35. De sancto Columba.

In 1. Vesperis.
Autiplionae.

1. In Columbae

sacris solemniis
Exsultemus

devotis gaudiis,
Hunc laudantes

dignis praeconiis
Et petentes

totis praecordiis,
Ut juvemur

ejus suffragiis,
Tantis fulti

patrociniis.
2. Tanti sancti veneremur

diem festum singuli,
A peccatis ut mundemur

cordis, oris, oculi,
Cujus prece deputemur

sempiterno usui,
Cum malignis ne damnemur

post labores saeculi.

3. Coelnm semper inhiabat
Hic, dum genti praedicabat,

Petens coeli gaudia,
In supernis coeli cives
Jam effectus Christi miles

Post mundi luctamina.

4. Columba, pie serve Christi,
Nos conserva in mundo tristi
Et succurre cohorti isti
In die supplicii.

5. Post labores plurimos
Ad coelos tendens oculos

Vitam reddit Domino,
Per ipsius suffragia
Nobis donet gaudia

Regnans sine termino.

Ad Magnificat.

A. O Culumba,

cultor ecclesiae.
Virgo, doctor,
per donum gratiae

Jam securus
in statu patriae,

Salva tuae

gaudentes gloriae.

Ad Matutinum.
Invitatorium.

Columbae solemnia
Colit plebs fidelis,

Par in terra gloria
Deo sit in coelis.

In 1. Nocturno.
Antiphonae.

1. Felix terra edidit
Salutare lignum,
Columbam, qui reddidit
Fructum Deo dignum.
2. In timore Domino
Studuit servire
Praecavens in termino
Diem gravis irae.
3. Columbam, cum gemeret.
Angelus invisit,
A se quidquid peteret,
Daturam promisit.

Responsoria.

1. Felix Hibernia

Columbam genuit,
Qui de prosapia

Regali claruit
Sed morum gratia

Magis enituit.
V. A pueritia

Deo se praebuit,
Carnis munditia

Mentisque floruit.
2. Illi datum primitus

Nomen est vulpinum,
Sed mutatum coelitus

Est in columbinum,
Comprobavit exitus

Hoc esse divinum.

V. Sicut nomen Barjona
Transit in petrinum,
Jacob per luctamina
Nomen babet binum.

3. De Columba Dominus

Angelo mandavit,
Qui in viis omnibus

Eum conservavit,
Cujus fultus viribus

Draconem calcavit.
V. Axal dictus angelus

sanctum confortavit,
Ipsius obsequiis

datum se monstravit.

In 2. Nocturno.
Aiitiphonae.

1. Dilatatur varia
Tribulatione
Velut auri gloria
Crebra tunsione.

2. Mane domum Domini
Sanctus introivit
Et coelesti numini
Devote servivit.

3. Columbam per angelum
Deus visitavit,
Minoratum paululum
Coelo coronavit.

Responsovia.

1. Tria sancto

dantur insignia:
Virginalis

pudoris gloria.
Praedicandae

saiutisgratia,
Visitandi

loca distantia.
V. Magni Pauli

sequens vestigia
Plura terrae

lustravit spatia.

2. Columba moribus

Mitis et humilis,
Pius egentibus,

Cunctis amabilis
Antiquis patribus

Est comparabilis.
V. Sacris virginibus,

Piis doctoribus,
Peregrinantibus

effectus similis.
3. Corpus edomuit

crebris laboribus,
In maris latuit

nudus litoribus
More Jacob

pro cervicalibus
Reclinavit

caput lapidibus
V. Noctes sic dedicans

devotis precibus
Et dies explicans

piis operibus.

In 3. Nocturno.
AntiphoTiae.

1. Vivens sine macula
Carnis sanctus iste
Intrat tabernacula
Tua tecum, Christe.
2. Cordis desiderium
Deus illi dedit,
Cujus per auxilium
Gloriam possedit.
3. Manibus innocuum,
Sorde carnis puram
Servum levat rex suam
In regnum securum.

Responsoria.

1. Magorum praestigia
Frequenter detexit,

Ab inferni janua
Mortuos evexit,

Tranquillavit maria,
Futura prospexit.

V. Multorum coenobia
Monachorum rexit,
Oppressis angustia
Dexteram porrexit.

2. Ignis combusserat

Quoddam coenaculum,
Sed nullum senserat

Postis periculum,
In quo pependerat

Letale pallium.
V. Juxta primarium

Christi miraculum
Aqua vinarium

Propinat poculum,
Quam pro sancto

Deus mutaverat.

3. Columba in patriam

Gaudens introisti,
Surdecrae ecclesiam

Vivens dilexisti,
Ducens ad memoriam

Quod hanc coluisti,
Velis ei gratiam

Impetrare Christi.
V. Cui specialiter

Pater praefuisti,
Illique celebriter

Esse meruisti.

In Laudibus.

Antiphonae.

1. Adest dies laetitiae,

In quo Columba Domini
Thronum conscendit gloriae
Coelesti junctus agmine.

2. Mundi carens vitio,
Mundus vita pura,
Felici commercio
Coeli tenet jura.

3. Ramum, signum clementiae,
Columba portavit,
Dum sanctus hic Hiberniae
Genti praedicavit.

4. Ostendunt veraciter

Vita, mors et tuniba.
Quod vixit sinceriter
Sanctus vir Columba.

5. Vita sine macula,

Mors quam pretiosa,
Crebra per miracula
Tumba gloriosa.

Ad Benedictus.

A. O Columba,

qui verbo gratiae
Illustrasti

partes Hiberniae,

Quibus monstras

viam justitiae,
Nos divinae

commenda gratiae.

In 2. Vesperis.
Ad Magnificat.
A. Columba, pacis speculum,
Vir simplicitatis,
Puritatis vasculum,

Forma sanctitatis,
Tuae nobis rivulum

Funde pietatis,
Poscens post hoc saeculum
Vitam cum beatis.