,

A. Ave, martyr gloriose,

Ave, sidus jam coeleste,

Decorans, Albane, coelum,

Nos gubema vincens humum,

Quo laetemur triumphantes

Te patronum venerantes.

Ad Matutinum.

Invitatorium.

Nomen, Christe, tuum

cuncti veneremur in unum,

Qui das pro meritis

coelica regna tuis.

In L. Nocturno.

Antiphonae.

1. Primus in Anglorum

cito lampas gente refulsit

Albanus martyr,

fidei virtute corruscans.

2. Hic regum fremitus

et inania gentis iniquae

Agmina contemnens

se Christo corde subegit.

3. In terris positus

mundanis rebus opimus

Moribus angelicam

curabat ducere vitam.

Responsoria.

1. Sacrosanctum venerandi

festum sancti martyris

Christo dignas inspectorf

laudes demus pectoris,

Albanum qui sibi dignum

sacravit hospitium.

V. Illustret nostras

coelesti lumine mentes,

Criminibus vacuas

sacris virtutibus implens.

2. In terris adhuc

mundanum lucrum

Spernere coeperat

Albanus martyr,

Pietatem sectans

sumptus pauperibus

Dabat, credens,

in coelis sibi conpensandum

Vitae munera perpetim,

V. Contemnens multis

onerari gratis.

3. Lumen sensificum,

Christe, piorum

Clemens accumula

vota precantum

Et, quibus tribuis,

solvere festum

Albani meritis,

martyris almi,

Addas supplicibus

gaudia pacis.

V. Ipsum glorifica

morte beasti,

Ipsius precibus

des quoque nobis.

In 2. Nocturno.

Antiphonae.

1. Alloquio dulcis,

vultu reverendus honesto,

Inter sacrilegos

constans sine crimine vixit,

2. Miles, Christe, tuo

fidei munimine rectus

Perstitit impavidus

voluit nec cedere laesus.

3. Albanus Domini

laudans mirabile nomen

Angelicis meruit

dignanter coetibus addi.

Responsoria.

1. Alme martyr, gemma coeli,

Forma saecli, solve supplex

Vincla plebis

Christi subditae

Confer pacem, tolle pestem,

Vitam da piam.

V. Audi, Christe, judex juste,

Voces supplicum,

Qui das sanctis aequum semper

Cunctis praemium,

2. Addictus morti

venerabilis hostia Christi

Pectore stigma crucis

bajulans laborumque salutis,

Transivit siccis

fiuvialia carbasa planetis

V. Exemplo Moysi

psallens magnalia Dei.

3. Benedicimus omnipotentem

Sua praemia non minuentem

Aberit licet unctio frontis

Bona sufficit actio justis.

V. Tua sic pie, Christe, latroni

Miseratio contulit olim.

In 3. Nocturno.

Antiphonae.

1.Iste quidem sanctus,

morum probitate benignus,

Sumptibus ex propriis

victum praestabat egenis,

Implens dilecti

jugiter praecepta magistri.

2. Alme Dei martyr,

clamorem suscipe nostrum,

Exora Dominum

pro peccatis populorum.

3. Martyr dignus ait

perflatus flamine Christi:

O pie me Jesu

placato suscipe vultu,

Participem facias

vitae coelestis et aulae.

Responsoria.

1. Judex indomita perditus ira

Dixit voce nefanda:

Albanus gladium sentiat im-

probus ;

Orat quoque martyr:

V. Jesu Christe, meus optime con-

ditor,

Nunc et semper adesto.

2. O perpetua festivitas,

O gratissima jucunditas,

In qua angelorum choris

Aeterna afflavit hilaritas,

Cum beatum Albanum

Sanctorum adscivit consortio

Adoranda trinitas unus Deus.

V. Omnis illa coelestis Jerusalem

Cum magno affectu

Jucundata est.

3. Gloriose

ac semper venerande

martyr Dei, Albane,

Intercede

pro omnibus nobis

ad Dominum Deum nostrum,

Ut per ipsius misericordiam

ad coelorum regna

mereamur pervenire.

V. Sancte Albane,

succurre plebi tuae

atque omni ecclesiae

sanctae Dei.

In Laudibus.

Antiphonae.

1. Suscipiens martyr

fidei pia dogmata vere

Pro Christi voluit

nomine multa pati.

2. Vincitur diris

constans athleta catenis,

Tortus suppliciis

improbe multimodis.

3. Ad mortem properans

habiturus denuo vitam,

Pertransivit aquas

vi crucis immodicas.

4. Percussor sancti,

divino tactus amore,

Caedere dum timuit,

sanctior occubuit.

5. Cum Domino laudes

curaret solvere miles,

Fontem promovit

arida planities.

Ad Benedictus.

A. Summa Dei virtus

sancti patuit super artus,

Caesum perlustrans,

caesorem lumiue frustrans ;

Unde tibi perpes,

sanctorum dextera vindex,

Laus et honor maneat

per cuncta saecula saeoli.

In 2. Vesperis.

Ad Magnificat.

A, Grata tibi, pie rex,

semper jubilatio nostra,

Munera persolvens

et corde resultet et ore,

Ut, qui concedis,

laetari testis agone,

Des veniam nobis

clemens ipsius amore.