61. De sancto Gnillermo.

In 1. Vesperis.
Ad Magnificat.
1. O decus Britanniac,
Praesul Briocensis,
Guillerme, qui gloriae
Praemiis immensis
Gaudes, nobis gratiae

Precibus impensis
Fer opem et veuiae
Pro nostris offensis.

Ad Matutinum.
Invitatorium.
Regem regum hodie

Adorent omnes populi,
Qui coronam gloriae
Dedit Guillermo praesuli.

In 1, Nocturno.
Antiphonae.
1. Beatus vir, qui sequi noluit
Consilium impiorum
Nec impulsus moveri potuit
A semita mandatorum.
2. Super montem Domini
Sion rex effectus,
Deo est et homini
Placens et dilectus.

3. In agone salvatorem
Deum invocavit,
Sic se, mundum et furorem
Hostis superavit.

Responsum.

1. Guillermus humilis

Confessor Domini,
Praesul amabilis

Deo et homini,
Lucro laudabilis

Talenti gemini,
Prece sit utilis

Suorum agmini.
V. Huic sint vicini

super astra sui peregrini.

2. In die fervens opere
Vir plenus pietatis
Proventus dignitatis
Egenis distribuere
Studebat et hoc agere
Cum manibus beatis.
V. Gloria praelatis

dabitur, qui dant ita gratis,

3. O quam fervens et sincerus

In oratione,
Quam benignus et severus

In correctione,
Quam fidelis et quam verus

In promissione,
Quam discretus et sincerus

Erat in sermone.
V. Tali personae

sit laus meriti ratione.

In 2. Nocturno.

Antiphonae.

1. Quid vana diligitis,
O filii hominum,
Non sic, quem vos colitis,
Exquisivit Dominum.

2. Vir dolosus et malignus
Non stat ante Deum,
Sed Guillermus vir benignus
Contemplatur eum.

3. Gloriatur hic in caelis
Et honore colitur,
Nam in pauca vir fidelis
Supra multa ponitur.

Responsoria.

1. Hic vi tyrannorum

Pulsus exsulavit

Et ad Pictavorum

Urbem declinavit,
Ubi commissorum
Saluti vacavit,
V. Utque triumphavit,

ad oves pastor remeavit.

2. Hic virginale praemium
Sui victor obtinuit,
Sepulta per biennium

Ejus caro non putruit,
In quo pudoris lilium
Violari non potuit.
V. Quam Deus huic tribuit,

gratia magna fuit.
3. O quam sanctum protestantur
Sanctitatis opera,
Per quam morbi tot curantur,

Languores et vulnera,
Caeci vident, muti fantur
Per Guillermi munera,
V. Quae sunt innumera,

nobis tamen omnia vera.

In 3. Nocturno.
Antiphonae.

1. Guillermus sine macula
Operatur justitiam,
Intravit tabernacula
Dei patris et gloriam.
2. Deus, qui vitam gloriae
Guillernio tribuisti,
Da nobis sequi gratiae
Viam, quam praecepisti.
3. Guillermus nocens nemini,
Per gradus caritatis
Scandens in montem Domini
Quiescit cum beatis.

Responsoria.

1. Per hnnc mater in domo filium
Jam combusta sanum recuperat,
Naufragantum factus refugium
Mare sedat, procellis imperat,
Naves salvat ad se clamantium
Et personas captivas liberat ;
V. In quo qui sperat,

ejus suffragia quaerat.
2. In mamilla misere

Quaedam aegrotavit,
Quam corosam ulcere
Dolens amputavit,

Corde, verbis, opere

Sanctum visitavit,
Sano gaudens ubere

Domum remeavit.
V. Hoc sibi donavit,

quem puro corde rogavit.

In Laudibus.
Antiphonae.

1. Domum justi non obiuit
Ventorum importunitas,
Nec aquis multis potuit
Ejus exstingui caritas.
2. Guillermus in laetitia
Coram Deo servivit,
Cujus portas et atria
Confessor introivit.

3. Deus, ad te vigilabat
Sitiens orando,
Cujus linguae concordabat
Manus operando.
4. Benedicant creatorem,
Qui creavit omnia,
Qui per suum confessorem
Tot facit magnalia.
5. Coeli, terrae, maria,
Sonus, vos et sermo
Dei beneficia

Laudent in Guillermo.

Ad Benedictus.

A. O Guillerme, pastor egregie,
Tutor gregis, lucerna, speculum,
Briocensis decus ecclesiae,
Morum lampas, exemplar prae-

sulum,
Ora patrem misericordiae,
Utnossalvet, clerum et populum,

In 2. Vesperis.

Ad Magnificat.

A. O magna clementia
Nostri salvatoris,
Qui tot per suffragia
Sui confessoris

Facit mirabilia,

Omnis vim languoris
Pellens et daemonia,
Cujus nobis gratia

Cunctis adsit horis.