80. De sancto Osmundo.

In 1. Vesperis.
Antiphonae.
1. Suscipe cum gaudio,
Mater filiorum,
In Osmtmdi jubilo
Preces famulorum.
2. Confessoris Dominum
Gens collaudet tota
Et in sancti gloriam
reddat pia vota.
3. Exit ejus spiritus
terram miserorum
Et intrat pro meritis
regnum beatorum.
4. Iste domum Domini
sacrans fabricavit
Et dispeisos clericos
simul congregavit.
5. Lauda, Sion, Dominum
magni confessoris,
Lauda pium praesulem,

cujus est laboris,
Quidquid tuas januas

bene confortavit,
Quidquid tuos filios
jam laetificavit.

Ad Magnificat.

A. Confessor Domini,

precibus succurrito plebi,
Ut vitiis vacui
valeant tibi consociari,

Et tua quos reperis
solemnia praevenientes

Tu populi ductor,

fac, ut tecum comitentur.

Ad Matutinum.
Invitatorium,

Omnipotens Dominus
laudetur trinus et unus,

Qui dedit Osmundo
coelestia regna beato.

In 1. Nocturno.
Antiphonae.

1. Natus mox renascitur
Osmundus fonte lotus,
A cunctis piaculis
effectus mundus totus.
2. Adolescens proficit
schola literali
Et tirones superat
arte militari.
3. Juventutis terminos
prudens transigebat,
Neque contra spiritum
caro praevalebat.

Responsoria.
1. Praesulis Osmundi

celebramus festa jucundi,
Qui pius, prudens,

humilis, sobriusque pudicus

Expletis curis

intravit gaudia lucis.
V. Auxit per merita

sibi tradita quinque talenta.
2. Ecce sacerdotem,

cujus prudentia sanctum
Suffulsit templum,

Christi stabilivit et aedem,
V. In vita placuit

Domino, plebem bene rexit,
3. O praesul noster,

tecum decet ut gratulemur,
Qui mundo moriens

non desinis esse sacerdos,
Coelesti vita

frueris per saecula cuncta.
V. Jam cernis Christum

patris a dextris residentem.

In 2. Nocturno.
Antiphonae,
1. Vir effectus prospere
Venstriam regebat,
Tandem partes Angliae
potens defendebat.
2. Utrobique regia
jura dilatavit
Ac in pace solida
cuncta reformavit.
3. Sed et domus Domini
maximus zelator
Pluris beneficii

largus est fundator.

Responsoria.
1. Praeposito plebi

magna virtute potenti
Sacra manus Domini
subveniebat ei,
V. Ut David est unctus,

ut Aaron est ipse sacerdos.
2. In regum quondam

conspectu magnificatus
Nunc immortalem
gaudet cepisse coronam,
V. Deservire Deo

malens quam regna tenere.

3. Confessor Christi

felix, feliciter audi
Nos tibi devotos

laudique tuae famulantes,
Ast impetratam

veniam pro crimine nostro,
Quaesumus, ut nobis

coelitus obtineas.
V. O pater Osmunde,

clarum decus urbis et orbis,
Servorum gemitus

tristes tu suscipe clemens.

In 3. Nocturno.

Antiphonae.

1. Comes factus Sagiae
cum successit patri,
Cuncta dat ecclesiae
bona sua matri.

2. Postremo Dorsetiae
nactus comitatum
Spreto mundo trahitur
mox ad praesulatum,

3. Jam coelestem obtinens,
pastor, praelaturam,
Servis tuis impetres
vitam permansuram.

Responsoria.

1. Ante Deum magnas
virtutes est operatus
Osmundus sanctus,

cujus doctrina salubris
Curans ecclesias
illustrat in orbe fideles ;
V. Mundum contempsit,

jam coelica regna subintrat.
2. Infirmos curat,

caecos et debilitates
Membris consolidat,

partim genus omne doloris.
Donat ei Dominus,
ut removere queat,
V. An febris, an pestis,

an sit pressura parentis.

3. Miles et alme pater,

Osmunde, Dei gregis auctor,
Christo funde preces,

et nostras ablue culpas,
V. Ut nos vitae sedem

valeamus scandere celsam.

In Laudibus.
Antiphonae.
1. Hic Osmundus refugit
regnantis honorem,
Dei domus eligens
praeferre decorem.
2. Sanctus iste stabilis
in confessione
Mercedem promeruit
coelestis coronae.
3. Ob decus ecclesiae
multum vigilavit,
Deum solum sitiens
carnem maceravit,

4. Benedicta Venstria,

talem fundans domum,
O quam felix Anglia,
hunc habens patronum.

5. Qui cum sanctis omnibus
regnas nunc, Osmunde,
Pro nobis orantibus
preces Deo funde.

Ad Benedictus.

A. Prodentem servum

te constat et esse fidelem,
Quem Deus in plebem

praefecit jure regendam ;
Tunc tritico verbi

vacuas animas satiasti,
Nunc hominem totum

ne cesses reddere sanum.

In 2. Vesperis.
Ad Magnificat.

A. Salve, celeberrime

Pater clericorum,
Osmunde sanctissime,

Lumen confessorum,
Dele tuis precibus

Perpetrata male,
Memor in coelestibus

Nostri semper vale.