O pater Agriti,

cujus festum veneramur,
Nobis felici

concludas fine precamur,
Et ne sit dubius

finis, des immaculatam
Vitam propitius,

quae det sine fine beatam.

Ad Matutinum.
Invitatorum.

Regis adoremus

magnalia cuncta regentis,
Qui dedit Agricium

de partibus huc Orientis.

In 1. Nocturno.
Antiphonae.

1. Est Treveris clavus

Domini sanctusque Matthias,
Lata per Agricium
munera tanta scias.
2. Treveris ad vomitum

rediens simulacra colebat,
Cui datur Agricius,

quem sacrum pneuma re-
plebat.
3. Non causatur iter

longum multosque labores,
Christum morte sciens
nostros lenisse dolores.

Responsoria.

1. Jucundare, plebs devota,

Celebris insurge tota,

Dies adest digne nota

Praesulis Agricii,

V. Sion, applaude,

sancto tu consona gaude.
2. Haec est dies, qua beatus
Agricius est nudatus
Veste carnis et translatus
Ad coeli palatium,
V. Quem veri solis
suscipit alta AdminBookmark
3. Oriens hunc educavit,
Oriens hunc exaltavit,
Ipsum nobis delegavit
Urbe Antiochia ;
V. Partibus occiduis

dat solem pars Orientis.

In 2. Nocturno.

Antiphonae.

1. Adveniens igitur

dat verbi semina genti,
Spondens credenti

coelos barathrumque neganti.
2. Credula gens rite

dictis actisque beati
Ejus mandata

spondent complere parati.

8. Se fore cultores,

clamant, et credere Christum,
Qui talem transmisit eis
tantumque ministrum.

Responsoria.

1. Deserens patriarcbatum,

Sedem antiquam Graecorum,
A Silvestro praesulatum
Sumit urbis Treverorum,
Primatum Cisalpinorum.
V. Pro merito morum

sumit regimen populorum.
2. Statim luce veritatis
Pulsis umbris caecitatis
Urbs novatur puritatis
Fonte per Agricium,
V. Cujus mandata

spondet complere parata.
3. Celebs mentis otio
Pater visitatur
A superno nuntio,

Qui sanctum affatur:
Te confecto senio
Praesul statuatur
V. Vir Maximinus,

quasi magnus amore caminus.

In 3. Nocturno.

'' Antiphonae.
'' 1. Spernunt cultores,

qui daemonibus famulantur,
Idola quaeve nihil

deitatis habere probantur.

2. Inde per Agricium

gens credula fonte novatur
Urbsque sacrata Deo
quondam cultu reparatur.
3. Agros Agricius

Domini colit officiisque,
Nomen habet fide,

quia semina spargit ubique.

Responsoria.

1. Plebem urbis convocat.

Praefert Maximinum,
Sede dignum collocat

Jus sequens divinum,
V. Moribus ornatum

sacrat meritisque beatum.
2. Clavus sacrae passionis,

In Christo sanctificatus.
Per virum opinionis

Sacrae nobis est allatus

Ab Helena sancta datus ;
V. Auget reliquias

electus sorte Matthias.

3. Vir totius bonitatis
In virtute caritatis
Jus solvens humanitatis
Coronatur coelitus,
V. Invehitur caelis

servus bonus atque fidelis.

In Laudibus.
Antiphonae.

1. Laudibus Agricium

celebres in laude canora,
Cui per cunctorum
laus musica concrepet ora.
2. Sacris fundatus

scripturis et moderatas,
Coelo discretus
fuit hic fructuque repletus.
3. Ingeminatus amor

hunc spesque fidesque beavit,
Donis naturae

cum gratuitis radiavit.

4. Plasma Deo dicat

hymnum, per quem benedicat
Insimul Agricium,
nomine reque pium.

5. Illum laudemus,

quo cuncta creata tenemus,
Cui laus in sanctis
laus est hos sanctificantis.

Ad Benedictus.

A. O Agriti, sedulos,

filios exaudi,
Depromentes modulos

Digne tuae laudi,
Fac beate vivere

Vita pura, bona

Et potiri propere
Gloriae corona.

In 2. Vesperis.
Ad Magnificat.
A. Almi Agricii

precibus da gaudia caeli,
Christe, tuis et corde tibi

servire fideli.
Protege nos, pastor,

populum, quem tu genuisti
Et per quem Domino

dignus praesul placuisti,
Nosque tuos servos

meritis precibusque tuere
Nostrorumque pius
peccatorum miserere.