43. De sancto Edmtmdo.

In 1. Vesperis.
Super Psalmos.
A. Ave, gemma confessorum,
Ave, dux et doctor morum,
Salve, sanctitatis rosa,
Mundi lampas luminosa.
Gaude, pater pietatis,
Summae sidus honestatis,
Vale, vernans flos, Edmunde,
Et pro nobis preces funde.

Ad Magnificat.
A. Pater pius

et primas Angliae,
Consertus est

angelis hodie.
Triumphantis

plausus ecclesiae
Psallunt ave,

coelestes curiae
Novae ducunt

festum laetitiae
Congaudentes

ipsius gloriae.

Ad Matutinum.
Imitatorium.
Edmundus ad gaudia

Migravit aeterna,
Militans ecclesia

Plaudat cum superna.

In 1. Nocturno.
Antiphonae.
1. Summis erat praeditus
meritis Edmundus,
Sermone vel opere
nemini secundus.

2. Clerici sub habitu
clam ciliciatus,

Carnis inplacabiles
domuit conatus.

8. Carnis frangens impetus
cibo parciori
Non sumebat omnium
potum sed honori.

Responsoria.
1. Candida virginitas

leges calcavit avitas
Carnis in Edmundo,

qui casto corpore, mundo
Corde Deum colere
studuit casteque timere ;
V. Crimine nam saevo

non est infectus ab aevo.

2. Hic Moysis more

spreto Pharaonis amore
Pro minimo duxit,

quidquid cum tempore fluxit ;
V. Annis a primis

coelestia praetulit imis.

8. Duras iste vias

tenuit, quas spernit Elias,
Exstitit huic testis

cibus artus et aspera restis,
V. Displicuit mollis

byssus et purpura vestis.

In 2. Nocturno.

Antiphonae.

1. Hic vir sine macula

non ivit post aurum,

Non amavit mammona

nec aeris thesaurum.

2. Seminans in lacrimis
in plausu messurus,
Carnis erat carnifex
rigidus et durus.

3. Erat ejus patula
porta viatori,
Equestri et pedito,
serii et minori.

Responsoria.
1 .Vixit in hac vita

velut Jonadab Rechabita,
Cui census coenum
fuit et caro florida foenum ;
V. Gaudia terrena

mundi contempsit amoena.

2. Carnis vota terens,

Danielis moribus liaerens,
Usus aqua, pane,

corpus contrivit inane ;
V. Pro dapibus regis

placuerunt azima legis.
3. Mite cor, ampla manus,
jugis patientia, sanus
Sermo, fides plena,

spes ardua, fama serena,
Mentis vota piae

dant hunc similare Tobiae;
V. Dives erat meritis,

quoniam botros germina vitis.

In 3. Nocturno.
Antiphonae.
1. Praesulatu Moyses
Aaron insignivit,
Hunc ad sacerdotium
Deus accersivit.
2. Lacte pastor providus
parvulos potavit,
Cibo verbi solido
fortiores pavit.
3. Quam speciosi pedes
pacem praedicantis
Quam grata vox exstitit
evangelizantis.

Responsoria.
1. Sal fuit optatum

terrae non infatuatum,
Pontificale decus

cui contulit arbiter aequus,

V. Ut lux sublimis

summis luceret in imis.
2. Certator fortis

superato principe mortis.
Jam fruitur vita,

cui mors succumbit avita,
V. Signis testatur

quo laetus honore beatur.
3. O sol justitiae,

largiflua vena sophiae,
Praesulis Edmundi

meritis mala dele mundi,
V. Morbos convelle,

pestes preme, proelia pelle,

In Laudibus.
Antiphonae.
1. Coelestem Jerusalem
nulla nox confuscat,
In qua vitro purior
praesul hic corruscat.
2. Vivis ex lapidibus
urbs aedificatur,
Inter quos hic rutilus
lapis ordinatur.
3. Enoch Deus transtulit
mortem post visurum,
Hunc in coeluni sustulit
nunquam moriturum.
4. Ad cujus memoriam
vitae restaurantur
Mortui, remediis
languidi donantur.
5. Est in coelo jubilans
jugis et jucundus,
Quo veris deliciis
Affluit Edmundus.

Ad Benedictus.
A. Opem nobis,

pater, accelera,
A septena

nos labe libera,
Ne plectendos

post carnis funera
Desolatos

ducat ad infera.

In 2. Vesp eris.
Ad Magnificat,
A. Flos in terra

crevit viventium,
In quo Rachel
sumpsit solatium,

Sol refulsit

post urobrae nubium,
Scandens vitae

percepit bravium.