82. In Translatione ss. Patricii, Cornmbae et Brigidae.

In 1. Vesperis.
Antiphonae.
1. Veneranda imminentis
diei solemnia
Felix et pia mater
concelebrat ecclesia.
2. Quo beatorum Patricii,

Columbae et Brigidae corpora
Duno digne venerantur
translata de pulvere.
3. Margaritae tres monstrantur
Duni monasterio,
Quis defunctis vitae dantur,
caecis datur visio.
4. Diu latentes radii
Duno tegebantur,
Rivi mergentes aequore
plebi demonstrantur.

5. Magna nobis gaudia

Hibernis nunc dantur,
Patronorum nostrorum
ossa elevantur.

Ad Magnificat.

A. O trinae lampades,

mirae claritatis,
Ut sol in meridie

diebus aestatis,
Pastores Hiberniae,

globi claritatis,
Monstrantur reliquiae

Vestrae vestris natis,
Sequaces victoriae

Vestrae probitatis
Jungantur militiae

Coeli cum beatis.

Ad Matutinum.
Invitatorum.

Christum regem adoremus

omnes Sion filiae,
Patronorum Hiberniae

reliquiae sunt translatae.

In 1. Nocturno.
Antiphonae,

1. Patricius, Columba
et Brigida fructus
Donant ut crescentia
ligna secus fluctus.

2. Reges, cleri, populi
Duno convenerunt
Et de fossa tumuli
Patronos tulerunt.

3. Patronos dormientes,
Diu soporatos,
Laudat clerus gestiens
Pulvere levatos.

Responsoria.

1. Clari et egregii

olim Duno tumulati
Milites beati,

post tempora multa levati,

V. Emendent status

nostros tergendo reatus.

2. Jaspis, topasius,

saphyrus, lumina tergens,
Patronorum rivus,

paradisi flumina mergens,
V. Terram purgavit,

populum baptismate lavit.

3. Mors, morbi, maria,

pestis, praestigia vana,
Carceris angaria,
daemon, quaecunque profana
V. Patronis cedunt,

Christo gens perfida cre-
dunt.

In 2. Nocturno.
Antiphonae.
1. Pater patrum hodie

Sepulchrum sacratum
Reddidit ecclesiae
Sibi commendatum.
2. Dominus patronos

nostros jam glorificavit,
E tumulo clerus

dum pignora sacra levavit.

3. Ossa patronorum
Hiberniae levata
Nos a labe vitiorum
Tergant prece grata.

Responsoria.

1. Hi tres lux patriae,

Duno diu tecti sunt terra,
Regulae justitiae

latitantes saecula multa,
V. Nunc demonstrantur

et publicitus venerantur.
2. Vacate, gentes,

patroni magnae probitatis,
Gaudete flentes,

patres immensae pietatis,
V. Compedibus natos

culparum solvite strictos.
3. Quisque patronorum

Hiberniae semina sevit
Terra Scotorum,

quo fructus copia crevit,
V. Nunc steriles mentes

cibat undique reficientes.

In 3. Nocturno.
Antiphonae.
1. Innocentes manibus
et corde hoc mundo
Transferuntur canticis
clero laetabundo.
2. Deus desideria

Patris adimplevit,
Per quem in Hibernia
Fides inolevit.

3. Ossa quiescentia

Trium transferuntur
Ad patris praesidia
Publice ponuntur.

Responsoria.
1. Horum membra lutum
tenuit laxata labore
Miro virtutum

Duno venerantur honore,
V. Aegra poli rore

sanent ut membra dolore.

2. Nunc tres in Duno

tumulo tumulantur in uno,
Brigida, Patricius

atque Columba pius,
Gemmae sacrandae,
mundo toto venerandae
V. De terra levantur

nunc honorandaeque dantur.

3. Currite languentes,

Duno piscina morborum,
Corpora vel mentes

aegrotas ipsa medetur;
Felices gentes,

quibus istud flumen habetur,
V. Protulit haec fossa

harum sacra trina ossa.

In Laudibus.
Antiphonae.
1. Levantur patroni,
Pleni coeli rore,
Hiberniae egregii,
Induti decare.
2. Omnis terra jubilans
Adoransque laetatur,
Quia sidus rutilans
Duno demonstratur.

3. Terra Duni dederat
Jam speratos fructus,
Quod olim receperat
Hora leti luctus.

4. Patroni in Domino
Deum benedicant,
Quia coeli gaudio

Sicut Phoebus micant.

5. Deus a cubilibus

Exaltans mansuetos
Facit de stabilibus
Jucundos et laetos.

Ad Benedictus.

A. Benedictus Dominus,

qui translatione
Sanctorum Hiberniae,
Patricii primatis
Et venerandi abbatis
Columbae Brigidaeque,

virginis almae,
Hunc diem sacrat

pariter et magnificavit.

In 2. Vesperis.
Ad Magnificat.

A. O pontifex, magne pater,

Patrici, Hiberniae apostole,
O abbas praeclare,

Columba mitis et pie,
O Brigida benigna,

virginum veneranda,
Poscite vestris

gaudentibus solemniis,
Perfrui vobiscum

sempiternis gaudiis.