95. De s. Thoma Herefordensi.

In 1. Vesperis.

Antiphonae.

1. In coelesti gloria,

qua gaudent angeli

Regnat Thomas, Dominum

laudate pueri.

2. Omnes gentes, psallite

in laudem Domini,

Senes atque juvenes

et omnes populi.

3. Justus laudet Dominum,

qui justos diligit,

Compeditos liberat,

elisos erigit.

4. Non est speciosa

laus in ore peccatoris,

Justorum jucunda

est laudatio decoris.

5. Sion, psalle jugiter

Concentibus sonoris,

Thomas cantat dulciter

Cum angelorum choris.

R. Homo mutus,

qui lingua caruit,

Ventri victum

vi manus impulit,

Thomam rogat,

linguam obtinuit,

Linguis loqui

diversis meruit.

V. Zachariae

qui os aperuit,

Muto linguam

per Thomam tribuit.

Ad Magnificat.

A. O pater pietatis,

O gemma pTaesulum,

Lucerna claritatis,

Illustrans saeculum,

Medela sanitatis

Ad te currentium,

Nos purgans a peccatis

Gaudere cum beatis

Fac in perpetuum.

Ad Matutinum.

Invitatorium.

Adsunt Thomae praesulis

festa laetitiae,

Adoremus et laudemus

regem gloriae.

In 1. Nocturno.

Antiphonae.

1. Thomas pestilentiae

cathedra non sedit,

Legem implens tempore

fructum vitae dedit.

2. Hic praeceptum Domini

praedicans timore,

Non servi sed filii

servivit amore.

3. Non timebat impios

pius adversantes,

Justos salvat Dominus

in ipso sperantes.

Responsoria.

1. Pater pius,

pastor prudentiae,

Escis alit

oves ecclesiae,

Thomas thema

fit temperantiae,

Jaspis gestu,

judex justitiae.

V. Non infirmant

fortem fallaciae,

Dona, deciis,

damna, divitiae.

2. Erant Thomae

mores: humilitas

Corde, simul

in ore veritas,

Actus simplex,

fides, spes, caritas,

V. Lectus, cibus,

vestis asperitas

Et mens munda

carnis et castitas.

3. Nautae maris

passi naufragia

Thomae vovent,

petunt suffragia,

Lux de caelis

descendit ignea,

Cessant, cedunt

cuncta contraria.

V. Tres candelae

luce siderea

Sunt accensae,

mulcentur maria.

In 2. Nocturno.

Antiphonae.

1. Mundi sprevit gloriam,

sprevit vanitatem,

Non quaerit mendacium,

quaerit veritatem.

2, Peribit vir sanguinum

et spes impiorum,

Erit exspectatio

laetitia justorum.

3, Super coelos inclitus

Thomas elevatus

Honore et gloria

regnat decoratus.

Responsoria.

1. Parens partus

septies fecerat,

Sed defunctos

octavo tulerat,

Abortivum

hunc mensuraverat

Servo Dei,

quem sanctus suscitat.

V. Ecce, Deus

sanctum mirificat,

Qui defunctum

fetum vivificat.

2. Pastor hosti

murum opposuit,

Nec laborem

nec mortem timuit,

Vi praedonem

praeda destituit,

Domus Dei

jura restituit.

V. Magnus magna

fecit et docuit,

Pia cunctis

exempla praebuit.

3. Praesul pascens

gregem dominicum

Ad mensuram

partitur triticum,

Duplum refert

talentum traditum,

Post laborem

intrat in gaudium.

V. Omnes quidem

currunt per stadium,

Thomas currens

accepit bravium.

In 3. Nocturno.

Antiphonae.

1. Malignus in nihilum

huic justo deductus,

Operum justitiae

gloriosus fructus.

2. Posuisti capiti

Thomae glorioso

Coronam de lapide,

Christe, pretioso.

3. Mundus, verax, innocens

per dilectionem

Accepit a Domino

benedictionem.

Responsoria.

1. Mundi Thomas

furores temperat,

Famem pellit,

a peste liberat,

Firmat pacem,

salutem reparat,

V. Terrae, mari

et ventis imperat,

Fugat mortem

et vitam comparat.

2. Clarus claris

signis ostenditur,

Caecus videt

et mutus loquitur,

Surdus audit

et claudus graditur,

Aeger quisque

sospes revertitur.

V. Per te, Thoma,

captivus solvitur,

Fugit daemon,

mors vita vincitur.

3. Princeps pacis,

precatu praesulis

Tui Thomae

aufer a famulis

Culpas cordis,

oris et operis,

Sede sancta

siste nos superis,

V. Ubi plausus,

perpes pax pectoris,

Splendor summi

solis ac sideris.

Prosella.

Super coelos sublimaris,

Gratis gratans gratularis,

Felix fatim efficeris.

Tuos, Thoma, tuearis,

Motus mulce magni maris

Tu, qui digne laudaris

Superis.

Ad Laudibus.

Antiplionae.

1. Christo laus et gloria

detur cum honore,

Qui praecinxit famulum

virtutum decore.

2. Caeci vident, ambulant

claudi, muti fantur,

Surdi, daemoniaci,

leprosi curantur.

3. Corpora morticina,

membra dissoluta

Sunt saluti reddita,

vitae restituta.

4. Tristes, aegri, debiles

ad sanctum accedunt,

Justi voti compotes

gaudentes recedunt.

5. Multitudo confluit

et plebs copiosa

Admirantes opera

tanta gratiosa.

Ad Benedictus.

A. Sancte Thoma,

succurrens omnibus,

Intus, extra

nos munda sordibus,

Caritatis

sic reple moribus,

Ut regnemus

tecum coelestibus.

In 2. Vesperis.

Ad Magnificat.

A. Sicut fragrant horto florum

Candent, curant lilia,

Thomas per exempla morum

Fragrat in ecclesia ;

Candet choro confessorum

Flos vitae munditia,

Culpas curat contritorum,

Poli praestat praemia.

Per Octavam ad Magnificat.

Antiphonae.

1. Salve, Thoma, pastor boue

Christi gregis et patrono,

O doctor ecclesiae,

Opem, quaeso, fer aegrolis

Atque mentibus devotis

Confer lumen gratiae.

2. Puer mersus morti datus

Tandem Thomae mensuratus

Est apud Oxoniam,

Qui statim resuscitatus

Ut a somno excitatus

Dei per potentiam,

Cum revixit,

Clamans dixit:

Eamus Herfordiam.

3. Lux fulget ex Anglia,

Thomas, vir angelicus,

Nobilis prosapia,

Praesul apostolicus,

Doctor veritatis.

Dona nobis gratiae

Christi patrocinium

Et post hoc exsilium

Ac felicem transitum

Junge nos beatis.