75. In Translatione s. Ludovici.

In 1. Vesperis.
Antiphonae.

1. Exsultemus omnes et singuli
Diem festum agentes gratiose,
Ludovicus, cujus nos servuli,
Translatus est hodie gloriose.

2. Gloriose praefuit

Regno saeculari,
Virtuose studuit

Christo famulari,
Pauperibus profuit

Zelo singulari,

3. Singulari pollebat

Gratia pietatis
Nec unquam deserebat

Limam aequitatis
Sicque regnum regebat

Virga veritatis.

4. Veritatis doctores

Ferventer dilexit
Et ad bonos mores

Se totum erexit,
Suos successores

Ad Deum direxit.

5. Direxit reges Franciae

Sanctus Ludovicus,
Nitore conscientiae

Factus Dei amicus,
Ob hoc regnum gloriae

Nunc est sibi vicus.

Ad Magnificat.

A. Dei cultor et amice,

Judex et ultor malorum,
Rex Francorum,
Ludovice,

Fontem ora pietatis,
Ut peccatis

Nostris det veniam
Nobisque gratiam.

Ad Matutinum.

Invitatorium.

Regem, per quem reges regnant,
Venite adoremus.

Ad Nocturnum.

Antiphonae.

1. Cujus corpore
Dionysius

Abunde ditatur,
Ejus capite
Nunc Parisius
Jucunde dotatur.

2. Dotatur in coelestibus
Stola jucunditatis
Ludovicus, qui regibus
Est norma sanctitatis.
3. Sanctitatis culmine
Divinitus erectus
Angelorum agmine

Jam ad coelos est vectus.

Responsoria.

1. Felix regnum, cujus rex pro-
vidus,
Pacificus, pius et pudicus,
In adversis semper intrepidus ;
Talis fuit sanctus Ludovicus.

V. Rex erexit terram et patriam,
Qui dilexit sequi justitiam.

2. Paupertatis larga subsidia,
Veritatis aequa judicia,
Ilonestatis certa indicia,
Sanctitatis sunt testimonia.

V. O quieta gregis protectio,
O discreta recogitatio.

3. O sparsor divitiarum

Erogando pauperibus,
O spretor deliciarum

Insudando laboribus,
O tutor ecclesiarum

Eas juvando viribus,
Duc nos ad regnum praeclarum

Tuis devotis piscibus.
V. Qui tot aegris praestitisti

Curationum gratiam,
Nobis confer dono Christi

Transgressionum veniam.

In Laudibus.
Antiphonae.

1. Dominus regnavit

Ludovicus in mundo,
Qui peccatum cavit
Et vixit corde mundo.

2. Jubilate creatori,

Tota gens Christiana,
Sed voce jucundiori
Psalle, plebs Gallicana.

3. Deus, Deus salutis
Nostro sancto regi
Viam dedit virtutis
Obedire legi.

4. Benedicite, populi,

Dominum angelorum,
Collaudate seduli

Sanctum regem Francorum.

5. Laudate Dominum
Et patrem luminum

In translatione,
Cujus scimus vitam
Ductam et finitam

Cum devotione.

Ad Benedictus.

A. Benedictus Dominus virtutum
Digne debet modo benedici
Pro meritis sancti Ludovici,
Quem novimus coelosassecutum ;
Cujus translatio
Facta cum gaudio
Reddat ab hostibus
Et malis omnibus
Regnum tutum.

In 2. Vesperis.
Ad Magnificat.

A. O decus ecclesiae,

Pie rex Francorum,
Exemplar justitiae,

Lex et norma morum,
Post finem angustiae,

Mortis et laborum
Praesta dono gratiae

Regnum beatorum.