64. De sancta Herinelinde.

In 1. Vesperis.

R. Virgo, puellarum

decus, observantia clarum
Sidus, sexennis

bis calcans saecla, perennis
Per carnis domitae

regnum petit ardua vitae,
V. Virgo carens fraude,

celebri dignissima laude.

Ad Magnificat.

A. Virgo magnifica,

simplex, praecauta, pudica,
Pallens et macra,

devota, theorica, sacra,
Mentis tunc jubilo

jugi, nunc pacis asylo
Perpetuae fruitur,

in quo gaudens stabilitur.

Ad Matutinum.
Invitatorium.

Christum, castarum

decus et tutamen earum,

Semper adoremus

et mente pia iubilemus.

In 1. Nocturno.
Antiphonae.

1. Praedita virgo bonis,

praesens per singula donis,
Moribus augmentat

eam perfectamque parentat.

2. Mens in sublimi

sua floris tempore primi
Virtutum plenas
pure moderatur habenas.

3. Lubrica pro vili

reputat cursu juvenili,
Exemplar clarum,

dux praevia, stella bonarum.

Responsoria.

1. Laetificando locum

resonet chorus organa vocum,
Decantet gaudens

et coeli curia plaudens
Adsit, ut in plenis

laudetur virgo camoenis,
V. Concinat ac oret

vir, femina, quisque laboret.

2. Crimina cuncta, pater

vult hoc et sedula mater,
Vi fugiens tota

Christo spondet sua vota,

V. Carnis devexum

maris omnis provida nexum.

3. A patre villa datur,

quo pergens virgo moratur,
Competit esse status

ad opus proprii famulatus,
Seque domumque regens
ibi vivit humillima degens,
V. Laudibus usque vacans,

Christum per omnia placans.

In 2. Nocturno.
Antiphonae.

1. Contigit, ut quidam

duo vellent fallere fidam
Ancillam Christi,

cui tutor, Christe, fuisti.

2. Angelus accedit,

monet et virguncula credit,
Sic splendorque micat,
castam sibi castus amicat.
3. Advenit haec eremum

fido duce credula demum,
Hic locus aptatur

sibi gratus eoque moratur.

Responsovia.

1. Haec eremi cultrix,

quasi facta vulneris ultrix,
In Christi latere

Constanter coepit latere,
V. Herba sibi victus

et cilicium fit amictus.

2. Christum mente ferens,

scripturae semper inhaerens
Fit proba vas doxae,
totius libera noxae,
V. In studet aeternis

nemorum latitando cavernis.
3. Cedit ab hac vita

post multum sic eremita,
Hominis obsequitur

plebs coelica, qua sepelitur,
Fit quoque voce, lyra
cum lampade latria mira,
V. Sede libens anima

superum transfertur ad ima.

In 3. Nocturno.

Antiphonae.

1. Gesta patent justo

cuidam ceteraque venusto,
Contigit, ut sciret,

dum dictum per nemus iret.
2. Coeli nocte chorum

videt et jubar audit eorum,
Dulce melos sane,

loca signat ,abit quoque mane.
3. Nocte sequente quidam
vir pernoctabat ibidem,
Dignus idem dignum
vidit memorabile signum.

Responsoria.

1. Vir toto nisu

divulgat cognita visu,
Parte domum fundat,

tumba, res mira, redundat,
V. Grande rei nomen

diffunditur hujus et omen.

2. Plebs ruit ad nota

miracula dans pia vota,
Vera salus morbis

datur hic et luminis orbis

V. Et claudis quisque,

surdis, mutis rabidisque.

3. Mox duce Pippino

veniente genuque reclino
Oscula dante locis

fiunt pia famina votis,
Capsa quo teste

pia membra locantur honeste,
Qui templum grande

struit in laudem venerandae,
V. Remque piam jusque

statuens sexus utriusque
Coetum, pro cura

victus dat praedia multa.

Ad Laudes.
Antiphonae.

1. Laudemus Christum,

propter quem respuit istum
Mundum virgo bona
fulgens radiante corona.

2. Christum laudemus

et laudes amplificemus,
A quo donata

sic proximat ista beata.

3. Curet in aeternum

regem laudare supernum
Plebs, hanc qui clare
curavit mirificare.

i. Christus laudetur

et in aevum glorificetur,
Qui tam mirifice

vitam decoravit amicae.

5. Laudibus altisonis

laudetur vi rationis
Rex, cui mente mera
servivit virgo serena.

Ad Benedictus.

A. O benedicte pater,

o Christe, piissime frater,
O sanctum pneuma,

cantus, psalmodia, neuma
Jure tibi dantur,

tibi psallunt, te venerantur,
Hermlindi meritae

qui das pia praemia vitae.

In 2. Vesperis.
Antiphonae.

1. Inclita virgo decens,

ad Christum vota profunde,
Ut vetus atque recens

scelus abluat, urimur unde.
2. Virgo dicata Deo,

pro nobis jugiter ora,
Ne sontes ab eo

damnemur mortis in hora.
3. O virgo clemens,

da Christo juge precamen,
Ut nobis clemens

sit noxae detque piamen.
4. Id pete subjectis,

ne nos patris ira molestet,
Virgo, sed abjectis
vitiis bene vivere praestet.
5. Post, modo virgo roga

Christi pia numen et ora,
Ut cum luce toga

potiamur mortis in hora.
R. Haec morum lima

se stravit ab indole prima,
Ad summam vitae

varia probitate polita,
Celsa virago, satrix

virtutum, juris amatrix
Intima, subjecta,

patiens, pia, lege referta.
V. Mirus odor gummi

coeli replet [atria] summi,
Quod fuit e messe

quam sacro severat esse.

Ad Magnificat.

A. O vir verbigena,

fons manans ubere vena,
Virginis Hermlindis

precibus nos exue mendis,
Ut sua per merita
potiamur coelibe vita.

Alia Antiphona.

Filia Hierusalem,

tibi se dedit hic specialem,
Qui mundi naevum

tollens nos solvat in aevum

Tuque suo zelo

flagrans nos ingere coelo.

Alia Antipliona.

O virtutum omnium

Te polit virgo schema,
O quam expers sordium,

Quam dignum fandi thema,
Prece tui
Fac nos frui

Omni bono,

Ditans dono
Salutis et gratiae,
Exhinc Dei facie.