52. De sancto Firmino.

In 1. Vesperis.

R. Pro nobis miseris,

pie pastor, ne pigiiteris
Exorare bonum,

qui fecit cuncta, patronum,
V. Ut nos hinc ad se

trahat, o Firmine beate.

Ad Magnificat.

A. Concinat ordo chori

patris omnipotentis honori,
Qui te firmavit,

Firmine, sibi ditavit,
Ecclesiae postis

firmissime victor et hostis.

Ad Matutinum.
Iuvitatoriurn.

Regem Firmini,

qui nescit cedere fini,
Semper adoremus,

laeti sibi iubilemus.

In 1. Nocturno.
Antiphonae.

1. Moribus et vita

serieque reluxit avita,
Sed meritis morum

titulos transcendit avorum.

2. Ortus Narbonae,

zabuli pressa ditione
Deseruit gentem
gentilia sacra colentem.

3. Et petit Uzeciam

veram quaerendo sophiam,
Servos, ancillas

postponens praedia, villas.

Responsoria.

1. Fratres, laetemur

sacramque diem veneremur,
Qua coepit vere

vitam Firminus habere,
V. Sit lux haec celebris,

sit pulsis clara tenebris.

2. Digne Dei fili,

bone, provide pastor ovili,
Rite gregem tractans

pietatis et ubere lactans;
V. Res probat ipsa datum

digne tibi pontificatum.

3. Vir casti cordis

totius et inscie sordis,
Mirari posset,

tua qui jejunia nosset,
V. Pervigil in psalmis

insistens cantibus almis.

In 2. Nocturno.

Antiphonae.

1. Praesule defuncto

Firminus ab ordine cuncto
Poscitur, legitur,

rapitur, dignus reperitur.

2. In medio gyro

murorum schemate miro
Ecclesiam struxit,

laus cujus ubique reluxit.

3. Altera vero foris,

non parvi structura decoris,
Verax est testis

patris actibus hujus honestis.

Responsoria.
1. Hic vir cum turbis

dum portas introit urbis,
Oscula leproso

dat terribili scabioso
V. Restituitque cutem

simul amissamque salutem.
2. Cumque thorum premeret
noctu languensque jaceret,
Angelus accedens
has voces adstitit edens:
V. Quo deliquisti,

delevit gratia Christi.
3. Subdidit absque mora,

quam sit prope funeris hora,
Cras, ait, in caelis
concivis eris Michaelis,
V. Ac florens palma,

quam concio percipit alma.

In 3. Nocturno.
Antiphonae.
1. Impliciti morbis

in partibus illius orbis
Patris virtutem

sensere merendo salutem.
2. Quadam vero die

surgit sanctaeque Mariae
Valvas intravit

missamque illic celebravit.
3. Dum vero vadit,

sicut sacra lectio tradit,
Dulce melos audit,
quod coelica concio plaudit.

Responsoria.
1. Hunc decet extolli

vocis moderamine molli,
Cui Deus hymnorum

dedit auditum superorum,
V. Hunc admiremur

cantuque sacro veneremur.
2. Cumque boves funus

traherent, bos occidit unus,
In bovis occursus

properansquemsorbuit ursus,

V. Ejusdemque pari

didicit fera blanda jugari.

3. Non hunc pauca virum

reddunt miracula mirum,
Vita, lege necis

reparantem lumina caecis,

V. Erectis claudis

resonant praeconia laudis.

Ad Laudes.

Antiphonae.

1. Laudibus est dignus

pastor bonus atque benignus,
Quem Deus insignit,

quem sanctus spiritus ignit.

2. Donis florescens

virtutis adhuc adolescens
In Christo crevit

semper mundanaque sprevit.

3. De Domino meditans

et in omni tempore vitans
Criminibus subigi

mundo voluit crucifigi.

4. In Domino crevit

Dominique in monte quievit,
Ad laudem cujus

vox cleri personet hujus,

5. Laus igitur Domino

resonet clarissimo trino,
Hic pro quo mundus

superatur sic furibundus.

Ad Benedictus.
A. Nautae turba minis

ad mortem ducta marinis,
Illico tranquillum

habet aequor ut invocat illum,
Firminus dictus,

Firminus sit benedictus.

In 2. Vesperis.
Ad Magnificat.
A. Christum laudemus

laudandoque magnificemus,
Qui sancto palmam

Firmino contulit almam
Et confessorum

numerum fractumque bono-
rum.