15. De sancto Arimlflho.

In 1. Vesperis,
Ad Magnificat.
A. Vapincensis laetetur civitas
Novi solis lustrata radio,
Veniet in te fides, spes, caritas,
Omnis culpae cesset occasio
In hoc tui patris solemnio,
Quem commendat

carnis integritas,
Norma vitae morum frugalitas,
Verbi vigor, sacra confessio.

Ad Matutinum.
Invikatorium.
Regi regum creatori
Psallat plausus hujus chori,
Qui trasvexit ad decorem
Coeli suum confessorem.

In 1. Nocturno.
Antiphonae.

1. Gallicanis ortus de partibus
Claris fulsit Arnulphus patribus,
Ortu sacro minister Domini
Decoravit castrum Vendocini.

2. Hic ab annis adolescentiae
Literali datur scientiae,
Mox divinis insistens actibus
Admirandis fulsit virtutibus.

3. Spretis puer carnis illecebris
Et mundanis fugatis tenebris
Artae vitae sequens propositum
Monachalem suscepit habitum.

Responsoria.

1. Simoniae pollutus macula
Praesulare Ripertus desiit,
Vapincensis mox ope sedula
Clerus papam Romanum adiit
Et ab ipso supplex expetiit
Virum dignum pastoris infula,

V. Vult sibi praeberi

supplex devotio cleri.

2. Alexandri

vigil industria
Dat Arnulphum

se postulantibus,
Quem virtute,

quem praerogantia
Praeferendum

censet hominibus ;
Hunc honestis ornatum moribus
Vapincensis colit ecclesia.
V. Maxima sacrorum

lux fulget in hoc meritorum.

3. Dum Valemae castri basilicam
Venerandus sacraret pontifex,
Ab excelso

per partem lubricam
Lapsus quidam jacebat artifex,
Cui pius levamen opifex
Dat per aquam

crucemque medicam ;
V. Fons scelus enervat,

crux quaeque fidelia servat.

In 2. Nocturno.
Antiphonae.

1. Regulari velatus habitu

Christo carne vixit et spiritu,
Christi jugo devote subditus
Praeter Christum
nil ambit penitus,

2. Pro fervore gravisus pueri
Sumptus parat abbas itineri
Volens Romam secum deducere,
Quem prae cunctis
amabat tenere.

3. Alexandri coram praesentia
Tanta fulsit Arnulphus gratia,
Quod per ipsum

totum, quod voluit,
Ejus abbas gratis obtinuit.

Responsoria.
1. Celebrato praesul encennio
Manus lavit infuso latice,
Cujus sacro respersus fluvio
Visum caecus recepit publice,
Mox adstantes laeti mirifice
Claro Christum
laudant praeconio.
V. Voces in caelis

attollit turba fidelis.
2. Miles solo motu malitiae
Blasphemare

sanctum non timuit,
Vindicandae tempus injurias
Christus diu differre noluit,
Nam de templo

mox lignum corruit,
Qui multatur confracta facie.
V. In qua peccavit,

linguam sibi dente putavit.

3. Visu carens homo Teutonicus
Observabat

sepulchrum praesulis
Orans supplex, ut vir mirificus
Lumen ejus infundat oculis,
Quem depulsis

umbrarum nebulis
Dat videre coelestis medicus.

V. Luce fervens caeli

grates agit ore fideli.

In 3. Nocturno.
Antiphonae.

1. Postulatus a summo praesule
Pius senex obedit sedule,
Jussionem tristis exsequitur,
Dum sodalis sibi subtrahitur.

2. Hunc in Priscae beatae gremio
Sacro papa junxit collegio,
Commendatum

fratres suscipiunt
Et suscepto devote serviunt.

3. Indefessae mentis constantia,
Pius actis, dulcis facundia,
Morum formam

supplet in omnibus,
Dat exemplar vivendi fratribus.

Responsoria.
1. Ob delenda culparum vitia
Monialis catena stringitur,
Sed a sancto collata venia
Sponte ferri ligamen frangitur,
In quo plene facto perpenditur,
Quod sanatur

mens prius saucia.
V. Squalorem sordis

lavit contritio cordis.
2. Mutilatus in dextro brachio
Mutilantem antistes arguit,
Nam in somnis horrenda visio
Huic mirando minax apparuit,
Qua conspecta reus contremuit
De supremo timens judicio:
V. Hac me scire datur,

quae pravis poena paratur.
3. Pater sanctus rebus dispositis
Est sublatus a nequam saeculo,
Terra tanti susceptrix hospitis
Sepulturam dedit corpusculo,
Vapincensis clerus cum populo
Damna deflent amissi capitis.
V. Plaudit gravisus

pro cive suo paradisus.

Ad Laudes.
Antiphonae.
1. Regnaturus in stola duplici
Jam Arnulphus

gaudet in simplici,
Qui vestitus decore gloriae
Delectatur fructu justitiae.
2. Infinita fretus laetitia
Jam cum sanctis

gaudet in patria,
Ubi jugis est exaltatio,
Summa quies et Dei visio.
3. Separatum granum a palea
Paradisi jam tenet horrea,
Et, quam frequens

sitivit lacrima,
Goeli luce repletur anima.
4. Coelum, terra,

pontus et aethera,
Benedicant factorem opera,
Sustentando dans jura singulis
Praedicatur Deus in saeculis.
5. Seniores cum junioribus
Vita, voce, votis et moribus,
Regnum cujus

non novit terminum,
Collaudemus in coelis Dominum.

Ad Benedictus.

A. Veneranda justi memoria
Claris fulget signorum titulis,
Claudis gressus

datur constantia,
Mutis sermo, lux caecis oculis,
Vincti .gandent solutis vinculis,
Surdus audit, cedunt daemonia,
Et defunctis vitalis gratia
Redit pulsis

morborum stimulis.

In 2. Vesperis.
Ad Magnificat.

A. O lucerna plebis catbolicae,
Cleri clarens,

Arnulphe, speculum,
Clerum clemens

adstantem respice,
Rege cives, conserva populum,
Ut post hujus

mortis articulum
Resurgentes in stola duplice
Repromissum

coenae dominicae
Te juvante sumamus epulum.