34. De sancto Colomaimo.

In 1. Vesperis.
Antiplionae.

1. Fons et origo boni,

Deus, haec ad festa patroni
Ejus ad exemplum

fac nos fieri tibi templum.

2. Factor lucis sator,

hominum miserator, amator,
Martyris in festo

Colomanni mitis adesto.

3. Nos fragiles, viles,

Colomanne sacer, bone miles,
Duc, rege, terge, tuere,
fave, miseris miserere.

4. Nos mundare, lavare,

juvare, Deus, memorare
Martyris atque prece
vitiorum dilue faece.

R. O crucifer, Colomanne,
Plebi fave miserandae
Et coelitus impetratam
Fer nobis indulgentiam,

V. Ut pium apud Dominum
Sentiamus te patronum.

Ad Magnificat.
A. Magnificeris, Domine,
Salutaris spes animae,
Qui beatum Colomannum,
Humilem tuum famulum,

Exaltasti in supernis,
Clemens salva nos meritis,
Martyris tui precata
Solvens ab omni reatu.

Ad Matutinum.
Imitatorium.
Christum laudemus

istaque die jubilemus,
Qua scandit superos

Colomannus, Scoticus heros.

In 1. Nocturno.
Antiphonae.

1, Beatus vir Colomannus,
In mundo glorificandus,
Legem meditans Domini
Reliquit omnia mundi.

2. Ergo in timore casto
Servire satagens Christo
Crucem bajulavit mentis
Indigena occidentis.

3. Unde Deus justitiae
Hunc coelestis laetitiae
Spe, fructu mirificavit,
Pro quo laetus exsulavit.

4. Scuto bonae voluntatis
Munitus vir pietatis
Venit in terram Noricain
Iturus Jerosolymam.

5. O quam est admirabile
Nomen tuum, altissime,
In quo sanctus Colomannus
Tripudiat coronandus.

6. Domino confidens justus
Impios non est veritus,
Qui eum sunt persecuti
Inique falsa locuti.

Responsoria.

1. Jesu sequens vestigia
Colomannus Scotigena
It Jerusalem terrestrem
Morte empturus coelestem,

V. Mundum reliquit noxium
Fontem sitiendo vivum.

2. Ex alto Christus oritur
Orientique providens
In regionem Noricam
Transmisit suum athletam,

V. Curam saluti hominum
Impendens auctor omnium.

8. Immitis gens Orientis
Virum deificae mentis
Inculpat flagris multatum,
Quod ierit exploratum,

V. Pacifice ambulantem

Cum his, qui oderunt pacem.

4. Post immania tormenta

Judicis ex sententia

Assis ovis ustulatur,

Hinc Colomannus laetatur,
V. Justus ut leo confidit,

Qui, dum tortores irrisit,

Assis ovis ustulatur.

In 2. Nocturno.

Antiphonae.

1, Domine, iste beatus
Justitiam operatus,
Dum contra iniquitatem
Professus est veritatem.

2. Virtute tua, rex Christe,
Exsultat se peperisse
Desiderium animae
Martyr certans legitime.

3. Innocens manu beatus,
Mundo corde animatus,
Patientia quam mira
Pertulit tormenta dira.

4. Exauditus martyr sanctus
Poenas sprevit, regna petit,
Lactabitur in Domino,
Triumphat dum suspendio.

5. In Sion jam nunc coelesti
Beatus, quem elegisti.
Votum reddidit hymnizans,
Quod quaesivit agonizans.

6. Integrum corpus viguit,
Dependens corta fronduit
Juxta quod David cecinit:
Justus ut palma florebit.

Responsoria.

1. Coelesti afflatus rore
Vinci a persecutore
Colomannus non poterat,
Cui mori lucrum erat.

V. Vincla, carceres expertus
Persistebat intrepidus.

2. Agonista magnificus
Isaico more sectus
Sustinuit et forcipem
Membratim se discerpentem,

V. Martyr innocens et justus
Petris candentibus ustus.

8. Septiformis spiritus
Dono dives Colomannus
Tortorum cruciamenta
Sprevit ut deliramenta,

V. Per fidem adoptionis
Ferens vas electionis.

4. Belliger athleta.

Colomanne, tua nece spreta
Corda mali sueta

munda pietate repleta,
V. Mundi spineta

resecans da tempora laeta.

In 3. Nocturno.

Ad Cantica.

A. Hic martyr vere beatus
Pane vitae est cibatus,
Qui non abiit post auram
Sed Christi evangelium.

Responsoria.

1. Per evangelia dicta
Colomannus derelicta
Gente patria et domo
Coelos scandit suspendio,

V. Qui dum tantum gloriari
Appetit in cruce Christi,
Coelos scandit suspendio.

2. Rumaldus viso sanguine,
Qui de pendentis corpore
Colomanni profluebat,
Hunc humari decemebat,

V. Credens videre suspensum
Post in terra viventium.

3, Rex Christe, propitiator,
Colomannus debellator
Potestatis aereae
Gaudet se pro te odisse;

V. Justus ut palma florebat,
Cujus dum corta fronduit,
Gaudet se pro te odisse.

4. O lux coelorum,

Jesu, spes alma bonorum,
Nos pius exaudi

meritis sancti Colomanni
Te nunc laudantes,
orantes, glorificantes,
V. Respice de coelo,

servos serves ut in aevo.

In Laudibus.

Antiphonae.

1. Laudes plebs Christi

nun athletae sonet isti,
Ipsius a tumba

veluti Moysen fugit unda.

2. Tyro beatus
Mansit humatus
Non putrefactus,
Qui bona nactus
Reddit ovantes
Et jubilantes
Se venerantes.

3. Plebs vigil in fossa

venerantur martyris ossa,
Sed levat in luce
te, Deus alme, duce.

4. Te benedicit,
Christe, beatus,
Dum probra vicit
Martyrizatus,

Jam prece servos
Salvet is heros.

5. Laudent vi mentis

Dominum cives orientis,
Martyre qui magno
fulciti sunt Colomanno.

Ad Benedictus.
A. Benedictus sit Dominus,

Per quem martyr Colomannus
Gratiam dat sanitatis
Pressis vi infirmitatis,

Qui curans caecos et claudos
Pie nos sanet languidos.

In 2. Vesperis.
Ad Magnificat.
A. Rex Sabaoth verbigena,
Colomannus Scotigena
Bonum certamen certavit,
Dum te ad mortem amavit:
Hujus ergo suffragio
Omnium nostrum memento.