53. De sancto Firmino.

In 1. Vesperis.

Super Psalmos.

A. Coelorum Dominum

glorificemus

Firmini celebris

festa colentes,

Cujus concelebrat

voce perenni

Festum tripudians

ordo supernus.

Ad Matutinum.

Imitatorium.

Adoremus Dominum,

Confessorum praemium,

Qui coronat gloriosum

Super aethera Firminum.

In 1. Nocturno.

Aatiphonae.

1. Stemmate praeclarus,

vir nomine Faustinianus,

Doctrinae speculum,

fidei jubar Ambianensis,

Ecclesiae genuit,

quem Firminum vocitant.

2. Cujus principio

vita beata

Maturis teneros

sensibus annos

Oppressit veterum

facta sequendo.

3. Ne fervor juvenilis eum

vacuum superaret,

Otia diffugiit

mentem perimentia, sacris

Saepius insistens

precibus librisque legendis.

Responsoria.

1. His studiis puer iste

refertus amore superno,

Delicias spernens

mundanae luxuriei,

Optabat patriae

coelestis adire senatum,

V. Moribus egregiis

praeponens alma caducis.

2. Aetatis lubricae

quae poscunt tempora, vitans

Et magnis modicos

ornans virtutibus artus,

In robur meruit

mundus transire virile,

V. Quod nullus potuit,

nisi sacro flamine fultus.

3. Carnis ab illecebris

Emerso flore juventae

Jam vir exstans hic beatus

Bella parat vitiis

Fidei circumsitus armis,

Ut corona perfruatur

V. Multiplices vigil exsuperat

cuneos vitiorum.

In 2. Nocturno.

Antiphonae.

1. Vestitum nudis,

dans esurientibus escam

Munere largifluo,

parce sibi quaeque ministrans,

Supposuit pedibus

crimen avaritiae.

2. Actibus et verbis

conservans corpus honestis,

Arcem conscendens

optandae virginitatis,

Tutus despexit

spicula luxuriae.

3. Congaudens laetis

et moestis compatiendo,

Exoptans aliis,

quaecunque sibi cupiebat,

Vires pestiferae

subruit invidiae.

Responsoria.

1. Cumque jam salutis auctor,

electorum gaudium,

Talis vitae declarandum

comprobaret meritum,

Mira coepit operari

per hunc suum famulum,

V. Ne lateret indigentes

luce lumen splendidum.

2. Hac Johannes, Lugdunensis

pontifex egregius,

Fama viri gaudens factus

claris pro magnalibus,

Grates rerum patri solvens

intimis ex sensibus,

Convocatis Gallicanis

in unum praesulibus,

Ambianicis Firminum

consecravit plebibus.

V. Ut benignis verbum Dei

ipsius sermonibus

Pullularet profanorum

occultatum vepribus.

3. Gloriosus hic antistes

Ambianis remeans

Tam benigne quam prudenter

plebem sibi traditam

Invitavit ad coelestem

introducens patriam,

V. Verbis atque factis docens

eos vitae semitam.

In 3. Nocturno.

Antiphonae.

1. Haec inter Romam

pergendi magna voluntas

Accidit illi,

Ut loca, quae cineres

Petri Panlique tegebant,

Viseret orans.

2. Excepit gaudens

fama volitante patronum

Advenientem

Papa Vigilius hunc,

vigilis quem nomine dignum

Vita docebat.

3. Expleto voto

triduoque moratus ibidem

Cum patre summo,

Ne comissa sibi

plebs desolata magistro

Vim pateretur

Hostis perdocti,

reditum, tueatur ut ipsam,

Poscit ab illo.

Responsoria.

1. Summus ad haec praesul

Firmino dicta beato

Sacra paravit:

Ad patriam regredi

concedimus atque jubemus,

Sancte sacerdos,

Jus et apostolicum

Romani laude senatus,

Ecclesiaeque

Gentibus occiduis

nostra vice praeficientes

Praesulibusque,

V. Agricolam, messis

Domini quoque multiplicetur,

Eligimus te.

2. Apostolicis praeceptis

Exhortatus vir insignis

Urbem redit Ambianis,

Ubi plenus sanctitatis

Post haec vixit multis annis ;

Sicque clarus claris signis

Carnis viribus abjectis

Coeli jungitur catervis.

V. Reddidit caecatis visum,

Claudis gressum,

Liberavit, quos vexabat

Vis iniqua daemonum.

3. Adest dies gloriosa

Annuatim recolenda,

Qua confessor venerandus

Carnem reliquit Firminus,

Ut post carnis vitae lapsum

Deo vivat in aeternum.

V. ''In lege Domini fuit voluntas

ejus die ac nocte.''

In Laudibus.

Antiphonae.

1. Sanctus Firminus

coelestibus adsociatus

Signis mirificis,

quantus erat, docuit.

2. Ad cujus sanctum

languentia membra sepul-

chrum

Vires antiquas

coelitus recipiunt.

3. Creditur aetherea

pastor Firminus in aula

Subveniens miseris

talibus indiciis.

i. Sit, benedicte Deus,

tibi gloria, quem benedicit,

Quisquis sanctorum

festa pie recolit.

5. Laudemus Dominum

moderantem sceptrapolorum ,

Per quem Firminus

confessor glorificatur.

In 2. Vesperis.

Ad Magnificat.

A. Ave, pastor gloriose,

Ave, confessor inclite,

Firmine vir sanctissime.

Ave, regi regum tuae

Preces, pater, sunt acceptae,

Qui te sanctum sanctissima

Sua probavit dextera,

Cum missarum solemnia

Celebrares supplens cuncta

Tua manu consecranda.

Tuis quapropter precibus

Emunda, quae commisimus.