85. De sanctis Puellis.

In 1. Vespcris.

Ad Magnificat.

A. In puellis Christum magnifica,
Coetus Mansi, cantus et duplica,
Sepultura manet authentica,
Hilarescit turba angelica
In supernis.

Ad Matutinum.

Imitatorium.

'' Regem puellarum Dominum
venite adoremus.''

In 1. Nocturno.

Antiphonae.

1. Nomen Christi mirabile
In puellis emicuit,
Dum corporis dualitas
et unitas apparuit.

2. Sponsus natus de virgine
Amavit has puellas
Et in poli cacumine
Facit esse gemellas.

3. Hoc mirum monstrum affluens
Sanctitate,
Mundanum nomen vinciens
Bonitate

Fideles allexit.

Responsoria.

1. Arbor plantata Jericho

Grossos produxit gratias,
Accrescens fructu coelico

Umbram donavit gloriae;
Sic fit cunctis miraculis
V. Haec factio laudabilis,
Crevit multis miraculis
Medicamentum populis.

2. Alma seges tunc dogmatis
Pullulavit in saeculo,
Cum Saturnini monitis

Puellac credunt clanculo,
Per quem refulgent meritis,
V. Sanctum infundit coelicum
Angelorum viaticum
Viatoris almificum.

3. Messores regiae

agri dominici
Cruorem colligunt

athletae coelici,
Pravorum rabie

dum tauro trahitur,
Hae regis filiae

multum dolent.
V. Videte, populi,

certamen humile,
Deplorant oculi

pro morte praesulis.

In 2. Nocturno.
Atitiphonae.

1. Verbum dulce eructavit

Istud monstrum in patria,
Actus suos gubernavit,
Ut regnaret in gloria.
2. Deus in terra posuit
Hujus sexus prodigia,
Qui nos vitare docuit
Inimici vestigia.
3. Super solis cacumine
Laetatur stirps regia,
Magna consistit germine,
Demonstrant hoc judicia.

Responsoria.

1. Flagellantur

puellae regiae,
Dum abhorrent

nefanda latriac,
Linquunt Gotos,

gentes dementiac,
Mansus gaudet ,

pro tali acie,
Quia grata.
V. Istae colunt

regem justitiae
Et exorant

pro gente patriae.

2. In Christi solio
Plantae justitiae
Crescunt munditie,
Coelestis concio

Laetatur hodie,
Crescat devotio
Hujus familiae
Hic in via.
V. Precibus, servuli,

Laudate Dominum,
Ut sitis aemuli

Sanctarum virginum.

3. Plantula mirabilis,
Ortu generosa
Et vita laudabilis,
Actu luminosa,

In poli cunabulis
Sedet gloriosa,
Mansi defensibilis
Ac imperiosa
In excelsis.
V. Ista stipes

fulgens prosapia,
Cedant Satan
et carnis vitia.

In 3. Nocturno.
Antiphonae.

1. Nuntiate in populis

Coronas harum virginum,
Deprecentur ab insulis,
Ut tollant fasces criminum
2. Quia regnavit super has
Messias collaudetur,
Gens Mansi pangat, choreas,
Choros ducens laetetur.

3. Cantate Domino

cum novo cantico,
Qui mirabilia

fecit in populo,
Sua potentia
claret miraculo
In puellis.

Responsoria.

1. Binas duxit

ex se propagines
Stipes ista,

fuerunt virgines
Tamquam arbor
obumbrans homines
Danielis.
V. Lignum salutiferum
nobis est donatum,
Juxta aquas gratiae
Auxit transplantatum.
2. Duae consortes

Sanctorum civium,
Augete gentes
Vos deprecantes,
Ad coeli bravium
Transferte mentes.

V. Prudentes virgines,
Aptate lampades,
Fideles debiles
Facite lapides
In coeli solio.

3. Generosa

frutex prosapia,
Gratiosa

tua facundia,
Gloriosa

Habes sedilia,
Luminosa

Consistunt praemia
In supernis.
V. Subarrhata

Per Christum annulo
Et ornata

In coeli circulo
Exaltaris.

In Laudibus.

Antiphonae.

1. Has puellas inclitas
Christus decoravit
Et gemellas editas
Spiritus regnavit.

2. Gaudio mirabili
Gentes jubilate,
In coelo fulgibili
Duplae sunt locatae.

3. Rex per istas laudabitur,
Quia fulgent virtutibus,
Naturaque mirabitur,

Quantae sunt in coelestibus

4. Benedictus

in poli cardine
Adstat Christus
pro isto germine
Salutari.

5. Deum cum virginibus,
Populi, laudate,
Cum sanctis agminibus
Polo sunt locatae.

Ad Benedictus.

A. Christus nos reficiens

Mundo benedixit
Et ex alto oriens

Vera lux illuxit,
Dum monstrum mellifluens

In nobis produxit.

In 2. Vesperis.

Ad Magnificat.

A. Magnificate Dominum,

Qui monstrum prodidit
Mentibus hominum
Et dat terminum
Vitae puellis luminum
Sancta sede.