81. De sancto Oswaldo.

In 1, Vesperis.
Ad Magnificat.
A. Gloriose rex Oswalde,
Vota damus, tu attende,
Tui sumus, recognosce,
Mortem aufer, vitam posce.
Ave, quondam rex Anglorum,
Nunc cohaeres angelorum ;
Placa nobis regem tuum,
Qui te fecit civem suum.

Ad Matutinum.
Invitatorum.
Spes quibus est vitae,

Domino jubilare venite,
Reddidit Oswaldo

qui regna perennia sancto.

In 1. Nocturno.
Antiphonae.

1. Oswaldum, puerum

longo de sanguine regum,
Christus adoptavit,

Northumbria cum generavit.

2. Nobiliter natum,

nece mox patris exsiliatum,
Scotia suscepit,
ibi Christum discere coepit.

3. Jamque puer puras,

fidei petra firma futurus,
Barbariem sprevit

studiisque piis adolevit.

4. Omnibus exutus

Domini mandata secutus
Coelica plus quam se
dilexit, cetera ceu se.

5. Jam tum virtutem

quasi rex formatus ad omnem,
Vestiit algentes

et nutriit esurientes.
6. In Domino fidens,

mundi ludibria ridens,
Miles ut invictus

inimicos repulit ictus..

Eesponsoria.
1. Igitur rex Oswaldus

Ad gentis suae imminentum
Etchristianaefidei fundamentum
Northumbriae gentilibus
Est editus parentibus,
V. Ut rosa de spinis

pulcherrima surgit acutis.

2. Elifrido,

patre ejus, mortuo

In Scotiam

dulcis transfertur pusio,
V. Ut Christum discat

et in ejus amore calescat.
3. Instituitur docilis

Adolescens solum Deum

Sapere et pro terrenis

Coelestibus anhelare
V. Et cito lapsuram

mundi reprobare figuram.
4. Interea proelio

Eduwinus occubuit,

Christus Oswaldum paterno

Regno restituit,
V. Tempora qui mutat,

sub quo mare terraque nutat.

In 2. Nocturno.
Antiphonae.
1. Rex diadematus,

in cunctis magnificatus,
Fines tutatur

cultumque Dei meditatur.

2. Cura sibi gentis

erat haec sua signa sequentis
Idola calcandi,

templum tibi, Petre, locandi.

3. Ad fundamentum

fidei sanae jaciendum
Doctrina sanum

vocat a Scotis Aidanum.

4. Praesule sub tali

documento spirituali
Gens fera mutatur,

Domino nova turba dicatur.

5. Tunc actus socios

rex alterat atque sacerdos,
Hic docet, hic discit,
hic disserit, excipit ille.

6. Hoc studio functi

tam sancto foedere juncti
In theatro mundi

pia sunt spectacula facti.

Responsoria.
1. Cernens demum antiquus hostis
tanto conatu se impeti
Armaturam fraudis induit,
arenam intrat, parat congredi,
V. Lucra renascentis

non passus crescere gentis.

2. Ad expugnandum pium regem
Et abolendam Dei legem
Excitat (quendam) ducem Bri-

tonum
Et commovet in proelium,
V. Milibus armatum,

belli feritate probatum.

3. Rex Oswaldus Deo fretus
Paucos suos fide munit,
Hoste caeso victor redit.

V. Haec, Deus, haec tua sunt
et adhuc, quaecunque super-
sunt.

4. Gloriosus es, aeterne

Rex, qui sicut tuum quondam
Constantinum, sic per signum,
Sanctae crucis Oswaldum
Regem triumphare facis,

V. Qui cruce vicisti

victorque, Deus, rediisti.

In 3. Nocturno,
Ad Cantica.

A. Conplantatus aquis

florens, Oswalde, virescis,
Cui rosa martyrium,
lilia dant lavacrum.

Responsoria.

1. Ad tactum crucis, in qua
Rex Oswaldus triumphavit,
Sola fides additur
Et medela aegris redditur,

V. Aut aqua potatur,

et coelica vis dominatur.

2. Paschae die rex esurientibus
Discum argenteum

dividit pauperibus,
Reddit Aidanus
benedictionem,
Quae permanet in hunc diem
V. Nunquam marcescat

manus ista nec inveterescat

3. Pontificante

sancto papa Honorio
Et adnitente

Biriuo episcopo
Rex Cynigilfus

fidem Christi suscipit ;
Oswaldus eum

de lavacro excipit ;
V. Christus adoratur,

rex et sua turba novatur.

4. Athleta Dei Oswaldus,
Sanguine suo laureandus,
Ingravescente proelio
Se suosque committit Domino
Regnum mutat, non deponit
Et in sinu aeterni regis
Rex et martyr reclinato
Capite obdormit.

V. Fessus et emeritus,
felici fine potitus,
Pax ubi vera datur,

ad coelica regna vocatur.

Ad Laudes.
Antiphonae.

1. Cum prece rex migrat,
qua se tellure reclinat,
Larga salus manat
et languida corpora sanat.

2. Miles miratur,

equus ejus dum medicatur,
Postulat, affertur

paralytica, sana refertur.

3. Herbida terra viret,

Brito de pulvere transfert,
Flamma domum lambit,
sacrum fugit ignis et ambit.

4. Suscipitur clara

meritum testante columba,
Pulsa fugit pestis,

fremit hospes, pellitur hostis.

5. Aeger ut accedit,

febris anhela recedit,
Poscit opem moriens,

Oswaldus adest sibi clemens.

Ad Benedictus.

A. Sol oriens nec deficiens

de virgine, stella
Lueiflua, pietate sua

te, sancte, coronat.
Rex celebris, nos de tenebris

absolve reatus,
Luce ciuis, lux esto tuis,

Oswalde, rogatus.

In 2. Vesperis.
Ad Magnificat.

A. Te, Christe, rex coelorum,
Magnificet vox angelorum,

Qui sanctum Oswaldum,
Fide candidatum,
Sanguine purpuratum,
Agni comitatui
Addidisti laureatum.
Per hujus, Domine,
Tui regis intercessionem
Nos peccatores in aeternam
Admitte reconciliationem.