24. De sancto Bertrando.

In 1. Vesperis.

Super Psalmos.

A. Laudibus exsultet

coelum mundusque resultet,
Cantica Bertrandi
festiva dies canit anni.

Ad Magnificat.
A. Magnificet Dominum

plebs omnis voce sonora,
Magnificet Dominum

sanctorum turma canora.
Cum quibus, alme pater,
pro nobis omnibus ora.

Ad Matutinum.
Imitatorium.

Sanctorum regem

trinum veneremur et unum
Ut pastor gregem

revocans conservet in unum.

In 1. Nocturno.
Antiphonae.

1, Impia consilia

vitans actusque malorum,
Felix mente pia

sectando exempla bonorum
In Domini lege

meditatur nocte diegue.

2. Supra Sion montem

tu rex a rege statutus
Te geris insontem

Domini praecepta secutus.

8. Contra te datur

hostis et multiplicatur,
Susceptor clipeus
tuus ipse Deus.

Responsoria.

1. O quam glorifica

Bertrandus luce corruscat
Et quam magnifica

plebs ejus laude resultat ;
V. Nos prece mirifica

Deus ejus in astra coronet.

2. Plebs devota Deo

laudes attolle canendo,
Die tua vota Deo

Bertrandi festa colendo,

V. Ut te ducat eo

salvet et ipse regendo.

3. O pie confessor,

a nobis saepe vocatus
Sis intercessor

nostros solvendo reatus,

V. Coeli possessor,

coelum largire rogatus.

In 2. Nocturno.
Antiphonae.

1. Te pater orantem

Deus audit teque vocantem
Lumine signavit,

te signis magnificavit.

2. Scuto virtutis

tegit hunc galeaque salutis-
Christus, ut antiquum
procul expellat inimicum.

3. O quam mirandum

nomen Domini venerandum,
Qui meritis donat,

hunc coelo laude coronat.

Responsoria.

1. Dulcia corde pio

resonemus cantica Christo,.
Munere propitio

mundo nos servet in isto,
V. Post vitae cursum

perducat ad aethera sursum.

2. Gemma sacerdotum,

populum nnne respice totum,
Qui se devotum

reddit, fac crimine lotum,
V. Hostibus ignotum

coelestibus exhibe votum.

3. Sanctus Bertrandus,

clemens, dulcisque benignus,
Prudens et justus,

fortis, mitisque modestus,
V. Solvat vincla reis

et reddat lumina caecis,
Infirmos sanet

cunctisque petita ministret.

In 3. Nocturno.

Antiphonae.

1. Qui maculas nescit,

virtutum culmine crescit,
Lumine clarescit,

in sancto monte quiescit.

2. In virtute tua

se rexit rexque vocatur,
Qui, Deus, assidua
prece nos regat ac tueatur.
8. Hic manibus mundus

et mundo corde jucundus
In montem ascendit,

nobis sua dona rependit.

Responsoria.
1. Confessor Domini

claris natalibus ortus,
Cujus sermo bonus,

bonus actus, pura voluntas,
Assidui mores

signantur nobiliores ;
V. Hinc claustrum petiit,

mundum cum flore reliquit.

2. O felix pastor,

servos audi famulantes
Erige lapsos, corrige pravos,
dirige justos,
V. Omnia pelle mala,

cuncta precare bona.
3. Inclite Bertrande,

vitae meritis venerande,
Mente Deo carus

et mundo sanguine clarus,
Plebs tibi devota

sua gestit promere vota,
V. Pro cujus venia

tu prece posce pia.

In Laudibus.
Antiphonae.

1. Regnavit Dominus,

semper regnabit in aevum,

Qui regnare facit

sanctum virtute decorum.

2. Omnis terra Deo

jubilet, qui cuncta creavit,
Lumine sidereo

qui sanctum glorificavit.

3. Ad te de luce

vigilat, Deus, hic fide dignus,
Quo largire duce
nobis aeterna benignus.

4. Coelorum Domino

benedicite, coelica cuncta,
Cunctorum Domino,
benedicite cetera cuncta.

5. Coeli coelorum

laudent et virtus eorum
Sanctum sanctorum

donantem regna polonim.

Ad Benedictus.

A. Israel est dictus

Deus et Dominus benedictus,
Qui primo fecit,

post nos redimendo refecit ;;
Bertrandi meritis

det nobis dona salutis.

In 2. Vesperis.
Ad Magnificat.

A. O pie, nos serva,

cui psallit juncta caterva,
Hostes enerva,

nos protege nosque guberna.