,

A. A progenie in progenies

Fecit misericordiam Dominus,

Qui eduxit Abraham

De Ur Chaldaeorum

Et de ultimis finibus

Vocavit sanctum Donatum,

Ut in hac terra nostra

Peregrinus esset et advena,

In illa vero patria coelesti

Cives sanctorum

Et domesticus Dei.

Ibi nobis datus

A Deo patronus

Jugiter intercedat

Pro hac sancta plebe

Et universis fidelibus.

Ad Matutinum.

Invitatorium.

Jubilemus vero David

In psalmorum carmine,

Qui Donatum collocavit

Martyrum in agmine.

In 1. Nocturno.

Antiphonae.

1. Erat Roniae puer quidam

Qui ex. legis arbore

Vitam castam, mentem fidam

Suo dedit tempore.

2. Apprehendit disciplinam

Cum collega Juliano.

Qui rejecit spem divinam

Pro honore mundi vano.

3. Insurgentem Julianum

In tormenta martyrum

Fugit ad Hilarianum

Et antistitem Satyrum.

Responsoria.

1. Cum utraque legis rota

Vir beatus mente tota

Ibat nec revertebatur

Sed cum rotis levabatur,

V. ''Quia lex Dei in ore ipsius nec

supplantabuntur gressus ejus.''

2. Sancti deprecatio

Opem fert Austerio

Propulso daemonio,

V. ''Laudavit nomen Dei cum can-

tico et magnificavit eum in

laude.''

3. Euphrosynam jam sepultam

Jubet fiscum prodere

Viro suo, qui per multam

Vini artatur solvere.

V. ''Lactatur super inventa pecunia

sicut qui invenit spolia multa.''

In 2. Nocturno.

Antiphonae.

1. Merito mirificavit

Deus suum famulum,

Quia vana non amavit

Nec mendacem titulum.

2. Scuto bonae voluntatis

Dei vir innititur,

Per quod nubes caecitatis

A Syranna pellitur.

3. Hinc honore coronatur

Pastoralis gloriae

Et patrono gloriatur

Tali plebs Aretiae.

Responsoria.

1. Ex levitae manibus

Calix lapsus crepuit,

Quem vir Dei precibus

Integrum restitnit.

V. ''Vohmtatem timentium se fa-

cit Dominus et deprecationem

eorum exaudit.''

2. In tutelam Dei jecit

Spem indissolubilem,

Dum draconem interfecit

Pontem dans potabilem.

V. ''Eruit a morte animas civium

suorum alens eas in fame.''

3. Mortuum resuscitavit,

Qui convicit impium

Exactorem, cui monstravit

Scripti testimonium.

V. ''Quia dolose egit in conspectu

Domini, ut inveniretur ini-

quitas ejus.''

In 3. Nocturno.

Antiphonae.

1. Confidens in Domino

Regis Theodosii

Filiam a laqueo

Eruit daemonii.

2. Hic in monte studuit

Dei requiescere,

Dum cum suis docuit

Regem Christum credere.

3. In virtute, Domine,

Tua rex laetatur,

Dum in tuo nomine

Credens baptizatur.

Responsoria.

1. Ecce novus hic Elias,

Per quem terrae siccitas

Irrigatur per pluvias

Prece sua traditas.

V. ''Dominus dedit benignitatejn

et terra dedit fructum suum.

''2. Ut Donatus praesentetur,

Trux Quadratianus

Jubet, cum quo detinetur

Et Hilarianus.

V. ''Considerat peccator justum et

auaerit mortificare cum.''

3. Hodie jubar aethereum

Per ascensum purpureum

Ad Salomonis aureum

Transit reclinatorium

Bibens passionis fluvium.

V. ''De torrente in via bibit, propte-

rea exaltavit caput.''

Ad Laudes.

Antiphonae.

1. Miles Dei se virtute

Cingens fortitudinis

Spernit poenas, pugnat tute

Spe beatitudinis.

2. Ejus os lapidibus

Tundi dum jubetur,

In hymnis et laudibus

Deum confitetur.

3. In te, Deus, anima

Donati sitivit,

Per te quaeque maxima

Pati dum cupivit.

4. Benedicens Dominum

Carceris ergastulo

Solvit multos hominum

A languoris vinculo.

5. In excelsis laudans Deum

Capitis sententiam

Subit, talem per trophaeum

Vehitur ad patriam.

Ad Benedictus.

A. Benedictus Deus, qui nos

Hoc patrono visitavit,

Per quem regno coelesti nos

Nati sui David

Hujus mundi post declinos

Decursus haereditavit.

In 2. Vesperis.

Ad Magnificat.

A. Confractum calicem vitreum

Donati orationibus

Redintegravit Dominus,

Cujus unam partem

Abstulit diabolus

Ad suam ignominiam

Nostraeque salutis gloriam,

Quia cum desit in fundo calicis,

Nulla tamen exinde

Gutta distillat.