18. De sancto Augustino.

In 1. Vesperis.

R. O decus ecclesiae,

lux mundi, salus quoque

terrae,

Augustine pater,

dilecte Deo vehementer,

Pro nobis Christum

supplex deposce benignum.

V. Ut vitiis mundos,

virtutum lumine claros,

Reddat nos patriae

coelestia dando supernae.

Ad Magnificat.

A. Augustine, summe doctor

Et cultor justitiae,

Pietatis propugnator,

Bellator perfidiae,

Sapientiae per vias

pulchras et pacificas,

Quas trivisti, duc nos tecum

ad sua palatia.

Ad Matutinum.

Invitatorium.

Exsultemus Deo nostro,

laetemur in Domino,

Qui dedit nobis insignem

doctorem justitiae,

Cujus nimbus orbe toto

fructus est tam multiplex.

In 1. Nocturno.

Antiphonae.

1. Vere beatus iste vir,

Summus amans legis Dei

Signumque tam fructiferum,

Ut toti det mundo cibum.

2. Rupit malorum vincula,

Jugum rejecit improbum,

Sublimis in monte Dei

Superna jussa docuit.

3. Vanos, graves, falsiloquos

Sanctum arguentem filios

Terris Deus mirificans

Transfert ad coeli requiem.

4. Benedixisti, Domine,

Justo, qui tam dilexit te,

Quo totus dum replebitur,

Aeternum gloriabitur.

5. Mirabilis es, Domine,

Donans honorem gloriae,

Hostes tuos qui destruis

Potentis oris gratia.

6. Arcum, sagittas tenebris

Rectis pararunt improbi,

Vicit fidens in Domino,

Justus amabilis Deo.

Responsoria.

1, Civitas nobis Tagaste

regionis Africae

Augustinum turrim dedit

fidei catholicae,

V. Honesta et christiana

editum progenie.

2. Maxima parentum cura

literarum studiis

Brevi puer eruditus

insignis emicuit,

V. Sacris enim et divinis

aptandus officiis.

3. At rudis adolescentis

ingenium docile

Errore Manichaeorum

capitur Carthagine,

V. Ut post revelata magis

veritas dulcesceret

Et tenacius comperta

pectori insideret.

4. Cumque plures docuisset

primitus in Africa,

Oratoriam docturus

Romam quoque navigat,

V. Ut doctrinam tanti viri

Probet et Italia.

In 2. Nocturno.

Antiphonae.

1. Justus, verax, innocuus

Altis quiescit sedibus,

Per quem maligni ad nihilum

Haeretici deducti sunt.

2. Desideravit, fruitur

Gaudens coelo vultu Dei,

Fructum semenque pessimum

De terra qui disperdidit.

3. Rex gloriae bello potens

Per mundicordem militem,

Suam quaerentem faciem,

Dolosam stravit aciem.

4. Conventus malignantium

Iniqua perscrutatus est,

Alti venit cordis homo

Et Deus exaltatus est.

5. Verbosa pestis praevalens

Domum Dei mirabilem

Pressit, beatus lectus est,

Illa cadente haec uber est.

6. O palma mire florida,

Dei perornans atria,

Augustine, scientiae

Profundae consciehtiae

Factura, quae dives manus,

Altis jucunda sensibus,

Per te perennis illa sit

Senecta nostra uber bonis.

Responsoria.

1. Inde Caesaris praecepto,

immo nutu divino

Transfertur Mediolanum

quasi rhetor docturus,

V. Ad urbem, cui praesidebat

sacerdos Ambrosius.

2. Igitur catechizatus

per tantum antistitem

Liberatur ab errore,

lavatur baptismate,

V. Diligentius instructus

catholico dogmate.

3. Spiritus sancti renatus

et repletus gratia

Omnibus saeculi pompis

statim valere nuntiat

V. Fidei ad Deum tendens

et amoris passibus,

Ne quid animum devotum

terrenum praepediat.

4. Mox in Africam regressus,

ordinatus presbyter,

Cuncta moram et doctrinae

circumlustrat lumine,

V. Cum quibusdam sibi junctis

vivens apostolice.

In 3. Nocturno,

Ad Cantica.

A. Hic tibi quam fuerat

sapientia dulcis amica,

Augustine, suam

dum gemis ad patriam,

Susceptum supera

tandem solatur in aula

Et carum proprio

confovet in gremio ;

Hanc nos corporeo

fac delectamine spreto

Sic ardendo. sequi,

sic et habendo frui.

Responsoria.

1. Processu quoque temporis

Factus antistes Hipponis

Publice atque privatim

docet verbum salutis

V. Contra haereses Africanas

maxime Donatistas.

2. Aliquanti post elapso

temporis curriculo

Africam triplex pervasit

Barbarorum invasio,

V, Ferro, flammis cuncta perdens,

Fide favens Ario.

3. Videns ergo urbem suam

hostibus circumdatam,

Lacrimosa Deum prece

indefessus postulat,

V. Ne depopulationem

illius conspiciat,

Ut ab hac se miseratus

luce jam recipiat.

4. Tertio obsidionis

mense febre decubat,

Transita beato functus

laetus coelos superat,

Intimus Dei amicus

ipso nunc perfruitur,

Apud quem nobis patronus

perpes sit, deposcimus.

V. Debellatis usquequaque

veritatis hostibus

Miles Dei gloriosus

Triumphans eximitur.

Ad Laudes.

Antiplionae.

1. Domino regnanti semper

psallamus suppliciter,

Cum quo praesul Augustinus

regnat in coelestibus.

2. Felix migrans ad superna

doctor summus atria,

Introivit in conspectu

Dei cum laetitia.

3. Quem sitivit in hac terra

Augustini anima,

Satiatur fonte vitae

nunc in poli patria.

4. Domino benedicamus

corde, verbis, actibus,

Cui benedicit in coelis

Augustini spiritus.

5, Laudemus universorum

conditorem Dominum,

Cujus donis Augustinus

fulsit tot virtutibus.

Ad Benedictus.

A. Laudibus magnis te Deum

in magni pontificis

Benedici constat dignum

Augustini meritis,

Cujus illustratur sancta

doctrinis ecclesia,

Quo intercedente duc nos

ad aeterna gaudia.

In 2. Vesperis.

R. Lucifer ut coelo

solet effulgere sereno

Inter sidereas

nocturno tempore flammas,

Sic Augustinus

toto nitet orbe beatus.

V. ''In medio ecclesiae aperuit os

ejus, et implevit eum Dominus

spiritu sapientiae et intellectus.''

Ad Magnificat.

A. Augustine, nitens

doctorum gemma per orbem,

Clarus et reliquis

rutilans ut sidus in astris,

Sis memor et salves

nostri, deitatis amice.

Alia Antipliona.

O lingua sancti spiritus,

Fluens doctrinae imbribus,

Contra errorum machinas

Turris David fortissima,

Nobis semper tu succurre,

Ahne doctor Augustine.