56. De sancto Fusciaiio.

In 1. Vesperis.

Antiphonae.

1. Bis quondam seni

Roma venere patroni,

Gallorum populis

depromere jussa tonantis.

2. Praeconiis plures

Christum sanxere vacantes,

Optatum infirmis

robur reddendo catervis.

3. Quos Victoricus

caelebs inter fuit unus

Aut Tuscianus

socia deitate refertus.

4. Cumque Dei cuperent

Quintino numina fari,

Vinclis praefecti

vexantur Rictiovari.

5. Addicti poenis

oculorum luce privantur,

Verticibus sectis

palmam meruere triumphi.

Ad Magnificat.

A. Speciosus splendens Christus

in omnipotentia,

Qui sanctorum exstas decus

et fomes sensiticus,

Tusciniani nobis atque

Victorici martyrum,

Gentiani quique donas

celebrare praemia,

Petimus, ipsorum ut dos

muniant suffragia,

Quorum tibi gloriosa

complacuit passio.

Ad Matutinum.

Invitatorium.

Christum suppliciter

regem regum veneremur,

Qui donat sanctis

praemia digna suis.

In 1. Nocturno.

Antiphonae.

1. Sceptra caduca soli

cum Maximianus haberet,

Praesidis ad solium

provexit Rictiovarum.

2. Tempore quo plures

Roma venere fideles,

Gallorum plebi

coelorum pandere regnum.

3. Quos inter coeli

Fuscianus, mystica lampas,

Et Victoricus

simili fulgore refulsit.

In 2. Nocturno.

Antiphonae.

1. His inerat fidei

lumen Christique triumphos

Dicere, deiuc curae

Quintinum quaerere sanctum.

2. Regia martyrii

redimitum munere coeli

Sed jam Quintinum

sumpserat emeritum.

3. Nobilitate cluens

quibus obvius ecce viator

Gentianus adest

inclitus atque Senes.

In 3. Nocturno.

Antiphonae.

1. Alloquio cujus

sancti dum forte fruuntur,

Ejus agnoscunt

corda sitire Deum.

2. Ante his jam triduo

perhibet se corde subactum,

Ut mentem votis

cogat amare Deum.

3. Cum vicissim pastu sancti

solarentur mutuo,

Praeses plectens mox advenit

Gentianum capite,

Reliquos ad capiendum

deducens martyrium.

In Laudibus.

Antiphonae.

1. Praeses ait sanctis

astutus: dicite, cujus

Estis cultores

numinis atque Dei?

2. Nos, ajunt, patrem,

verbo qui cuncta creavit,

Formavit sancto

flamine quique suo

Credimus et veneramur.

3. Sanctos tunc oculis

frustrata est praesidis ira,

Clavis ignitis

antra rimans capitum.

4. Gaudebant sancti

sese pro nomine Christi

Affligi poenis

suppliciisque mori.

5. Corripiens tunc tela manu

Mavortia praeses

Transfodit sanctos

atque necavit eos

Verticibus sectis.

Ad Benedictus.

A. Membra beata florent

cum vitue munere quassa,

Sanctis paratur

gloria continua.

Lux emissa polo

loca [sacra] forte venustans

Dignos fuisse indicat,

Quod coeli penetrent

eorum spiritus aulam

Christi favente gratia.

In 2. Vesperis.

Ad Magnificat.

A. Tibi, Christe, semper exstat

laus et iubilatio,

Fusciani, Vietoriei,

Gentiani pariter

Hodie qui nos laetari

concedis martyrio.