88. De sancto Rnmoldo.

In 1. Vesperis.

Antiphonae.

1. Triumphanti concordando

Militans ecclesia

Laeta colit exsultando

Rumoldi solemnia.

2. Sidus ortum in Scotorum

Regione nobile

Lumen in Brabantinorum

Terra dat mirabile.

3. In Machlina lux virtute

Refulsit praevalida,

Ubi facta statione

Liquefecit gelida.

4. Sed ibidem lux eclypsim

Passa sole clarius

Relucescit non passura

Defectum in amplius.

5. Crebris namque per Rumoldum

Signis floret populus,

Sed et terra, quae patronum

Recipit divinitus.

R. O praeclarum sidas, rarum

Nesciens, solatium

Desperatis sospitatis

Dans et vitae spatium,

Caecis viam, harmoniam

Surdis, moestis gaudium

Et languorum diversorum

Relevans supplicium.

V. Coeli vernans in roseto

Divo madet rore,

Contemplando vultu laeto

Regem in decore.

Ad Magnificat.

A. Gratuletur et Iactetur,

Quidquid orbis continetur

In figura sphaerica,

Laus Rumoldi praedicetur,

Quem laudando veneretur

Nobiscum plebs coelica.

Ad Matutinum.

Imitatorium.

Exsultando iubilemus

Christo, rosae martyrum,

Qui Rumoldum in rosarum

Vexit hortum floridum.

In 1. Nocturno.

Antiphonae.

1. Stirpe natus ex serena

Rumoldus vir inclitus

Ad coelorum peramoena

Suspirat medullitus.

2. Oriundus ex Scotorum

Regali prosapia

Honestate vitam morum

Ornat ab infantia.

3. Sub tenella mox aetatc

Crescens sapientia,

Vitae florens sanctitate

Spernit transitoria.

Responsoria.

1. Plebs Runioldum veneretur,

Pia cujus moduletur

Laudes pleno pectore,

Vita cujus et doctrina

Quondam floruit Macblina,

Nunc dotata corpore.

V. Erectus namque

virtutum culmine,

Ut sol emicuit

plebis in agmine.

2. Hic est prudens et fidelis

Jacob, formam ob Rachelis

Parentes et patriam

Derelinquens, ad aspectum

Dei tendit per despectum

Spernens ignominiam.

V. Genus et delicias,

Culmen praesulatus,

Regales divitias

Celat vir beatus.

3. Arcbipraesulatus

functus officio,

Honorem respuens

non onus, solio

Relicto gloriae

latet exsilio ;

V. Corpus domans

calcat supplicia,

Carnis in se

trucidans vitia.

In 2. Nocturno.

Antiphonae.

1. Ortu clarus generoso,

Virtute praeclarior,

In adspectu gratioso

Cunctis amabilior.

2. In virtutem de virtute

Tendens vir amabilis

Sedem Deo concedente

Scandit archipraesulis.

3. In honorem sublimatus

Humilis in gloria,

Rernm censu dilatatus

Vivit in penuria.

Responsoria.

1. Juxta verbum viri Dei

Novi velut Elisaei

Fecundatur sterilis,

Cujus natum sacro lavit

Fonte, demum quem privavit

Vita cursus fluminis.

V. Parentum itaque

sanctus solatium,

Vitae restituit

submersum filium.

2. Hostes tandem pietatis

Contemptorem copiac,

Amatorem veritatis

Cultu sub inopiac

Acstimantes paupertatis

Virum mactant impie.

V. Sic rubens rosula

cruore proprio

Cocli sublimia

petit martyrio.

3. O mirandum, praedicandum

Virum, cujus meritis

Turba cedit et obedit

Daemonum, quae militis

Sitit vitam jam attritam

Ab ipsa suppliciis.

V. Mox a turba

liber, qua premitur,

Semivivus

sospes efficitur.

In 3. Nocturno.

Antiphonae.

1. Solum Deum concupiscens

Descendit de gloria,

Loca tendens ad deserta

Contemnit sublimia.

2. Tandem ductus in desertum

Sacro duce spiritu,

Ubi nunc Machlina sita,

Quievit a strepitu.

3. Ubi Jesum praedicavit

Vitae sauctae merito

Sed et cursum consummavit

Felici martyrio.

Responsoria.

1. Vetustate mulier

doloris vexata

Manum habens aridam

sanitate grato

Per Rumoldi merita

gaudet impetrata.

V. Christi servus

Christi miraculum

Vetus novum

facit per meritum.

2. Frigoris incommoda

Dum captiva quaerulatur,

Mira res: et tegmina

Tantum domi meditatur,

Vestium solatia

Sentit, quibus convelatur.

V. Caritatis

vestitus podere

Pater pius

succurrit miserae.

3. Vulpes gallum subito

capiens astuta,

Quo cavente mulier

matutinas tuta

Pulsans horologio

cessat destituta ;

V. O precandi

Rumoldi meritum,

Reportat vivum

vulpes galliculum.

Ad Laudes.

Antiphonae.

1. Deo nostro sit jucunda

Decoraque laus, qui munda

Corda replet gratia,

Qui divisa maris unda

Viam suis per profunda

Pandit ad coelestia.

2. Corda jubilent et ora

Decantando cum sonora

Voce laudes martyris,

Quem ad bona potiora

Hac in die mortis hora

Rex transvexit luminis.

3. Felix servus et beatus,

Dignitate non elatus

Nec parentum gloria,

Ab indignis trucidatus

Coelos scandit laureatus

Adepta victoria.

i. Sit haec dies praesens lacta,

Sit jucunda sine meta,

Qua valle miseriae

Relicta domoque spreta

Aegypti Christi athleta

Regem adit gloriae.

5. Quod sitivit, contemplatur,

Contemplando delectatur,

Delectando fruitur,

Perfruendo satiatur,

Satiatus non gravatur,

Dum sitit, quo pascitur.

Ad Benedictus.

A. Benedictus Dominus

Deus Israelis,

Qui degentem servulum

Hic sine quaerelis

Vexit ad palatium,

Ubi demptis velis

Videt absque nubilo

Faciem in jubilo

Regnantis in caelis.

In 2. Vesperis.

Ad Magnificat.

A. O Rumolde, coeli rosa,

Quae jam in tam speciosa

Regis tabernacula

Introisti cum decore,

Quod sitisti, pleno ore

Gustans, per te macula

Peccatorum deleatur

Et aeternae conferatur

Vitae nobis gloria.