77. De sancto Mauronto.

In 1. Vesperis.

Ad Magnificat.

A. O beate Mauronte,
ad nostras modulationcs
tu respice
et hanc plebem
te flagitantem
tuere,

quatenus tuis subsidiis
queat fore tripudians.

Ad Matutinum.

Invitatorium.

Jubilemus Christo regi
In beati confessoris
Solemnitate Mauronti.

In 1. Nocturno.
Antiphonae.

1. Vir pius atque sacer

Maurontus jure refulget,
Dum fidei pretio

dederat, quod habebat,
Amato.

2. Hos fremitus et opes

meditans Maurontus inanes,
Disrumpens vinclum

regem processit ad unum.

3. Gloria cum superis

Maurontum exaltat in astris,
Qui sua dando pium

pie jam suscepit Amatum,

4. Fructus ccntuplices

recipis, Maurorite, perennes
Ob pietatis opus,

a te quod sumpsit Amatus.

5. Res operando sacras

te mansit sancta voluntas,
Per fidei meritum,
Mauronte, amplexus Iesum.

6. Praeclaro sonitu

nomen mirabile Iesu,
Quod coluit terris,
modulat Maurontus in astris.

Responsoria.

1. Altis ortum parentibus
Maurontum sacris fontibus
Dedicavit Richardus
Sacris sacrandum actibus,

V. His imbuens primordiis
Ad laudem summi numinis
Hunc admotum Christicolis.

2. Solemnibus tripudiis
Mauronti festum nobilis
Colentes, Christe, quaesumus,
Ut nos mundes a sordibus

V. Hujus adjuti meritis,
Quem sociasti superis,
Diem cujus obsequiis.

3. Actibus eximiis

pollens Maurontus herilis
Per pietatis opem

coeli pervenit ad arcem,
V. Vir probus iste nimis,

bene complens dogmata legis.

In 2. Nocturno.

Antiphonae.

1. Illecebras carnis

Maurontus amore tonantis
Exsuperans superos

Coeli comitatur alumnos.

2. Corde, fide, manibus

laudabilis atque benignus

Complacuit Domino
Maurontus dives in ipso.

3. O quam candidulus

renitet Maurontus in astris,
Hos capiens fractus,

quos coeli parturit hortus.

4. Mirificans in aeternum

sanctum suum Maurontum
Glorificatio Christi
extollatur a nobis.

5. Sacer levita Maurontus
pro nostris erratibus
Coram Deo salvatore
exsurgat causidicus.

6. Ipsum se sacro

dederat Maurontus Amato,
Praedia praescripta

tradens, quae sunt sua, carta.

Responsoria.

1. In laicali schemate

Sub quodam degens tempore
Maurontus missa hac specie
Se contulit ecclesiae,
In qua susceptis gradibus
Magnis crevit operibus ;

V. Quaerens supernam speciem
Per clericatus ordinem
Virtutum subit apicem.

2. Maurontus hic deicola,
Amatum pulsum patria
Postquam pie susceperit,
Quidquid habebat, contulit.

V. O quam felix consortium,
Per caritatis vinculum
Magistrum notum coelitus
Carus Deo discipulus.

3. Regna poli sitiens

Maurontus pectore prudens
Dona caduca dedit,

sibi quis mansura paravit
V. Ad patriam vitae

tendens sanctissimus iste.

In 3. Nocturno.

Ad Cantica.

A. Exaudiat preces nostras
summa Dei pietas
Per sancti levitae clara
Maurenti oracula.

Responsoria.

1. Vir iste sacris molibus
Atque fulgens operibus
Christo processit obviam
Coelestem intrans januam.

V. In mundi nocte pevigil
Maurontus solers exstitit,
Qui claras face lampadis.

2. Accensus igne fidei,
Divinos jussus prosequi
Exoptans, hic coelicola
Spernebat orbis prospera,

V. Se victimam altissimo
Fore ratam obsequio.

3. Mirabilis rex coelitum,

Sanctorum laus et praemium,
Hujus patroni precibus,
Cujus nunc festum colimus,
Egentes tuo munere
Digneris nos respicere.

V. His praesentes solemnibus
Devotionis cultibus
Nos, Jesu bone, quaesumus.

In Laudes.

Antiphonae.

1. Indutus speciem

vitae morumque decorem
Maurontus habitum

Christo suscepit amandum.

2. Securus mundi

Mauroutus ad atria coeli
Tendens ecclesiae
cultor devovit inesse.

3. Actibus et meritis

vitae invigilando periclis
Maurontus Dominum

sitiens pervenit ad ipsum.

4. Rex benedicte, tuis

Maurontum nactus in astris,
Nos rege, sanctifica,
benedic per saecula, salva.

5. Gloria Maaronto,

superum laus, victima mundo,
Quas tibi gratifices,

nostras tu suscipe laudes.

Ad Benedictus.

A. Ad benedicta pie

nos ducens gaudia vitae,
O Mauronte, preces

humiles tu respice semper,
Quas tibi magnificis

plebs fundit consona verbis.

In 2. Vesperis.

Ad Magnificat.

A. Mauronte alme,

fidelibus tuis succurre,

ne nos subripiat

callidus hostis

insidianter,

pater, juva festinanter,

ne moreris.