89. De sancto Sevcrino.

In 1. Vesperis.

Ad Magnificat.

A. Justitiae cultor,

Christi quoque semper amator

Nunc olimque tua

nos pietate juva,

Exorans regem

pro nobis cuncta regentem,

Ut vita coeli

det, Scverine, frui.

Ad Matutinum.

Invitatorum.

Adorabilem collaudemus

Dominum, cujus gratia

Scandens astro Severinus

Decoravit aethera.

In 1. Nocturno.

Antiphonae.

1. Sanctus Dei Severinus,

Coelesti virtute auctus,

Mundo fuit percelebris

Virtutibus mirificis.

2. Hic longa pace nobilis

Dum vita comes exstitit,

Eeclesiae Coloniensis

Eximius praesul fuit.

3. Nocte quadam intempesta

Dum sopori dedit membra,

Voce discit angelica:

Exsul fies Burdigalam.

Responsoria.

1. Sanctus pater Severinus,

Coloniensis episcopus,

Dum vita comes exstitit,

Mundo fuit percelebris

Virtutibus mirificis,

V. Digne ministrans Domino

In suo episcopio.

2. Post multos tandem labores,

Quibus Christo digne placet,

Nocte quadam intempesta

Dum sopori dedit membra,

Divinitus admonetur,

Suam relinquat patriam

Et adeat Burdigalam.

V. Attentus bonus vernula

Jussa stupet dominica

Certusque suae remunerationi

Paret voto divinaepraeceptionis

3. Festinus iter arripit

Burdigalamque expetit,

Ab episcopo Amando

Suscipitur cum gaudio.

V. Clerus occurrit jubilans

Et populus congratulans,

Dantur laudes in excelsis

Pro adventu tanti patris.

In 2. Nocturno.

Antiphonae.

1, Tandem pervenit ad urbem,

Quam vocitant Burdigalam,

Quam tunc regebat pontifex

Amandus caro nomine.

2. Dulcia dantur famina

Atque miscentur oscula,

Gloriam Christo Domino

Dat simul tota concio.

3. Dolet Amandus pontifex

In sancti hujus funere,

De quo gaudent coeli cives

Nosque laetamur supplices.

Responsoria.

1. Florent altis virtutibus

Amandus et Severinus

In urbe Burdigalensi

Nulli priorum secundi.

V. Precibus coelum penetrant

Et sui gregis

Augmento tripudiant.

2. Dcvotae mentis animo

Nobilis plebs Burdigalae

Benedicat Christo Deo

Et beati Severini

Collaetetur solemniis

Ejus subnixa meritis.

V. Exsultet laude condigna

Sancti hujus praesentia.

3. Adest dies laetissima

In tanti patris gloria,

Qua spiritum reddidit Christo

Cum angelorum gaudio.

V. Exsultet plebs Burdigalae

Pro tanti patris gloria.

In 3. Nocturno.

Antiplionae.

1. Salvatur plebs Burdigalae

A Gotorum gravi turma,

Quos subvertit sanctus iste

Tristi confuso dolore.

2. Divina jubet pietas

Imbribus rigari terras,

Orat sanctus pro populo,

Datur serenitas coelo.

3. Gloriose Christicola,

Adstantem plebem robora,

Ut Christo Deo placeat

In pace degens tempora.

Responsoria.

1. Dies versantur animo

In sancti hujus jubilo,

Cum Gotorum graves turmac

Vallant muros Burdigalae,

Quas subvertit digna prece

Severinus Christo duce.

V. Offendunt hostes amari

Sanctum Domini servulum

Hastasque vibrant rigidas

In se suasque catervas.

2. Imbres funduntur tumidi

Judicio summi Dei,

Orat sanctus pro populo,

Datur serenitas coelo.

V. Supplices fundit gemitus

Totus in unum populus,

Ut adjuvet Severinus.

3. Sancte pater Severine,

Nostris precibus intende

Et pro nobis roga Deum,

Qui te nobis constituit

Doctorem atque patronum.

V. Snbleva nos

tuis intercessionibus

Ante pium

Domini conspectum.

In Laudibus.

Antiphonae.

1. Vir virtute mirabilis,

Severinus Coloniensis,

Deo dilectus et hominibus,

Coeli junctus est civibus.

2. Hujus nobis memoria

In benedictionibus fiat,

Quem in conspectu hominum

Christus Deus magnificat.

3. Resplenduit prodigiis,

Verbis monstra compescuit,

Benedixit per omnia

Dominum in via sua.

4. In augmento boni gregis

Deo lucrum reportavit,

Cujus crucem bajulando

Gaudet coronatus lauro.

5. Sit semper adjutor pius

Nec servulos spernat suos,

A Christo nobis donatus

Et in hac terra positus.

Ad Benedictus.

Sancte pater Severine,

Nostris precibus intende

Et pro nobis roga Deum,

Qui te nobis constituit

Doctorem atque patronum.

Ad Matutinum.

Adsunt nobis celebria

Severini solemnia,

Ejus juvemur precibus,

Quem prosequimur laudibus.